Գնդակը Փաշինյանի դաշտում է. կեղծիքին պետք է պատասխան տրվի

Պաշտոնական այցով ԱՄՆ-ում գտնվող Թուրքիայի նախագահը հույս է հայտնել, որ Սենատը չի ընդունի Հայոց ցեղասպանությունը ճանաչող բանաձև: «Ես հավատում եմ, որ Սենատը խելամիտ կգործի և չի կրկնի Ներկայացուցիչների պալատի սխալը»,- ասել է Էրդողանը: Էրդողանը հերթական անգամ կրկնել է իր այն գաղափարը, որ հարցը պետք է քննվի պատմաբանների կողմից: «Եթե ամերիկյան կողմն իսկապես ցանկանում է ազնիվ գործել, ապա պետք է զերծ մնա քաղաքական դիրքորոշումից այնպիսի հարցում, որը պետք է որոշեն պատմաբանները»,- ասել է նա:

Էրդողանը նախազգուշացրել է, որ միայն մի կողմին լսելը և այս հարցին վճիռ տալն ու սխալ որոշում կայացնելը կհանգեցնի անդառնալի հետևանքների ԱՄՆ-Թուրքիա հարաբերություններում: «ԱՄՆ սենատը չպետք է տրվի սև քարոզչությանը, որը վարում են հայ ահաբեկչական կազմակերպությունները, որոնք 1970-80-ական թթ. սպանել են մեր բազմաթիվ քաղաքացիների, նրանից շատերը՝ դիվանագետներ և նրանց ընտանիքների անդամներ»,- ասել է Էրդողանը:

«Մենք չենք ներքաշվի այն խաղի մեջ, որի հեղինակներն ուզում են քայքայել թուրք-ամերիկյան կապերը», - ընդգծեց Ռեջեփ Էրդողանը` կրկնելով Թուրքիայի ժխտողական դիրքորոշումը․ - «Պատմական որոշ իրադարձություններ և մեղադրանքներ օգտագործվում են թուրք-ամերիկյան հարաբերությունները փշրելու համար: Ներկայացուցիչների տանն ընդունված փաստաթղթերը հենց այդ նպատակին էին ծառայում և խորը վիրավորանք հասցրին թուրք ժողովրդին: Հարյուր տարի առաջ տեղի ունեցած դեպքերի վերաբերյալ ոչ թե քաղաքական գործիչները, այլ պատմաբանները պետք է որոշում կայացնեն: Մենք թաքցնելու ոչինչ չունենք և հայկական կողմին առաջարկել ենք փոխադարձաբար բացել արխիվներն ու պատմական հանձնաժողով ստեղծել: Հուսով եմ՝ Սենատը դուրս կբերի Ամերիկան այս սխալ ճանապարհից»:

Դոնալդ Թրամփը Հայոց ցեղասպանությանն ու այն ճանաչող կոնգրեսական բանաձևին որևէ կերպ չանդրադարձավ: Ժամեր անց, սակայն, պարզ դարձավ, որ նրան աջակցող սենատորներից մեկը` Լինդսի Գրահամը, արգելափակել է նույնաբովանդակ փաստաթղթի ընդունումը օրենսդիր մարմնի վերին պալատում` Սենատում:

Փաստաթուղթը շրջանառության մեջ էր դրել Նյու Ջերսիից ընտրված Ռոբերտ Մենենդեսը` կոչ անելով անմիջապես անցնել քվեարկության` առանց հավելյալ քննարկումների: «Միացյալ Նահանգների արտաքին քաղաքականությունը պետք է ազնվորեն արտացոլի մարդկության դեմ հանցագործությունների ու ցեղասպանությունների փաստերը», - հայտարարել էր հայամետ սենատորը: Հարավային Կարոլինայից ընտրված Լինդսի Գրահամը տեղում առարկել էր` պնդելով, թե սենատորները չպետք է գունազարդեն պատմությունը կամ փորձեն այն վերստին գրել:

Դրանից ժամեր առաջ Գրահամը հանրապետական մի շարք այլ սենատորների հետ մասնակցել էր նախագահներ Թրամփի և Էրդողանի միջև Սպիտակ տանը կայացած հանդիպմանը: «Հուսով եմ, որ Թուրքիան ու Հայաստանը կարող են միասին հաղթահարել այս խնդիրը», - հայտարարել էր նա:

Ամերիկայի հայկական կազմակերպությունները, մինչդեռ, բոլորովին այլ կերպ են մեկնաբանում Գրահամի այդ որոշումը: «Ակնհայտ է, որ Ներկայացուցիչների տանը գրեթե միաձայն ընդունված բանաձևից հետո Սենատը ևս հավանություն կտար` ձայների գերակշիռ մեծամասնությամբ», - նշել է Հայ դատի հանձնախմբի գործադիր տնօրեն Արամ Համբարյանը, հավելելով` եթե Լինդսի Գրահամին դուր չէր գալիս այս բանաձևը, նա կարող էր դեմ քվեարկել, ոչ թե արգելափակել` զրկելով գործընկերներին իրենց կարծիքն արտահայտելու հնարավորությունից:

Ի դեպ, ԱՄՆ-ում բնակվող հայերը` հարյուրավոր քրդերի և հույների հետ, երեկ բողոքի ցույց էին կազմակերպել Սպիտակ տան մերձակայքում` «Էրդողանն ահաբեկիչ է, մարդասպան, ո՛չ ցեղասպանությանը» կարգախոսներով:

Ի տարբերություն ցուցարարների՝ Սպիտակ տան ղեկավարը ջերմ ընդունելության էր արժանացրել Էրդողանին: «Մենք շատ հիասքանչ ու արդյունավետ հանդիպում ունեցանք», - դռնփակ բանակցություններից հետո հայտարարել էր Թրամփը, հավելելով` ինքը նախագահ Էրդողանի մեծ երկրպագուներից է, և իրենք ընկերներ են ծանոթության առաջին օրից: Համատեղ ասուլիսում ԱՄՆ նախագահը պնդել էր, թե իրենք կարող են հաղթահարել երկկողմ հարաբերություններում առկա բազմաթիվ տարաձայնությունները, սակայն չէր մանրամասնել` երբ և ինչպես:

Այսպես, Սենատի իրավական կոմիտեի ներկայացուցիչ Լինդսի Գրահամը Սպիտակ տանը Թուրքիայի նախագահ Թայիփ Էրդողանի հետ հանդիպումից հետո արգելափակել է Կոնգրեսի վերին պալատում Հայոց ցեղասպանության ճանաչման բանաձևի քննարկումը:
Նշենք, որ ըստ ԱՄՆ Կոնգրեսի վերին պալատի կանոնակարգի՝ յուրաքանչյուր սենատոր կարող է խնդրել օրինագծի կամ բանաձևի քննարկման համաձայնություն, ինչպես նաև կարող է արգելափակել օրենսդրական նախաձեռնությունը:

Ամերիկագետ Սուրեն Սարգսյանը Նիկոլ Փաշինյանին, ստեղծված, իրավիճակում քայլեր է հուշել: Նա ֆեյսբուքյան իր էջում գրել է. «1. Հանդես գալ հայտարարությամբ և պատասխանել Էրդողանի սուտ հայտարարությանը` արխիվները բացելու մասով: Մեր արխիվները միշտ բաց են եղել: 2. Շտապ հեռախոսազրույց ունենալ Սենատոր Լինդսի Գրահամի հետ, ով վետո է կիրառել բանաձևի նկատմամբ` հասկանալու տրամադրվածությունը: 3. Հեռախոսազրույցի ընթացքում փորձել առաջինը չբացել վետոյի թեման: Սա ԱՄՆ ներքին գործն է: (Եթե սենատորը խոսի թեմայի մասին, ապա Փաշինյանը պետք է խնդրի վետո կիրառելու փոխարեն պարզապես դեմ քվեարկել բանաձևին, բայց բլոկ չանել): 4. Խոսել բացառապես Էրդողանի սուտ հայտարարության մասին, ներկայացնել իրողությունը: Սենատորը հեռախոսազանգի տողատակը վստահաբար կհասկանա: Եթե հեռախոսազրույցը ուշանում է, կամ չի կայանում, վարչապետի անունից Սենատորի հետ կարող է հանդիպել Լիլիթ Մակունցը ով այս պահին Վաշինգտոնում է: Խոսել վերը նշված նրբությունները հաշվի առնելով: Սա Հայաստանի իշխանությունների համար ստեղծված լեգիտիմ առիթ է թեմայի մեջ ներքաշվելու համար»:

Ի դեպ, նշենք, որ թուրք-ամերիկյան բարդ հարաբերությունները Ռուսաստանից Թուրքիային С-400 մատակարարման հետ կապված, դեռ պահպանվում է: Վաշինգտոնում Էրդողանի հետ համատեղ մամուլի ասուլիսում ԱՄՆ նախագահ Դոնալդ Թրամփը հայտարարել է, որ Թուրքիայի կողմից ռուսական C-400 համակարգերի ձեռքբերումը մեծ մարտահրավեր է առաջացնում երկու երկրների հարաբերությունների համար:
Միևնույն ժամանակ, Թրամփն ու Էրդողանը մտադրություն են հայտնել քննարկել և լուծել այս պայմանագրին վերաբերող հարցերը: Թրամփի խոսքով՝ նման գործարքները նշանակում են «շատ լուրջ բարդություններ»: «Մենք դա քննարկում ենք պարբերաբար, քննարկում ենք այսօր և կքննարկենք հետագայում», - ասել է Թրամփը:

Միևնույն ժամանակ՝ Թրամփը հույս է հայտնել, որ այս իրավիճակը հնարավոր է լուծել: ԱՄՆ նախագահն ավելացրել է, որ ինքն ու Էրդողանը երկու երկրների արտաքին գերատեսչությունների ղեկավարներին և ազգային անվտանգության խորհրդականներին խնդրել են անհապաղ սկսել «С-400- ի խնդիրը» լուծելու ուղղությամբ աշխատանքներ:
Էրդողանն էլ իր հերթին հայտնել է, որ ամերիկացի գործընկերոջ հետ քննարկել է ռուսական C-400- ների և ամերիկյան վերջին՝ F-35 կործանիչների ձեռքբերման վերաբերյալ հարցեր:

Մետաքսյա Շալունց

դիտվել է 2395 անգամ
Լրահոս
Մանրամասներ Սամվել Կարապետյանի կնոջ 50-ամյակից. Սամվել Ալեքսանյանը պարահրապարակից դուրս չի եկել Վրեժխնդրությո՞ւն. Հանցագործների ձեռքը հասել է դատարաններին «Իմ քայլի» 2 պատգամավորի հրապարակային պահվածքի հարցով ստեղծել էթիկայի հանձնաժողով. Ինչ է եղել իրականում Պոպուլիզմը հաղթեց Փաշինյանին Ե՞րբ են կայանալու Պուտին-Փաշինյան պաշտոնական այցերը «Թավշյա հեղափոխության» այցեքարտն արդեն ժամկետանց է Կրիմինոգեն վիճակը, 18-ի համեմատ, 2019-ին խիստ բարդացել է Կուտոյանը մեղքի զգացում ուներ, որ իշխանությունը փոխանցվել է հակապետական ուժերին․ Գառնիկ Իսագուլյան Սգացող մարդու հասցեին Ալեն Սիմոնյանը ստոր գրառում է արել. Գառնիկ Իսագուլյան (տեսանյութ) Փաշինյանը որոշել է գլուխը կտրել, գլխացավը բուժելու փոխարեն Ռոբերտ Քոչարյանը կալանավայրում շատ լուրջ առաքելություն է իրականացնում․Վիկտոր Սողոմոնյան (video) Անբարոյականություն է Գեորգի Կուտոյանի մահը Մարտի 1-ի հետ կապելը․ Վիկտոր Սողոմոնյան (video) Հաջորդ Ամանորին տոնակատարությունների համար ավելի մեծ գումար կհատկացնենք. Փաշինյան Պետական կառավարման համակարգն անհիմն ուռճացած է․ Տիգրան Ավինյան Վլադիմիր Պոզների հայերեն թարգմանությամբ գրքի շնորհանդեսը` փետրվարի 3-ին Նոր գլխավոր դատախազի անունը հայտնի է Հակահայկական հիստերիան ամենուր՝ Վրաստանից մինչև ռուսական իշխանության հայազգիները Լավրովն ու Շոյգուն մնացին. Պուտինին դուր է գալիս պաշտպանական ու արտաքին քաղաքական կուրսը «Շատ եմ հավանում տիկին Սամսոնյանին: Բարեկիրթ է, զուսպ, կոռեկտ…». Ռուբեն Ռուբինյան Ինչու՞ Արման Բաբաջանյանը երեք տառն իր վրա վերցրեց. Մարինա Խաչատրյան (video) «Ռուբեն Ռուբինյան, երբ Էդմոն Մարուքյանը քո քաղաքական հոր հետ բանավիճում է, խորհուրդ կտամ մեջ չընկնել». Անի Սամսոնյան Ռուբինյանի հետ սուրճ չեմ խմել, նեղվել ա.նրա հետ ի՞նչ սուրճ խմեմ, ինքն անհետաքրքիր ա. Էդմոն Մարուքյան (video) Նիկոլ Փաշինյանը պետք է իր հոգեկան ու հոգեբանական վիճակի վերաբերյալ էլ փաստաթուղթ ներկայացնի.Մարինա Խաչատրյան (video) 185 մլն. դրամ պարգևավճար տալու փոխարեն կարող էիք հինգ ծննդատուն գործարկել. Մարինա Խաչատրյան (video)
Ամենաընթերցվածները
Շուտով
«Հոդված 3» ակումբում հունվարի 23-ին, ժամը՝ 13:30-ին տեղի կունենա «Անցումային արդարադատություն և Փաստահավաք հանձնաժողով. ինչպես վերականգնել խախտված իրավունքները» թեմայով քննարկում: Բանախոսներն են. Տիգրան Դադունց, ՀՀ ԱՆ «Օրենսդրության զարգացման և իրավական հետազոտությունների կենտրոն» հիմնադրամի տնօրեն Մարիա Կարապետյան, ՀՀ ԱԺ պատգամավոր Արթուր Սաքունց, Հելսինկյան Քաղաքացիական Ասամբլեայի Վանաձորի գրասենյակի ղեկավար, իրավապաշտպան Նանա Մուրադյան, զոհված զինծառայող Վալերիկ Մուրադյանի ծնո... Հունվարի 25-ին՝ 14։00-ին, Ժողովրդական արվեստի կենտրոնում տեղի կունենա Արթուր Ալեքսանյանի «Կյանքի իրավունք․ Ղարաբաղ» գրքի շնորհանդեսը։ Հունվարի 23-ին՝ ժամը 12։00-ին, «Մեդիա կենտրոնում» տեղի կունենա քննարկում՝ «Ի՞նչ ենք շնչում. Երևանում օդի աղտոտվածությունը թույլատրելիից բարձր է» թեմայով։ Բանախոսներ՝ Գայանե Շահնազարյան՝ ՀՀ Շրջակա միջավայրի նախարարության «Շրջակա միջավայրի մոնիթորինգի և տեղեկատվության կենտրոն» ՊՈԱԿ-ի տնօրենի տեղակալ Ինգա Զարաֆյան՝ բնապահպան Հասմիկ Խաչունց` Երևանի ավագանու «Իմ քայլը» խմբակցության քարտուղար Դավիթ Խաժակյան՝ Երևանի ավագանու «Լույս» խմբակցության ղեկավար Հռիփսիմե Առաքելյ... Հունվարի 23-ին` ժամը 11:00-ին, «Մեդիա կենտրոնում» տեղի կունենա մամուլի ասուլիս`«Կոռուպցիայի ընկալման համաթիվը (ԿԸՀ) 2019-ին. իրավիճակը Հայաստանում» թեմայով: Բանախոս՝ Վարուժան Հոկտանյան՝ Թրանսփարենսի ինթերնեշնլ հակակոռուպցիոն կենտրոնի ծրագրերի ղեկավար Համաթիվը տալիս է կոռուպցիայի հարաբերական աստիճանի տարեկան պատկերը՝ դասակարգելով պետություններն ըստ ԿԸՀ արժեքների: 2019թ․-ի տվյալները հրապարակվելու են «Թրանսփարենսի Ինթերնեշնլ» համաշխարհային կազմակերպության կողմից սեպտեմբերի 23-ին։ Ս/թ-ի հունվարի 23-ին ժամը 14:00-ին Հրազդանի Հ.Պարոնյանի անվան թիվ 12 հիմնական դպրոցի նիստերի դահլիճում տեղի կունենա մարզի Խորհրդի՝ 2020 թվականի առաջին ընդլայնված նիստը, որի ընթացքում Կոտայքի մարզպետը հանդես կգա Կոտայքի մարզպետարանի՝ 2019 թվականի ընթացքում իրականացրած աշխատանքների վերաբերյալ հաշվետվությամբ: Հունվարի 23-ին, ժամը 13.00 «Տեսակետ» մամուլի ակումբի հյուրերն են Հայոց ցեղասպանության թանգարան-ինստիտուտի տնօրեն Հարություն Մարությանը և գլխավոր ֆոնդապահ Գոհար Խանումյանը: Թեման՝ «Թանգարանի գործունեության տարվա ամփոփում. արդյունքները: 2020-ի ծրագրերն ու անելիքները: 1920-21 թթ. Կիլիկիայի ինքնապաշտպանական մարտերի 100-ամյակին նվիրված գիտաժողով և ցուցադրություն: Հարակից հարցեր»: «Տեսակետ» մամուլի ակումբի ասուլիսները ժամանակավորապես կանցկացվեն «Ընդդեմ իրավական կամայականությունների» ՀԿ գրասենյակում, հ... Հունվարի 22-ին՝ ժամը 12:00-ին Հայելի ակումբի հյուրն է «Առողջ հանրություն» ՀԿ նախագահ Մարինա Խաչատրյանը: Թեմա` Առողջապահության նախարարությունում իրականացված պագևավճարների իրական թիվը, իրականացված ծրագրերի արդյունավետությունը: Սույն թվականի հունվարի 23-ին՝ ժամը 12:00-ին, ՀՀ Լոռու մարզի Ալավերդի համայնքի Հաղպատ գյուղում գտնվող «Քեֆիլյան» հյուրանոցային համալիրում կմեկնարկի «Ալավերդու տարածաշրջանի այլընտրանքային զարգացման Ֆորում» խորագրով համաժողովը: Հունվարի 22-ին՝ ժամը 13:00-ին, «Հենարան» մամուլի ակումբում կհյուրընկալվի Մանվել Գրիգորյանի փաստաբան Լևոն Բաղդասարյանը: ԹԵՄԱ՝ Մանվել Գրիգորյանի առողջության վատթարացման և գործի հետ կապված փաստաբանը նոր մանրամասներ կներկայացնի: ՀՈՒՆՎԱՐԻ 22-ին` ժամը 13:30-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա ԱԺ «Իմ քայլը» խմբակցության պատգամավոր Վաղարշակ Հակոբյանի ասուլիսը: ԹԵՄԱ- Ի՞նչ դեր ունեն համատիրությունները՝ վճարների հավաքագրման, թե բազմաբնակարան շենքերում տարբեր խնդիրների լուծման. «Բազմաբնակարան շենքի կառավարման մասին», «Համատիրությունների մասին» ՀՀ օրենքներում կատարված փոփոխությունները: