Ավտովթար Երևանում. բախվել են Lexus-ն ու թիվ 41 երթուղին սպասարկող մարդատար ավտոբուսը
Դեկտեմբերի 28-ին, ավտովթար է տեղի ունեցել Երևանում։ Ժամը 16։20-ի սահմաններում Ավան վարչական շրջանի Բաբաջանյան փողոցի 58 հասցեի մոտ բախվել են 49-ամյա Հովհաննես Գրիգորյանի վարած թիվ 41 երթուղին սպասարկող Hager մակնիշի 4429 Տ համարանիշի ավտոբուսն և 21-ամյա Անահիտ Դալաքյանի վարած Lexus մակնիշի 77 AD 989 համարանիշի ավտոմեքենան։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Lexus-ի վարորդ Ա. Դալաքյանը բուժօգնություն ստանալու նպատակով դիմել է «Սուրբ Գրիգոր Լուսավորիչ» բժշկական կենտրոն։ Դեպքի վայր են ժամանել Երևանի ճանապարհային ոստիկանության ծառայողներն ու ապահովագրական ընկերության ներկայացուցիչները։ Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Արշակ Գրիգորյանը տեղեկությունը փոխանցել է ՃՈ հետաքննչական բաժանմունք, որտեղից ժամանել է հերթապահ խումբը՝ բաժանմունքի պետ Խաչիկ Սամվելյանի, ավագ հետաքննիչ Արարատ Թևոսյանի գլխավորությամբ։ Փաստի առթիվ Ա. Թևոսյանի կողմից նյութեր են նախապատրաստվում