Երևանի արագ սննդի կետերից մեկի սնունդի պատճառո՞վ է կինը մահացել. հիվանդանոցը և նախարարությունը պարզաբանում են
ArmDaily.am-ի տեղեկություններով՝ միջին տարիքի մի կին երևանյան սննդի կետերից մեկում սմբուկով կերակուր է կերել և թունավորվել։ Վերջինս տեղափոխվել է Նորքի ինֆեկցիոն հիվանդանոց, այնուհետև «Էրեբունի ԲԿ», որտեղ մահացել է։
ArmDaily.am-ի հետ զրույցում «Էրեբունի» ԲԿ-ի մամուլի խոսնակ Շուշան Հունանյանը փոխանցեց, որ մահացողի մոտ եղել է հեմոլիտիկ-ուռեմիկ համախտանիշ, սուր երիկամային անբավարարվածություն.«Երկու օր եղել է հեմոդիալիզի վրա և իր մոտ արձանագրվել է պոլիօրգանային անբավարարվածություն»։ Հունանյանը նշեց, որ այլ տեղեկություն չեն կարող փոխանցել։
ԱՆ Արսեն Թորոսյանի մամուլի խոսնակ Ալինա Նիկողոսյանը նշեց, որ իր տեղեկություններով՝ մահացողը դրսում չի սնվել.«Մենք ճշտել ենք, իր հարազատների հետ խոսել ենք խոսել ենք հիվանդի հետ հիվանդանոց ընդունվելու առաջին օրը, հիվանդը նշել է, որ դրսի սնունդ չի կերել, տանը կերել է իր պատրաստած հավի կոտլետը»։
Մեր տեղեկություններով՝ սննդային նույն ախտանիշներով Էրեբունիում ևս մեկ հիվանդ կա, ով դրսում է սնվել և սննդային թունավորմամբ եւս մեկ հղի, ում մասին տեղեկություններ ստանալ մեզ չհաջողվեց։ Նիկողոսյանը նշեց, որ այս դեպքերը որպես սննդային վարակ թունավորում համարել չենք կարող. «Այսպիսի դեպքեր շատ են լինում։ Սա փոխանցվում է և սննդային և կենցաղային ուղիներով սննդից է անցնում, երբ օրինակ՝ կենցաղային աղտոտված առարկաների, լավ չլվացած ձեռքերի, ոչ բավարար թերմիկ մշակման ենթարկված կամ հում սննդամթերքի միջոցով։ Սա երկրորդային թունավորում է համարվում, կարող է անցնել ամեն ինչից»։ Դիտարկմանը՝ մեր տեղեկություններով՝ նույն ախտանիշներով հղի կին է տեղափոխվել երևանյան հիվանդանոցների մեկում, սակայն Նիկողոսյանը նշեց, որ որ նման տեղեկատվության նախարարությունը չի տիրապետում նշված ժամանակահատվածում սննդային թունավորման դեպք չի արձանագրվել։