Ռինգում Ալիևը շատ թույլ բռնցքամարտիկ էր, սակայն նրա առջև գեղասահորդ էր. Արմեն Այվազյան

«Արարատ» ռազմավարագիտական կենտրոնի տնօրեն, պատմաբան և քաղաքագիտության դոկտոր Արմեն Այվազյանն իր ֆեյսբուքյան էջում գրել է․

«Քիչ առաջ ուշացումով հնարավորություն ունեցա ամբողջությամբ դիտել Մյունխենում տեղի ունեցած Ալիև-Փաշինյան բանավեճը։

Տպավորությունս համառոտ նկարագրելու համար կօգտագործեմ սպորտային անալոգիան. ռինգում Ի. Ալիևը շատ թույլ բռնցքամարտիկ էր, ով անընդհատ անզգուշորեն գրոհում էր, «բացվելով» և հուժկու հակահարված ստանալու բացառիկ հնարավորություններ ստեղծելով իր ախոյանի համար։ Բայց վատն այն էր, որ այդ հուժկու հակահարվածը չէր հետևվում, որովհետև Ալիևի առջև ոչ թե բռնցաքամարտիկ էր, այլ գեղասահորդ։ Այսպես չի կարելի։

Փաշինյանի թուլությունն այս բանավեճ-մենամարտում առանձին քննարկման նյութ է, իսկ ահա Ի. Ալիևի պահով պետք է ասել, որ նա վերջին 20 տարիների ընթացքում մտավոր աճ չի արձանագրել։

Կարծում եմ, ՀՀ վարչապետին օգտակար կլիներ ծանոթանալ հետևյալ նյութերին.

1. ОДНАЖДЫ В СТЭНФОРДЕ. Штрихи к политическому портрету Ильхама Алиева
https://golosarmenii.am/article/64862/odnazhdy-v-stenforde…

2. Ինչ պետք է ասեր Զոհրաբ Մնացականյանը, որ չասաց BBC-ին տված հարցազրույցում
https://lurer.com/?p=341796&l=am

3. BBC-ի հարցազրույցում նախարարն ի ցույց դրեց ՀՀ արտաքին քաղաքականության սնանկությունը. Արմեն Այվազյան
https://www.youtube.com/watch…»: