Լավրովն ու Շոյգուն մնացին. Պուտինին դուր է գալիս պաշտպանական ու արտաքին քաղաքական կուրսը

Սերգեյ Լավրովն ու Սերգեյ Շոյգուն՝ ՌԴ կառավարության ամենահայտնի անդամները, պահպանեցին իրենց նախարարական աթոռները։ Երեկ երեկոյան Ռուսաստանի նորանշանակ վարչապետ Միխայիլ Միշուստինը նախագահ Վլադիմիր Պուտինը ներկայացրեց կառավարության նոր կազմը և կառուցվածքը։

Կառավարությունում, ինչպես և խոստացել էր Միշուստինը, շատ նոր դեմքեր կան։ Կառավարության ղեկավարը փոխել է 5 փոխվարչապետների և 10 նախարարների, ընդ որում՝ նոր փոխվարչապետներից 2-ը նրա նախկին տեղակալներն են Հարկային ծառայությունում. խոսքը Ալեքսեյ Ավերչուկի և Դմիտրի Գրիգորենկոյի մասին է։
Վերլուծաբանները նկատում են, որ Կրեմլը բավականին մեծ անկախություն է տվել Միշուստինին կառավարության ձևավորման հարցում։ Դրա հետ մեկտեղ, առաջին փոխվարչապետ է նշանակվել Անդրեյ Բելոուսովը, ով նախագահ Պուտինի օգնականն էր տնտեսական հարցերով։ Վերլուծաբանների կարծիքով՝ Լավրովի և Շոյգուի վերանշանակումը խոսում է այն մասին, որ Պուտինը չի ուզում փոխել արտաքին քաղաքականությունը, իսկ տվյալ երկու գործիչները, ըստ նույն վերլուծաբանների, Արևմուտքի հետ այսօրվա հակամարտության խորհրդանիշներն են։

Միշուստինի կառավարությունում չկան այն անձիք, ովքեր ամենից շատ էին զայրացնում ռուսաստանյան հասարակությանը, և վերլուծաբանները սա այդ նույն հասարակության փոքր հաղթանակն են համարում։ Քաղաքագետ Ալեքսանդր Կոնևը, մասնավորապես, ասում է. - «Հեռացրել են ամենասկանդալային մարդկանց՝ Մուտկոյին, Մեդինսկուն, Վասիլևին։ Կարելի է ակնկալել, որ այդ ոլորտներում՝ առողջապահության, մշակույթի, կրթության, կլինեն փոփոխություններ»։ «Էխո Մոսկվի» ռադիոկայանի եթերում Կոնևը նաև նշել է, թե կառավարության անդամների զգալի մասին հանրությունն ընդհանրապես չի ճանաչում։

Tert.am-ը ներկայացրել է ՌԴ կառավարության կազմում փոփոխությունների մասին «Կոմերսանտ»-ի անդրադարձը: Պարբերականը նշել է, որ նոր կառավարություն կարող էր նշանակվել անգամ մեկուկես տարի առաջ, բայց նախագահ Վլադիմիր Պուտինը միայն այժմ հրաժարվեց 2018-ի մայիսին կառավարության ոչ ուժային բլոկում կատարելիք փոխզիջումներից: Վարչապետ Միխայիլ Միշուստինը հունվարի 21-ին փաստացի հաստատել է կառավարության առաջիկա խնդիրները, որոնք բխում են կառավարության նոր կառուցվածքից և կազմից. առողջապահություն, սոցիալական ոլորտ, թվայնացում, էլեկտրոնային բյուջե, շինարարություն:

Հարցն այն մասին, թե ինչպես է նոր կառավարությունը պայքարելու ներդրողների կողմից վստահության ճգնաժամի դեմ, բաց է մնում: «Եվ, այսպես, Ռուսաստանի կառավարությունը հունվարի 21-ին իր առաջին նիստն անցկացրեց: Կառավարության նոր կազմի ձևավորման համար ռեկորդային կարճ ժամանակ պահանջվեց. դեռևս 6 օր առաջ Դմիտրի Մեդվեդևի կառավարությունը չէր պատրաստվում հեռանալ, իսկ հունվարի 21-ին նշանակվեց Միխայիլ Միշուստինի կառավարությունը»,- գրում է «Կոմերսանտ»-ը:
Ուժային ոլորտում Վլադիմիր Պուտինը փոխել է միայն մեկ նախարարի. արդարադատության նախկին նախարար Ալեքսանդր Կոնովալովին փոխարինել է նախկին փոխվարչապետ, կառավարության աշխատակազմի ղեկավար Կոնստանտին Չույչենկոն: Ոչ ուժային կառույցներում էլ փոփոխությունները հիմնականում կադրային մակարդակի վրա են եղել:

Այդ նշանակումները քննարկվում էին դեռևս 2018թ. մայիսից: Նոր կառավարությունը հրաժարվել է «փոխվարչապետ-նախարար» մակարդակի համակարգից: Ինչպես քննարկվում էր մեկուկես տարի առաջ, առաջին փոխվարչապետ է նշանակվել նախագահի օգնական Անդրեյ Բելոուսովը: Անտոն Սիլուանովը պահպանել է ֆինանսների նախարարի պաշտոնը, իսկ նախարարությունը, ամենայն հավանականությամբ, կամրապնդի իր դիրքերը նոր կառավարությունում:

Համախառն ներքին արդյունքի աճի խնդիրը կառավարության նոր կազմով պետք է որ ավելի լավ լուծվի: Կառավարությունը դարձել է ավելի «տեխնոկրատ» և «երիտասարդ», նրա աշխատանքի վրա ավելի քիչ կազդի վերջին տարիներին կառավարության անդամների միջև փոխհարաբերությունների բեռը: Ակնհայտ է, թե ինչով է զբաղվելու Միշուստինի կառավարությունն առաջիկա ամիսներին. սոցիալական քաղաքականության հարցեր և թվայնացում: Սակայն ավելի արդյունավետ կառավարությունը ներդրողների համար դեռևս վստահության առիթ չէ, այդ վստահությունը համեմատաբար դանդաղ է առաջանում: Միխայիլ Միշուստինն արդեն հունվարի 21-ին է հայտարարել ներդրումային «կլիմայի» արագ փոփոխման անհրաժեշտության մասին: Դրա մաս կարող են դառնալ վերահսկողական գործունեության բարեփոխումն ու կապիտալի ներդրման պաշտպանությունը, սակայն բացի սրանից կքննարկվեն նաև այլ գաղափարներ, քանի որ կառավարությանն «արագ հաջողություններ» են պետք, առանց որոնց հնարավոր չէ լինել ավելի լավ կառավարություն, քան նախորդն էր:

Ռուսաստանի միջազգային գործերի խորհրդի գլխավոր տնօրեն Անդրեյ Կորտունովը նշել է, որ ՌԴ արտգործնախարար Սերգեյ Լավրովի և պաշտպանության նախարար Սերգեյ Շոյգուի վերանշանակումն իրենց պաշտոններում խոսում է Ռուսաստանի արտաքին քաղաքականության հետևողականության և շարունակականության մասին, ըստ Tert.am-ի այս մասին Կորտունովն ասել է РИА Новости գործակալության հետ զրույցում: «Սա խոսում է այն մասին, որ այս հիմնական նախարարությունները գտնվում են նախագահի, ոչ թե վարչապետի տրամադրության տակ, ինչպես և միշտ եղել է: Հետևաբար, նախագահն, ընդհանուր առմամբ գոհ է ռուսական արտաքին-պաշտպանական քաղաքականությունից, նա կարիք չի զգում ինչ-որ կերպ այն փոխել և հասկանում է, որ այս փուլում նախարարների փոփոխությունն ավելի շատ լրացուցիչ դժվարություններ կառաջացնի, քան նոր խթան կհանդիսանա մեր արտաքին քաղաքական նախաձեռնությունների համար»,-նշել է փորձագետը:

«Ես կարծում եմ, որ սա ազդանշան է, այդ թվում նաև մեր միջազգային գործընկերների համար, որ երկրում ինչ փոփոխություններ էլ լինեն, ՌԴ արտաքին քաղաքականությունը շարունակում է հետևողական մնալ: Շատ կարևոր է այն, որ մեր արտաքին-պաշտպանական քաղաքականությունը նախագահական է, այսինքն` նա է պատասխանատվություն կրում արտաքին աշխարհում Ռուսաստանի այս կամ այն գործողությունների համար: Այդ շարունակականությունը, հետևողականությունը, ռուսական արտաքին քաղաքականության նախագահական բնույթը ևս մեկ անգամ հաստատվեց այս որոշմամբ»,-ընդգծել է Կորտունովը:

Իր հերթին, Քաղաքական փորձագետների ասոցիացիայի անդամ, Մոսկվայի միջազգային հարաբերությունների պետական ինստիտուտի քաղաքական տեսության ամբիոնի դոցենտ Կիրիլ Կոկտիշը նշել է, որ իրադարձությունների այսպիսի զարգացումը կանխատեսելի էր, որովհետև նախագահը ոչ մի պահանջ չունի Լավրովի և Շոյգուի ղեկավարած նախարարությունների նկատմամբ: «Պահանջները, որոնք ներկայացվում են կառավարությանը, մասնավորապես նախագահի խոսքում (Դաշնային խորհրդին ուղղված), ոչ մի կերպ չէին կարող վերաբերվել ոչ արտգործնախարարությանը, ոչ պաշտպանության նախարարությանը: Այստեղ ամեն ինչ սկզբից էլ պարզ էր: Նախագահի ամբողջ խոսքը ներքաղաքական խնդիրների մասին էր, և ոչ մի խոսք չհնչեց, որն ուղղված էր արտգործնախարարությանը կամ պաշտպանության նախարարությանը: Նշանակում է, որ հարցեր ու պահանջներ չկան: Կա երկաթյա հետևողականություն: Եթե արտաքին քաղաքականությունում ամեն ինչ լավ է, այդպես էլ կմնա: Սերգեյ Վիկտորովիչը ոչ միայն գտնվում է իր տեղում, այլ ներառվում է ռուսական պատմության լավագույն արտգործնախարարների ցանկում»,-ընդգծել է Կոկտիշը:

Մետաքսյա Շալունց

դիտվել է 1508 անգամ
Լրահոս
Ադրբեջանցիների համար ընդունելի լուծում ման գալ պետք չի, իրենց պետք է պարտադրել մեր լուծումը Երկու հարց` վարչապետին Եվ հերիք է խաղաղություն մուրանք աշխարհից, եթե մուրում ես, ուրեմն թույլ ես ու կզիջես Գարի՛կ, վստահ եղիր, ի տարբերություն քեզ ու քո նմաններին` մենք Նիկոլին չենք ստորացնելու, Ալիևի հետ նույն հարթության վրա չենք դնելու Ձեր բոլորի անուներն էլ գիտենք, աշխատանքի վայրերն էլ, так что հանգիստ նստեք տեղներդ և սպասեք իրավապահների այցերին Ես ցինի՞զմի համար էինք բոլորս միասին զոհվում ... ԵԱ․ Արսեն Հարությունյանը հաղթեց 10։0 հաշվով Հովիկ Աբրահամյանը թոռնիկների հետ՝ Ծաղկաձորում Շատ կարճ ժամանակում շատերն անակնկալի են գալու. Առաքել Մովսիսյանի (Շմայսի) որդու փաստաբանը Վերաքննիչ բողոք է ներկայացրել Երևան-Մոսկվա չվերթը չի կայացել Նման գրառումը Հայաստան-Արցախ հակասություն սադրելու փորձ է. Լևոն Քոչարյան Փաշինյանի մյունխենյան «ազատ անկումը» Նոր իրողություն. Ալիևը «բացահայտեց» Փաշինյանի գաղտնի «կետը» Արցախը պատրաստ է Ղարաբաղյան հակամարտության խնդրի լուծման ցանկացած սցենարի` լինի դա բանակցային ձևաչափով, թե պատերազմի դաշտում Էրդողանի խորհրդական. «Հայկական հարցն այն թեման է, որի վրա Թուրքիան պիտի աշխատի տարին 365 օր» 1,5 տարեկան երեխան ընկել է շենքի 3-րդ հարկից «Մենք ստացանք փաստագրական առումով հստակ ու ծանրակշիռ պրոդուկտ, որը կոչված էր վերջ դնելու թեմայի շուրջ տարաբնույթ շահարկումներին». Արման Սաղաթելյան «Շատ հարցերի վերաբերյալ Փաշինյանի անտեղյակությունը վտանգում է Հայաստանի և Արցախի ապագան». Գագիկ Համբարյան Չպետք էր կմկմալ ու կիսատ-պռատ արձագանքել շատ վտանգավոր հայտարարություններին․ Բագրատ Եսայան Սպասվում է ձյուն Մարիա Զախարովան չի հարգում Քսենիա Սոբչակին Փրկարարները 5 ավտոմեքենա են դուրս բերել արգելալափակումից Զինվորները զորամասը լքել էին ու միացել ցուցարարներին, հիմա` հետևանքն ենք քաղում․ քաղաքագետ Ադրբեջանի իշխանություններին պետք է հիշեցնել իրենց ահաբեկիչ և հայատյաց էությունը․ Մարուքյան Թալանել են «Ֆլեշ» բենզալցակայանը
Ամենաընթերցվածները
Շուտով
Փետրվարի 17-ին՝ ժամը 12:00-ին, «Հենարան» մամուլի ակումբում կհյուրընկալվի «Ադեկվատ» միաբանության անդամ, իրավաբան Գարեգին Պետրոսյանը: ԹԵՄԱ՝ ապրիլի 5-ին նախատեսված Սահմանադրության փոփոխությունների հանրաքվեն. հանրաքվեի մեկնարկը. սահմանադրական հանրաքվեի իրավական գնահատականը. «ՈՉ»-ի և «ԱՅՈ»-ի շտաբները: Փետրվարի 17-ին, ժամը 12.00 «Տեսակետ» մամուլի ակումբի հյուրերն են ԱԺ նախկին պատգամավոր (ՀՀԿ) Լեռնիկ Ալեքսանյանը, ԱԺԴ կուսակցության նախագահ Արշակ Սադոյանը և հոգեբան Սամվել Խուդոյանը: Թեման՝ «Սահմանադրական փոփոխությունների հանրաքվե. կարծիքների բախում: Ինչպես է կատարվում ընտրությունը կողմ ու դեմ տարբերակների միջև՝ հոգեբանական տեսանկյունից: Թեմային առնչվող այլ հարցեր»: Ուրախությամբ տեղեկացնում ենք, որ մեր ասուլիսներն այսուհետ կրկին կանցկացվեն Մամուլի շենքի 13-րդ հարկում (Արշակունյաց 4): Սիրելի՛ գործընկերներ, ձեզ սպասում ենք մեր հին հասցեում (տարածքը ջեռուցվում է): Փետրվարի 17-ին, ժամը 11.00 «Տեսակետ» մամուլի ակումբի հյուրն է «Քաղաքական հետազոտությունների ակադեմիա» ՀԿ-ի ղեկավար Ալեքսանդր Մանասյանը: Թեման՝ «Արցախյան հիմնախնդիր. վերջին իրադարձություններն ու հնարավոր զարգացումները, վարչապետի հայտարարությունները, շեշտադրումներն ու մեսիջները, հարակից հարցեր»... Փետրվարի 15-ին,ժամը 12:00-ին Հայելի ակումբում տեղի կունենա ասուլիս՝ «Արսեն Բաբայանին վերաբերող քրեական գործի, դրա ընթացքի, նոր զարգացումների և իրողությունների, ինչպես նաև նրա նկատմամբ իրականացվող քրեական հետապնդման մանրամասների մասին» թեմայով: Բանախոս՝ Արսեն Բաբայան: Փետրվարի 15-ին` ժամը 12:00-ին, «Պոստ Սկրիպտում» մամուլի ակումբում ռազմական փորձագետ Վան Համբարձումյանը կխոսի Թուրքիայի կողմից Սիրիայում եւ Լիբիայում իրականացվող ռազմական գործողությունների եւ Սիրիայի քաղաքական պատասխանի մասին, բանախոսը կանդրադառնա նաեւ մտահոգիչ երևույթին` զինվորների մահացության դեպքերին, սպանություններին բանակում, երևույթի պատճառներին եւ հետեւանքներին: Փետրվարի 15-֊ին` ժամը 12.00-ին «Զարկերակ» մամուլիակումբում (Հասցե Արշակունյաց 6 (Մամուլի շենքիհարևանությամբ), մանրամասները 098(043)-50-93-50հեռախոսահամարով) տեղի կունենա ՀՀ առաջին ՄԻՊ,«Ընդդեմ իրավական կամայականությունների» ՀԿ նախագահԼարիսա Ալավերդյանի ասուլիսը: Թեման՝ ԱԺ-ն որոշեց ՍԴանդամների լիազորությունները դադարեցնելու համարհանրաքվե անցկացնել: Որքանո՞վ է որոշումը իրավականհարթության մեջ, որո՞նք են հնարավոր զարգացումներն ո... Փետրվարի 15-֊ին` ժամը 11.00-ին «Զարկերակ» մամուլիակումբում (Հասցե Արշակունյաց 6 (Մամուլի շենքիհարևանությամբ), մանրամասները 098(043)-50-93-50հեռախոսահամարով) տեղի կունենա ՀՀ ԱՆ ԱԱԻ գլխավորխորհրդական Դավիթ Պետրոսյանի և հոգեբան ԱննաԲադալյանի ասուլիսը: Թեման՝ ՀՀ ԱԺ երկրորդ ընթերցմամբ ևամբողջությամբ ընդունել է «Ծխախոտայինարտադրատեսակների և դրանց փոխարինիչներիօգտագործման հետևանքով առողջությանը հասցվող վնասինվազեցման և կանխարգելման ... Փետրվարի 14-ին,ժամը 12:00-ին Հայելի ակումբում տեղի կունենա ասուլիս՝ «Ինչպիսին էր Նիկոլ Փաշինյանի գործունեությունը սոցիալ-տնտեսական ոլորտում, ուր են տանում ներքաղաքական զարգացումները և ինչ սպասել Սահմանադրական հանրաքվեից» թեմայով: Բանախոսներն են ՝ «Ժողովրդի ձայնը» ակումբի փորձագետ Արման Ղուկասյանը, «Հանրային վերահսկողության կենտրոն» ՀԿ նախագահ Բաբկեն Հարությունյանը, «Այլընտրանքային քաղաքապետարան» նախաձեռնության անդամ Սոնա Աղեկյանը: Փետրվարի 14-ին,ժամը 11:00-ին Հայելի ակումբի հյուրերն են Հետախուզադիվերսիոն ջոկատի հիմնադիր հրամանատար, ազատամարտիկ Վովա Վարդանովը, քաղաքական մեկնաբան Վոլոդիա Հովհաննիսյանը և Ռեֆորմիստներ կուսակցության ղեկավար Վահան Բաբայանը: Թեմա՝ Բանակում եղած մահերը, սպառազինություն, Սահմանադրական դատարանի շուրջ ստեղծված իրավիճակ, հանրաքվե: Փետրվարի 14-ին,ժամը 13:00-ին Հայելի ակումբի հյուրերն են Ադեկվատներ միաբանության անդամ Արա Վարդանյանը, հոգեբան Կարինե Նալչաջյանը և ՇՊՀ կառավարման ամբիոնի դասախոս Արթուր Համբարձումյանը: Թեմա՝ Բանակում եղած մահերը, սպառազինություն, Սահմանադրական դատարանի շուրջ ստեղծված իրավիճակ, հանրաքվե: