Ուժգին հարված՝ ընդդեմ ռուս-թուրքական տանդեմի

Օրերս ուշագրավ իրադարձություն տեղի ունեցավ ԱՄՆ Կոնգրեսի Ներկայացուցիչների պալատում և Սենատի սպառազինությունների հարցերով հանձնաժողովներում: Այստեղ կոչ արեցին Սպիտակ տանը ռուսական արտադրության S-400 զենիթահրթիռային ՀՕՊ համակարգերի գնման համար պատժամիջոցներ կիրառել Թուրքիայի դեմ:

Հիշյալ հանձնաժողովները պահանջեցին նաև արգելել ամերիկյան արտադրության F-35 կործանիչների մատակարարումը Թուրքիային: Թուրքիայի կողմից S-400-ների ձեռքբերումը սպառնալիք է համարվում F-35-ի ծրագրին: Բացի այդ հանձնաժողովները առաջարկել են արգելել Թուրքիայի կողմից Ռուսաստանի հետ ցանկացած տեսակի ռազմական համագործակցությունը:

ԱՄՆ-ն հնարավոր է Թուրքիայի նկատմամբ պատժամիջոց կիրառի Ռուսաստանի հետ իրականացվող «Հյուսիսային հոսք 2» և «Թուրքական հոսք» գազատարի ծրագրերի պատճառով: ԱՄՆ Պետքարտուղար Մայք Պոմպեոն նոյեմբերի 26-ին հայտարարել էր, որ ԱՄՆ-ի համար մտահոգիչ է Թուրքիայի` C-400 համակարգերի հետ կապված քայլերը և հավելել, որ շարունակում են Թուրքիայի հետ բանակցությունները ռուսական ՀՕՊ համակարգերի խնդրի լուծման շուրջ:

Երեկ, ԱՄՆ սենատի արտաքին հարաբերությունների հանձնաժողովը հավանություն տվեց Թուրքիայի դեմ պատժամիջոցներ կիրառելու մասին օրինագծին՝ Ռուսաստանից С-400 համակարգերի գնման պատճառով: Համապատասխան փաստաթուղթը տեղադրված է Կոնգրեսի կայքում:

Սահմանափակումներն առաջարկվում է մտցնել 2017 թ.-ի ամռանը ընդունված «Ամերիկայի հակառակորդներին պատժամիջոցների կիրառմամբ հակազդելու մասին» օրենքի համաձայն: Օրինագիծը նախատեսում է Անկարային ամերիկյան զենքի վաճառքի սահմանափակում և պատժամիջոցների կիրառում պաշտպանության նախարարի, ֆինանսների նախարարի և Թուրքիայի գլխավոր շտաբի պետի նկատմամբ: Բացի այդ, առաջարկվում է սահմանափակումներ մտցնել Սիրիայում ռազմական գործողությունների համար թուրքական բանակին զենք մատակարարող երկրների նկատմամբ: Այժմ փաստաթուղթը պետք է հաստատվի սենատի և ներկայացուցիչների պալատի կողմից, որից հետո ստորագրվի ԱՄՆ նախագահի կողմից:

Ավելի վաղ Պենտագոնի ղեկավար Մարկ Էսպերն անհանգստություն էր հայտնել Ռուսաստանի հետ Թուրքիայի մերձեցման վերաբերյալ: Նա նաև նշել էր, որ Անկարան հեռանում է ՆԱՏՕ-ից:

Ստացվում է, որ ԱՄՆ Սենատի արտաքին հարաբերությունների հանձնաժողովը հաստատեց օրինագիծը, որով Թուրքիայի դեմ պատժամիջոցներ կկիրառվի՝ Ռուսաստանից С-400 համակարգերի գնման համար, ինչպես նաև Ռուսաստանի դեմ՝ Սիրիային օգնելու համար, գրում է РИА Новости գործակալությունը: Օրինագիծը նախատեսում է Անկարային ամերիկյան զենքի վաճառքի սահմանափակումն, ինչպես նաև պատժամիջոցների կիրառում պաշտպանության նախարարի, ֆինանսների նախարարի և Թուրքիայի գլխավոր շտաբի պետի նկատմամբ: Բացի այդ, առաջարկվում է սահմանափակումներ մտցնել Սիրիայում ռազմական գործողությունների համար թուրքական բանակին զենք մատակարարող երկրների նկատմամբ:

Փաստաթղթի ընդունումից հետո՝ պետքարտուղարը 30 օրվա ընթացքում Պենտագոնի և Ազգային հետախուզության գործակալության ղեկավարների հետ միասին պետք է Սենատին տրամադրի ռուսաստանցիների ցանկը, ովքեր օրենքի ընդունման պահին կամ դրանից հետո «դիտավորյալ արտահանել, տեղափոխել կամ այլ կերպ ֆինանսական, նյութական կամ տեխնիկական աջակցություն են ցուցաբերել Սիրիային, որը սիրիական կառավարության համար օգտակար է եղել պաշտպանական հոդվածները լուսաբանելու համար»: Ներկա պահին օրինագիծը պետք է հաստատվի Սենատի և Ներկայացուցիչների պալատի կողմից, որից հետո ստորագրվի ԱՄՆ նախագահ Դոնալդ Թրամփի կողմից:
ԱՄՆ Կոնգրեսում Թուրքիայի դեմ պատժամիջոցների մասին քննարկումները չեն ազդի С-400-ների հարցով Անկարայի ծրագրերի վրա, նա կշարունակի այդ համակարգերի տեղադրումը, ասել է Թուրքիայի նախագահի մամուլի քարտուղար Իբրահիմ Կալինը։

Նրա խոսքերով՝ ՆԱՏՕ-ի երկրները, որոնք նախկինում Թուրքիայի հարավում հակահրթիռային Patriot համակարգեր էին տեղադրել Անկարայի խնդրանքով, հետագայում հանել են դրանք այնտեղից։ «Մենք շատ ջանքեր ենք գործադրել, սակայն ստիպված ենք եղել գնել С-400-ները»,- նշել է նա։ Կալինը հավելել է, որ Թուրքիային ամերիկյան նորագույն F-35 ռմբարկուների մատակարարման թեման «վաղուց դուրս է եկել տեխնիկական կամ պաշտպանական հարթությունից, կոնգրեսականները այն ամբողջովին քաղաքականացրել եւ ներքին քաղաքականության գործիքի են վերածել»։
Իր հերթին Էրդողանը հայտարարել է, որ Թուրքիան չի հրաժարվի ռուսական С-400 համակարգերից հանուն ամերիկյան Patriot-ների: «Մենք չենք կարող հրաժարվել С-400-ից, որպեսզի գնենք Patriot-ը: Այս էջը փակ է: Բայց եթե ԱՄՆ-ն հարմար պայմաններ առաջարկի, մենք կգնենք նաև նրանց համակարգերը, որովհետև ցանկանում ենք ավելի բազմազան դարձնել մեր ՀՕՊ համակարգերը»,-ասել է Էրդողանը: Թուրք առաջնորդի խոսքով՝ Ֆրանսիայի նախագահ Էմանուել Մակրոնը Լոնդոնում կայացած ՆԱՏՕ-ի գագաթնաժողովի ժամանակ զարմանք էր արտահայտել, որ Թուրքիան, լինելով ՆԱՏՕ-ի անդամ, գնել է ռուսական С-400-ներ: «Ես պատասխանեցի՝ «Ես քեզնից պիտի հարցնե՞մ, թե ումից ինչ պիտի գնեմ»,- պատմել է Թուրքիայի նախագահը:

Վաշինգտոնն էլ իր դիրքորոշումն է պնդում. ԱՄՆ-ն կարծում է, որ Թուրքիան պետք է ազատվի ռուսական C-400 հակաօդային պաշտպանության համակարգերից, նշել է ԱՄՆ ռազմական գերատեսչության ղեկավարի օգնական Ջոնաթան Հոֆմանը: «C-400-ների հարցում մեր դիրքորոշումը հետևյալն է՝ եթե Թուրքիան ցանկանում է վերադառնալ շարքեր, սկզբից պետք է ազատվի C-400-ներից: Սա չի նշանակում, որ նրանք կարող են դա փակ տեղում պահել, Թուրքիան պետք է ազատվի այդ զինատեսակից»,- ասել է Հոֆմանը ճեպազրույցի ժամանակ:

Նա նշել է, որ Պենտագոնը դեռևս չի տեսնում «ոչ մի նշան, որ նրանք (Թուրքիան) փոխել են իրենց ուղղությունը և ձգտում են շարժվել այլ ուղղությամբ»: Նախարարի օգնականը հայտարարել է, որ ԱՄՆ-ն և ՆԱՏՕ-ն անհանգստացած են Թուրքիայի կողմից C-400-ների գնման խնդրով և Թուրքիայի՝ հնարավոր հեռացումով F-35 կործանիչների ծրագրից, ինչպես նաև լրջորեն մտահոգված են Թուրքիայի ներխուժումով Սիրիայի տարածք: «Բայց մենք հուսով ենք համոզել և հասկացնել նրանց, որ նրանց համար առաջ շարժվելու ուղին աշխատանքն է ԱՄՆ-ի և ՆԱՏՕ-ի հետ: Դա ավելի լավ է, քան այլ ճանապարհով գնալը»,- ընդգծել է Հոֆմանը:

Մետաքսյա Շալունց

դիտվել է 2312 անգամ
Լրահոս
Ոսկեպարցիները Փաշինյանին ասել են՝ դու ստեղ ամագ ունե՞ս, որ ուզում ես տարածք զիջես. Գառնիկ Դանիելյան (video) Դավաճան, հող ծախող․․․ Ինչպես են Փաշինյանին դիմավորել Տավուշում (video) Չես գտնի ոչ մի ղեկավարի, որ ձեռքը վերցնի մի 3.000 դրամանոց խաղալիք ու յալանչու պես ընկնի այդ երկրի գյուղերն ու քաղաքները Ձյուն, բուք և մառախուղ․ Իրավիճակը Հայաստանի ավտոճանապարհներին Հայտնի է Սյունիքում 4 մարդու կյանք խլած ավտովթար-հրդեհի զոհերի ինքնությունը. Վարորդը ոստիկանության աշխատակից էր Միշել Տեր-Զաքարյան․ Թքած ունեմ՝ Մբապեն կմնա, թե կհեռանա ՀՀ բանկերի մեծ մասը մարտի 30-ից կդադարեցնի «Միր» քարտերի ընդունումը. «ՎՏԲ Հայաստան» Իջևանցիներին պետք է փրկել իջևանցիներից Խեղկատակի խաղալիքից Սևանա լիճը կտրած և հեռացված է ՀՀ տարածքից Գեղարոտ-Ծիլքար ճանապարհին մեքենան դուրս է եկել երթևեկելի հատվածից և արգելափակվել ձյան շերտում «Ո՞նց ենք իրենց զորքն անցնելու, գնալու, մեր հողերը մշակենք»․ տավուշցիները՝ Փաշինյանի հանդիպումից հետո Կենտրոնի թաղապետի ենթակաների կաշառքի գործով վկային դատարան են բերել պատգարակով 33-ամյա վարորդը «ՎԱԶ 2107»-ով, մի քանի պտույտ շրջվելով, բախվել է քարերին․ կա վիրավոր Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով «Ներքին գործերի նախարարությունը 89 հատ թանկարժեք ժամացույց է գնել Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում «Ելույթներ կան, որոնք տոն են, ու հենց դրանք են մասնագիտական կյանքդ հաջողված դարձնում» Թևերի տակ դրված եվրա... բարձ «Կառավարության յուրաքանչյուր որոշում կարծես ուղղված լինի ինչ-որ մեկի գրպանը լցնելուն, ոչ թե հանրային խնդիր լուծելուն» Համայնքային սեփականություն հանդիսացող հողերը կընդունվեն որպես նվիրատվություն Հայաստանի Հանրապետությանը Բնակիչների հետ հանդիպում, որպես այդպիսին, չի եղել. ի՞նչ են ասել Փաշինյանին Նոյեմբերյանում «Արևմուտքի հետ հույս կապելու կամ աշխարհաքաղաքական վեկտորի փոփոխություն անելու որոշումն ադեկվատ չէ» Արսենյանը ճանաչում է՞ իր գրասենյակի մոտ պայթուցիկ տեղադրելու գործով կալանավորվածներին․ մանրամասներ Ո՞րն է «դարակազմիկ» նախագծի առանցքային նպատակը Փաշինյանը պաշտոնա՞նկ կանի Շիրակի մարզպետին
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am