Պուտինի հետ չշփվելն ավելի վտանգավոր է

Ռուսաստանի նախագահի մամուլի քարտուղար Դմիտրի Պեսկովը կարևորել է Ռուսաստանի արտգործնախարար Սերգեյ Լավրովի և ԱՄՆ նախագահ Դոնալդ Թրամփի հանդիպումը, սակայն հավելել է, թե դեռ վաղ է խոսել Մոսկվայի և Վաշինգտոնի միջև հարաբերությունների դրական տեղաշարժի մասին:

Պեսկովի խոսքով՝ այն փաստը, որ Թրամփն ընդունել է Լավրովին, արդեն շատ բան է ասում: ԱՄՆ նախագահ Դոնալդ Թրամփը և պետքարտուղար Մայք Պոմպեոն Ռուսաստանի արտգործնախարար Սերգեյ Լավրովի հետ երեկ Վաշինգտոնում կայացած հանդիպումների ժամանակ կրկնել են 2016 թվականի ամերիկյան ընտրություններին Ռուսաստանի միջամտելու փորձերի վերաբերյալ մեղադրանքները և նախազգուշացրել են կրկնակի փորձերի վերաբերյալ: Լավրովը ինչպես միշտ մերժել է այդ մեղադրանքները՝ դրանք անհիմն անվանելով: «Ռուսաստանի հանդեպ կասկածները հեղեղել են Վաշինգտոնը», - ասել է Ռուսաստանի արտգործնախարարը ԱՄՆ պետքարտուղարի հետ համատեղ մամուլի ասուլիսին: Լավրովը երկու հանդիպում է անցկացրել Միացյալ Նահանգների մայրաքաղաքում։ Նախ հանդիպել է պետքարտուղարի հետ, հետո Լավրովին Սպիտակ տանը ընդունել է նաև Դոնալդ Թրամփը։ Եվ Ռուսաստանի արտգործնախարարի վաշինգտոնյան այցի հիմնական ինտրիգը հենց սա էր՝ կընդունի նրան արդյո՞ք Թրամփը, թե Լավրովի կարճատև այցը Վաշինգտոն կսահմանափակվի Փոմփեոյի հետ բանակցություններով։

Թրամփը Լավրովին ընդունել է, հանդիպմանը ներկա է եղել նաև ԱՄՆ պետքարտուղարը։ Սպիտակ տան մամուլի ծառայության տարածած մամլո հաղորդագրության համաձայն՝ Թրամփը «նախազգուշացրել է Մոսկվայի կողմից ԱՄՆ ընտրություններին միջամտելու ցանկացած փորձի վերաբերյալ և Ռուսաստանին կոչ արել կարգավորել Ուկրաինայի հետ հակամարտությունը»: Միացյալ Նահանգների նախագահը, Սպիտակ տան հաղորդագրության համաձայն, իր աջակցությունն է հայտնել զենքի արդյունավետ վերահսկմանը՝ շեշտելով, որ այդ վերահսկումը պետք է տարածվի նաև Չինաստանի վրա: Բացի սա, Թրամփի հետ հանդիպմանը քննարկվել է նաև Իրանի միջուկային ծրագիրը։ Լավրովը հերթական անգամ հայտարարել է, թե Մոսկվան նույնպես դեմ է, որ Թեհրաննն ի վերջո ստեղծի միջուկային զենք։

Ռուսաստանի արտգործնախարարը, հիշեցնենք, Վաշինգտոն էր մեկնել Փարիզից, որտեղ կայացել էր Ուկրաինայի արևելքում ճգնաժամի կարգավորմամբ զբաղվող նորմանդյան քառյակի գագաթնաժողովը, և ամերիկյան կողմին որոշ մանրամասներ է հայտնել փարիզյան բանակցություններից։ ԱՄՆ պետքարտուղարը Լավրովի հետ համատեղ մամուլի ասուլիսին ևս մեկ անգամ ընդգծել է, որ Միացյալ Նահանգներն աջակցում է Ուկրաինայի տարածքային ամբողջականությանը և Մինսկի համաձայնագրերին։
«Ես նախարար Լավրովին վերահաստատեցի, որ Ղրիմը պատկանում է Ուկրաինային, և Ուկրաինայի արևելքում հակամարտությունը պետք է կարգավորվի Մինսկի համաձայնագրերի շրջանակում», - ասուլիսին ասել է Փոմփեոն։

Ռուսաստանի արտգործնախարարը նաև առանձին մամուլի ասուլիս էր անցկացրել Վաշինգտոնում, որի ժամանակ շեշտել էր, թե Ռուսաստանը, չնայած բոլոր տարաձայնություններին պատրաստ է սպառազինության վերահսկման ցանկացած պայմանագիր կնքել Միացյալ Նահանգների հետ, որ Վաշինգտոնն ու Մոսկվան շարունակում են համագործակցությունն ահաբեկչության դեմ պայքարում և փորձում են զարգացնել երկու երկրների միջև բիզնես կապերը։ Լավրովը Վաշինգտոնում հերթական անգամ Թրամփին Պուտինի անունից հրավիրել է հաջորդ տարի Մոսկվա՝ մասնակցելու մայիսի 9-ին Հայրենական Մեծ պատերազմում կրած հաղթանակի հոբելյանին նվիրված միջոցառումներին։

Այսպես, ռուս-ամերիկյան հարաբերություններում սառույցը, կարելի է ասել, դանդաղ, բայց հալչում է: Վաշինգտոնում, ըստ երևույթին, հասկացան, որ Պուտինի հետ չշփվելն ավելի վտանգավոր ու անկանխատեսելի իրավիճակ է ստեղծում, քան, երբ նրա հետ շփվում են:
Ինչևէ, իսկ ԱՄՆ-ում Թրամփին իմփիչմենթի գործընթացի շրջանակում երկու մեղադրանք է առաջադրվել: Միացյալ Նահանգների Ներկայացուցիչների տան իրավական հարցերի հանձնաժողովը երեքշաբթի երեկոյան վերջապես հրապարակեց նախագահ Դոնալդ Թրամփին ներկայացվող մեղադրանքների ցանկը: Հանձնաժողովի նախագահ Ջերի Նադլերի խոսքով՝ ԱՄՆ նախագահին մեղադրանք է ներկայացվում միանգամից երկու հոդվածներով:

«Առաջին հոդվածը վերաբերում է իշխանության չարաշահմանը: Երբ երկրի նախագահն օգտվում է իր լիազորություններից անհարկի անձնական օգուտ ստանալով կամ հարվածի տակ դնելով ազգային անվտանգությունը, նա ենթակա է իմփիչմենթի: Դա այն է, ինչ արել է նախագահ Թրամփը, երբ փորձել է Ուկրաինային դրդել, ճնշում է գործադրել այդ երկրի վրա, որպեսզի այն միջամտի 2020 թվականի ամերիկյան նախագահական ընտրություններին», - հայտարարում էր Նադլերը:

Հիշեցնենք, որ Թրամփի պաշտոնանկության գործընթացը մեկնարկեց այն բանից հետո, երբ հայտնի դարձավ Սպիտակ տան ղեկավարի և Ուկրաինայի նորընտիր նախագահ Վլադիմիր Զելենսկու հուլիսի 25-ին կայացած հեռախոսազրույցի բովանդակությունը: Այդ զրույցի ժամանակ Թրամփը փորձել էր համոզել Զելենսկուն, որպեսզի պաշտոնական Կիևը սկսի հետաքննել նախկին փոխնախագահ Ջոզեֆ Բայդենի և նրա որդու բիզնես գործունեությունը Ուկրաինայի տարածքում: Բայդենն առաջիկա նախագահական ընտրություններում Թրամփի ամենահավանական մրցակիցն է:

Դոնալդ Թրամփին ներկայացված երկրորդ մեղադրանքը վերաբերում է նրա կողմից իմփիչմենթի գործընթացի շրջանակներում Կոնգրեսի աշխատանքների խոչընդոտմանը: «Նախագահն իրեն վեր է դասում պատասխանատվությունից, ամերիկյան ժողովրդից և Կոնգրեսի` իրեն իմփիչմենթի ենթարկելու իրավունքներից: Արդյո՞ք, այսպիսով` նախագահն իրեն վեր է դասում օրենքից: Մենք պետք է շատ հստակորեն հայտարարենք` որևէ մեկը, նույնիսկ նախագահը չի կարող օրենքից վեր լինել», - նշում էր դեմոկրատ կոնգրեսականը:

Թրամփի իմփիչմենթի գլխավոր նախաձեռնողներից մեկը` Կալիֆորնիայից ընտրված դեմոկրատ Ադամ Շիֆը երեկ Կապիտոլիումում հավաքված լրագրողներին դիմելով նշում էր, որ նախագահի դեմ իմփիչմենթի գործընթացի մեկնարկը պարզապես անխուսափելի էր: «Մենք այսօր այստեղ ենք, որովհետև նախագահի կողմից իր լիազորությունների շարունակական չարաշահումները մեզ այլ ելք չեն թողնում: Անգործությունը հավասարազոր կլիներ մեղսակցության», - հայտարարում էր Շիֆը:

Դեմոկրատ կոնգրեսականն, ի դեպ, առաջինն էր, որ մեղադրանքների պաշտոնական հրապարակումից հետո ենթարկվեց նախագահ Դոնալդ Թրամփի քննադատությանը:
Նախ` Սպիտակ տան ղեկավարը Twitter-ում գրեց․ - «Շիֆն ի վերջո ստիպված է լինելու պատասխան տալ այս ամենի համար»: Այս գրառման հրապարակումից մի քանի ժամ անց էլ, Փենսիլվանիայի Հերշի քաղաքում ընտրողների հետ հանդիպման ժամանակ, Թրամփը սկսեց պարզապես ծաղրել ու նմանակել իր գլխավոր քաղաքական հակառակորդներից մեկին:

Այդ պահին Վաշինգտոնում գտնվող նախագահի կուսակից հանրապետականները փոքր-ինչ ավելի լուրջ էին տրամադրված: Ներկայացուցիչների տան հանրապետական խմբակցության ղեկավար Քևին ՄըքՔարթին պնդում էր, որ Թրամփի պաշտոնանկության գործընթացը քաղաքական վրեժխնդրության պարզ դրսևորում է: «Դեմոկրատները չեն կարողանում համակերպվել այն փաստի հետ, որ նախագահը հաղթել է ընտրություններում, իսկ իրենք պարտվել են: Ինչ վերաբերում է Զելենսկու և Թրամփի հեռախոսազրույցին, ապա պետք է միայն մեկ հարցի պատասխանել` արդյո՞ք դրա ընթացքում եղել է որևէ գործողություն, որի համար կարելի է նախագահին պաշտոնանկ անել: Պատասխանը հետևյալն է` բացարձակապես չի եղել», - նշում էր հանրապետական կոնգրեսականը:

Դոնալդ Թրամփին ներկայացված պաշտոնական մեղադրանքների քննությունը Ներկայացուցիչների տան իրավական հարցերի հանձնաժողովում կմեկնարկի այսօր երեկոյան: Եթե նախագահի պաշտոնանկության նախագիծն արժանանա հանձնաժողովի անդամների հավանությանը, իմփիչմենթի հարցը կընդգրկվի Ներկայացուցիչների տան լիագումար նիստի օրակարգում: Այստեղ ևս, հաշվի առնելով դեմոկրատական մեծամասնության առկայությունը, նախագծի հաստատման հեռանկարները բավական մեծ են: Այս ողջ գործընթացը կարող է ավարտին հասցվել մինչև Նոր տարի: Դրանից հետո Թրամփի պաշտոնանկության հարցը կտեղափոխվի Սենատ, որի հանրապետական մեծամասնությունն արդեն իսկ հայտարարել է, որ Միացյալ Նահանգների նախագահի պաշտոնանկության որևէ իրավական հիմք չի տեսնում:

Մետաքսյա Շալունց

դիտվել է 1745 անգամ
Լրահոս
«Տիրություն անելու» խորքերը Գազի գնի հավերժական մահակը Իշխանափոխության հնարավոր սցենարներ. Գաղտնիքներ առանց գաղտնիքի Խոշոր ավտովթար Արագածոտնի մարզում. 28-ամյա վարորդը Nissan March-ով՝ դեռևս անհայտ հանգամանքներում գլխիվայր հայտնվել է դաշտում Պատկերացնո՞ւմ եք` ինչպիսին կլիներ և ի՜նչ կայծակնային կլիներ Փաշինյանի արձագանքը, եթե սրտին մոտ ընդուներ ողբերգական միջադեպը Կոռուպցիայի նոր օղակ. ուզում էին, որ լավ լինի, ստացվեց ինչպես միշտ Գազի գնի բարձրացումը ձեռնտու չէ «Գազպրոմ Արմենիա»-ին. ո՞ւմ է ձեռնտու Ինչի «զոհը» դարձան Գեորգի Կուտոյանն ու Հայկ Հարությունյանը Ինչու այսքան խեղճ ու կրակ` Արայիկ Հարությունյան Սոցիալական ճգնաժամի խորացում. գազի գինը կթանկանա՞ Փաշինյանը դիմակայում է Մարտի 1-ի գործի բացահայտմանը Նիկոլ Փաշինյանն էլ իր Հաց բերողը կունենա Աղվան Հովսեփյանն ու Նիկոլ Փաշինյանն ի՞նչ գաղտնիք ունեն Ինչ ծուղակ է մտածել Փաշինյանը քաղաքական դաշտի համար «Քննչական կոմիտեի հայտարարությունը նորանոր հարցեր է առաջացնում. մենք գործ ունենք առավել մեծ սպառնալիքի հետ…». Նորայր Նորիկյան Սոցիալական բունտից փախչելով. Պուտինի ներքին վախերը Նիկոլ Փաշինյանի ուժերից վեր է վերցնել մեդիա դաշտը Պուտինի վարչապետի ինտրիգը. Հայկական համացանցը՝ թոհուբոհի մեջ ՀՀ պատմությունն ունեցել է արդեն մեկ արյունալի շրջան, այժմ էլ ձեռագիրը նույնն է Գնաճ, սղաճ և այլ հաճույքները սպասում են ձեզ Իրավապահ մարմինները հնարավոր ամեն բան անում են Կուտոյանի մահվան հանգամանքները պարզելու համար. ԱԽ քարտուղար Հեղափոխությունը կայֆ էր, ստացաք, դե լրջացեք։ Հաջորդն առաջին դեմք կարող է լինել Ադրբեջանից ապաստան խնդրողը` «հեղափոխության պահապան» Պաշտոնյաներ, ԶԼՄ-ներ և հեղափոխության «պահապաններ». ովքեր են շահարկում ԱԱԾ նախկին տնօրեն Գեորգի Կուտոյանի մահը. ՄԱՍ 2 Տաքսու վարորդին կողոպտած 20-ամյա երիտասարդը բերման է ենթարկվել
Ամենաընթերցվածները
Շուտով
Հունվարի 20-ին, ժամը 11.00 «Տեսակետ» մամուլի ակումբի հյուրն է «Օրբելի» վերլուծական կենտրոնի փորձագետ, քաղաքագետ Նարեկ Մինասյանը: Թեման՝ «ԼՂ հիմնախնդիր. ՌԴ ԱԳՆ վերջին հայտարարությունները՝ Արցախյան հարցում տեղաշարժի շուրջ, անհանգիստ սահմաններ, հարակից հարցեր, հնարավոր զարգացումներ»: Հունվարի 20֊ին` ժամը 12.00-ին «Զարկերակ» մամուլի ակումբում (Հասցե Արշակունյաց 6 (Մամուլի շենքի հարևանությամբ), մանրամասները 098(043)-50-93-50 հեռախոսահամարով) տեղի կունենա Երևանի ավագանու «Իմ քայլը» խմբակցության անդամ Էռնեստ Ավանեսովի և հոգեբան Սամվել Խուդոյանի ասուլիսը: Թեման՝ քաղաքային տրանսպորտի վարորդների պահվածքը և քաղաքացիների բողոքները։ Հարակից այլ հարցեր ևս։ ՀՈՒՆՎԱՐԻ 20-ին` ժամը 12:00-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա ՊԵԿ նախագահի տեղակալ Շուշանիկ Ներսիսյանի, ԱԺ «Իմ քայլը» խմբակցության պատգամավոր Սիսակ Գաբրիելյանի ասուլիսը: ԹԵՄԱ- Հայաստան վերադարձողների անձնական իրերը մաքսատուրքերից և հարկերից ազատելու նախաձեռնությունը: ՀՈՒՆՎԱՐԻ 20-ին` ժամը 11:00-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա Տուրիզմի հայկական ֆեդերացիայի նախագահ Մեխակ Ապրեսյանի, Հայ զբոսավարների գիլդիայի ներկայացուցիչ, զբոսավար Լուսինե Վարդանյանի ասուլիսը: ԹԵՄԱ- Հունվարի 19-ին ուժի մեջ է մտնում «Հայաստանի և Չինաստանի կառավարությունների միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագիրը: Հունվարի 18-ին՝ ժամը 13:00-ին, Պոստ Սկրիպտում մամուլի ակումբի հյուրն է տնտեսագետ Կարեն Սարգսյանը։ Թեմա՝ ՀՀ էկոնոմիկայի նախարարի ներկայացրած թվերն ու տվյալները․Պատկերն իրականությունում։ ՀՀ վարչապետի հայտարարությունը՝ «մեկ շնչին ընկնող ՀՆԱ ցուցանիշով Հայաստանն առաջ է անցել Վրաստանից, իսկ 2020-ին կանցնի նաեւ Ադրբեջանից»․Որտե՞ղ է սխալվել Ն․Փաշինյանը։ ՀՀ ներդրումային միջավայրի խոցելիությունը։ ՀՈՒՆՎԱՐԻ 17-ին` ժամը 13:00-ին, «Արմենպրես» պետական լրատվական գործակալության մամուլի սրահում տեղի կունենա «Սովորական ցեղասպանություն» նախագծի հեղինակ Մարինա Գրիգորյանի, Բաքվից փախստականներ, ԱՄՆ-ի բնակիչներ Աննա Աստվածատուրյան-Թերքոտի, Միքայել Հովհաննիսյանի մամուլի ասուլիսը: Թեմա.- Բաքվի ջարդերից 30 տարի անց. Իրադարձություններն ականատեսների աչքերով: Հունվարի 17-ին, ժամը 12:00-ին Sputnik Արմենիայի մուլտիմեդիոն կենտրոնում տեղի կունենա տեսակամուրջ «Կօգնի՞ արդյոք բալային համակարգը կարգուկանոն հաստատել ավտոճանապարհներին. հայացք Թբիլիսիից» թեմայով:Երևան-Թբիլիսի տեսակապի ընթացքում կանդրադառնան` Թբիլիսիից ` Դավիթ Մեսխիշվիլին՝ տրանսպորտի և ավտոճանապարհների ասոցիացիայի ղեկավար, Շալվա Օբգանիձեն՝ Վ«աստանի ավտոմոբիլիստների ֆեդերացիայի նախագահ, Թբիլիսիի քաղխորհրդի պատգամավոր, Գեորգի Չալաձեն՝ բլոգեր, ավտոփորձագետ։ Հունվարի 17-ին ժամը 10։30-ին Երևանի «Արմենիա Մարիոթ» հյուրանոցի «Արարատ» սրահում տեղի կունենա «Մարդու իրավունքների պաշտպանի՝ որպես կանխարգելման ազգային մեխանիզմի իրավական նոր գործիքները ևժամանակակից խնդիրներն ազատությունից զրկման վայրերում» թեմայով քննարկում։Բացման խոսքով հանդես կգան ՀՀ մարդու իրավունքների պաշտպանԱրման Թաթոյանը, ԵՄ պատվիրակության ղեկավար, դեսպան Անդրեա Վիկտորինը, ՄԱԿ-ի Զարգացման ծրագրի մշտական ... Հունվարի 17-ին՝ ժամը 13:00-ին, «Հենարան» մամուլի ակումբում կյուրընկալվեն մեդիա փորձագետ Լիլիթ Թումանյանը և «Հանրային վերահսկողության կենտրոն» ՀԿ նախագահ Բաբկեն Հարությունյանը: ԹԵՄԱ՝ ՀՀ վարչապետի կողմից հեռուստաընկերությունների մասին հայտարարությունը. հեռուստաընկերությունների լիցենզավորման նոր մրցույթ անցկացնելու միտումը. ԶԼՄ-ների գործունեությանը սպառնացող վտանգը: Սիրով հրավիրում ենք ազատամարտիկ, «Վահագն» ՌՀԲՀԿ հիմնադիր, նախագահ, Կարապետ Կարապետյանի (Մորուք Կարո) ծննդյան 60-ամյակի և վերածննդի 30-ամյակի (Արցախյան պատերազմի ժամանակ երկրորդ անգամ ապրելու հնարավորություն է ունեցել) միջոցառմանը: Միջոցառումը տեղի կունենա հունվարի 17-ին, ժամը 17:00-ին, ՀԳՄ մեծ դահլիճում (հասցե` Բաղրամյան պողոտա 3):