«Անտարեսը» վերջին 2 տարում պետբյուջեից 11 անգամ 1 անձից գնման ընթացակարգով գումար է ստացել, ընդհանուր ավելի քան 136 մլն դրամ. փաստեր «Անտարեսի» և Արմեն Մարտիրոսյանի մասին. AntiFake.am

Հոկտեմբերի 12-ին, «Ֆակտոր» տեղեկատվական կենտրոնը «48 մլն 900 հազար դրամ՝ հեղափոխական ռազմավարությունների պրոպագանդային․ Փաշինյանի ֆլեշմոբի հետքերով» վերնագրով հոդված և համանուն ռեպորտաժ է հրապարակել, որում մասնավորապես նշվում է, որ Կառավարության հոկտեմբերի 10-ի նիստում ընդունվել է որոշում` «Հայաստանի վերափոխման ռազմավարություն 2050»-ի տեսլականի ուղերձները հանրությանը ներկայացնելու նպատակով ցուցապաստառների տպագրության ու գովազդային ծառայությունների ձեռքբերման համար վարչապետի աշխատակազմին հատկացնել 48 մլն 900 հազար դրամ, որն ուղղվել է Երևանի և մարզերի տարբեր հատվածներում «Հայաստանն իմ օջախն է։ Ժողովուրդն իմ ընտանիքն է» գովազդային պաստառների հրապարակմանը։


«Ֆակտոր»-ը տեղեկացնում է նաև, որ դիմել է քաղաքապետարան, որտեղից հայտնել են, որ պաստառներն իրենց են ներկայացվել «Իմիջ Մ.Գ.», «Մեդիա Գրուպ» և «Նուշիկյան Ասոցիացիա» գովազդային գործակալությունների կողմից: «Նուշիկյան Ասոցիացիա»-ից տեղեկացրել են, որ գովազդային պաստառներն իրենց պատվիրել է «Անտարես հոլդինգ»-ը։

«Անտարես»-ի տնօրեն Արմեն Մարտիրոսյանը Factor.am-ի ի հետ զրույցում հայտնել է․ «Ստացել ենք հանձնարարություն Կառավարությունից, որ Հայաստանում գտնենք մինիմալ քանակով արտաքին գովազդի վահանակներ, բանակցենք վահանակների տերերի հետ՝ դրանք տարբեր ընկերություններ են, որպեսզի կարողանանք Հայաստանը ծածկել այդ գովազդով, որ գրեթե յուրաքանչյուր քաղաքացի առնչվի դրա հետ։ Գաղափարն այն է, որ տարբեր ձեռագրերով գրված է նույն ուղերձը, այսինքն՝ ամեն հայաստանցի իր անունից է ասում»։


AntiFake.am-ը ուսումնասիրել է կառավարության հոկտեմբերի 10-ի նիստի օրակարգում ընդգրկված հարցերը և «44»-րդ կետում գտավ քննարկվող հարցը, որը ներառված է եղել «չզեկուցվող» հարցերի շարքում։

Նախագծի հավելվածից տեղեկացել են.

Ծրագրի անվանումը՝ հանրային իրազեկում
Ծրագրի նպատակը` Հանրային կապերի՝ պետական մարմինների թափանցիկության՝ տեղեկատվության մատչելիության ապահովում
Վերջնական արդյունքի նկարագրությունը` Հանրության իրազեկվածության մակարդակի բարելավում՝ ՀՀ համար կարևոր նշանակություն ունեցող իրադարձությունների լուսաբանում
Միջոցառման անվանումը` Հանրությանը «Հայաստանի վերափոխման ռազմավարություն 2050»-ի տեսլականի ուղերձների ներկայացում
Միջոցառման նկարագրությունը` «Հայաստանի վերափոխման ռազմավարություն 2050»-ի տեսլականի ուղերձները հանրությանը ներկայացնելու և պատշաճ ձևով հաղորդակցվելու նպատակով ցուցապաստառների տպագրություն, գովազդային ծառայությունների ձեռք բերում
Դասիչը՝ հանգիստ, մշակույթ եվ կրոն, Ռադիո և հեռուստահաղորդումների հեռարձակման և հրատարակչական ծառայություններ, գովազդային արշավի հետ կապված ծառայություններ
Ծառայության գինը՝ 48,900,000 ՀՀ դրամ
Որոշման նախագծից էլ տեղեկացել են, որ կառավարությունը որոշել է գնման գործընթացն իրականացնել մեկ անձից գնումներ կատարելու ընթացակարգով։

Ինչպես արդեն նշվեց, գովազդային ծառայությունների մատուցումը կառավարությունը հանձնարարել է «Անտարես» սահմանափակ պատասխանատվությամբ ընկերությանը։

ՀՀ կառավարության էլեկտրոնային ռեգիստից տեղեկացել են, որ ընկերությունը հիմնադրվել է 1996 թ.-ին։

Ընկերության կազմում ընդգրկված են` հրատարակչությունը, գովազդային գործակալությունը, դիզայն ստուդիան, տարաների և փաթեթների արտադրությունը: Ընկերությունը մատուցում է մարքեթինգային և գովազդային ծառայություններ, համագործակցում է արտադրական ոլորտի ձեռնարկությունների հետ։

Ընկերությունն ի սկզբանե ունեցել է 5 մասնակից, սակայն 1999 թ. 4 մասնակիցներ դադարացրել են իրենց մասնակցությունը, այդպիսով` ընկերության 100% բաժնեմասն առ այսօր պատկանում է Արմեն Աքիլեսի Մարտիրոսյանին։ Արմեն Մարտիրոսյանի բաժնեմասի արժեքը կազմում է 200 միլիոն ՀՀ դրամ։ Հետևաբար՝ ընկերության կանոնադրական կապիտալը ևս նույնքան է։Ուշագրավ է, որ համաձայն tender-monitoring.am կայքի՝ ընկերությունը պետական մարմիններին ծառայություններ է մատուցում 2016 թ.-ից, սակայն 2018 և 2019 թթ. ընթացքում համագործակցության ծավալներն ավելացել են ահռելի չափով։

Նշենք, որ միայն 2018 թվականի ընթացքում ընկերությունը ՀՀ պետական մարմիններին ծառայություններ մատուցելու տենդերներ է ստացել 25,811,232 ՀՀ դրամի չափով, իսկ 2019 թվականին՝ մինչև կառավարության հոկտեմբերի 10-ի որոշումը, 58,917,630 ՀՀ դրամի չափով, որից՝ 37,473,120 ՀՀ դրամի ծառայություններ է մատուցել ՀՀ պաշտպանության նախարարությանը, 20,746,800 ՀՀ դրամի՝ ՀՀ առողջապահության նախարարությանը, իսկ մնացածը՝ ՀՀ ոստիկանությանն ու ՀՀ նախագահի աշխատակազմին։

Ընդհանուր առմամբ ընկերությունը պետական մարմիններին մինչև կառավարության հոկտմեբերի 10-ի որոշումը մատուցել է 87,317,862 ՀՀ դրամի ծառայություններ։ Իսկ կառավարության հոկտեմբերի 10-ի որոշմամբ ընկերությանը հատկացված 48,900,000 ՀՀ դրամի հետ միասին «Անտարես» ընկերությունը ՀՀ պետական բյուջեից ստացել է 136,217,862 ՀՀ դրամ։

Ուշագրավ է նաև, որ Ընկերությունը պետական բյուջեից հատկացվող գումարներով մատուցվող ծառայություններից 12-ը՝ 76,217,932 ՀՀ դրամի, մատուցել է «Մեկ անձից» գնման միջոցով, իսկ «Բաց մրցույթի» ընթացակարգով ընկերությանը գումար չի հատկացվել։Ընկերության տնօրեն Արմեն Մարտիրոսյանի մասին

Արմեն Աքիլեսի Մարտիրոսյանը ընկերության հիմնադիրը, միակ բաժնետերն ու տնօրենն է։

Ծնվել է 1971 թվականին։ Վերջինիս` բավականին հարուստ և հաջողակ հրատարակչի կենսագրության մեջ «մոռացության է մատնված» Մարտիրոսյանի անցած քաղաքական ուղին։

Արմեն Մարտիրոսյանը 2017 թվականի խորհրդարանական ընտրությունների ժամանակ առաջադրվել է «Կոնգրես-ՀԺԿ» դաշինքի ցուցակով որպես պատգամավորի թեկնածու։ «Ես նպատակ չունեմ քաղաքականության մեջ երկար մնալ, ես ունեմ լավ գործ, ես հրատարակիչ եմ, այս ծրագիրը իրականացնելուց հետո շտապ վերադառնալու եմ իմ աշխատանքին»,- նախընտրական քարոզարշավի ընթացքում նշել է Մարտիրոսյանը։

Մարտիրոսյանը ՀՀ վարչապետ Նիկոլ Փաշինյանի մամլո քարտուղար Վլադիմիր Կարապետյանի հետ մեկտեղ «ռեյտինգային» ընտրակարգով առաջադրվել է թիվ 1 ընտրատարածքում։

Խորհրդարանական ընտրություններում դաշինքի ձախողումից հետո չգրանցելով որևէ քաղաքական հաջողություն` Մարտիրոսյանը դուրս է եկել քաղաքականությունից, սակայն առ այսօր հետաքրքիր սեր է տածում ՀՀ առաջին նախագահ Լևոն Տեր-Պետրոսյանի նկատմամբ։

Արմեն Մարտիրոսյանը քաղաքական ձախողումից առաջ էլ, հետո էլ դրսևորել է ակտիվ հասարակական գործունեություն։

Մասնակցել է «էլեկտրիկ Երևան» շարժմանը, ակտիվորեն սատարել է «Սասնա ծռեր» զինված խմբավորման 2016թ. իրականացրած ահաբեկչական գործողություններին, իսկ արդեն 2018թ. անձամբ ակտիվ մասնակցություն է ունեցել երկրում տեղի ունեցող իշխանափոխության գործընթացին։

Մարտիրոսյանը մինչ իշխանափոխությունը ծանոթ է եղել ոչ միայն վարչապետի ներկայիս մամլո խոսնակին, այլ հին ընկերական կապեր է ունեցել ներկայիս իշխանության մի շարք ներկայացուցիչների հետ։ Մասնավորապես՝ 2019թ. ՀՀ ՍԴ դատավոր ընտրված և ՍԴ նախագահ ինքնահռչակված Վահե Գրիգորյանի հետ։Իշխանափոխությունից հետո Մարտիրոսյանը սկսել է սերտ կապեր հաստատել ՀՀ վարչապետ Նիկոլ Փաշինյանի հետ։ Վերջինիս նախաձեռնությամբ «Անտարես» ընկերությունն անցյալ տարի հրատարակել է Փաշինյանի հեղինակած «Երկրի հակառակ կողմը» գիրքը։ Մարտիրոսյանը դեռևս 2018թ. դեկտեմբերի 11-ին իր ֆեյսբուքյան էջում գրել է, որ պատրաստվում են Փաշինյանի 2-րդ և 3-րդ գրքերի հրատարակությանը՝ նշելով, որ մանրամասները գաղտնիք են։Իսկ ահա սեպտեմբերի 21-ին Արմեն Մարտիրոսյանը ՀՀ վարչապետին կից «Հանրային կապերի և տեղեկատվության կենտրոն» ՊՈԱԿ-ի ղեկավար Հովհաննես Մովսիսյանի հրավերով մասնակցել է Հայաստանի Անկախության օրը «Մեր ժամանակի հերոսը» ծրագրի մրցանակաբաշխությանը վարողի կարգավիճակով և այդ կապակցությամբ «շնորհակալությունների» շարք ուղղել տարբեր անձանց։

«Անտարես» ընկերությանը պետբյուջեից «մեկ անձից» գնման ընթացակարգով հատկացված շուրջ 50 միլիոն դրամը, ինչպես արդեն նշել ենք, հատկացվել է վարչապետի արտաբերած «Հայաստանն իմ օջախն է։ Ժողովուրդն իմ ընտանիքն է» գովազդային պաստառների հրապարակմանը։ Այս առիթով վարչապետի նախաձեռնությամբ կազմակերպված ֆլեշ-մոբի կողքով Մարտիրոսյանը ևս «անտարբեր չի անցել»՝ հրապարակելով ինչպես Նիկոլ Փաշինյանի, այնպես էլ իր տարբերակը։

Հաշվի առնելով Նիկոլ Փաշինյանի և իշխանության տարբեր ներկայացուցիչների հետ Մարտիրոսյանի ունեցած կապերը, ինչպես նաև 2018-2019 թթ. «Անտարես» ընկերությանը պետական բյուջեից հատկացված գումարի չափը` կարող ենք փաստել, որ ընկերությանը հեղափոխության պրոպագանդայի համար պետական բյուջեից «մեկ անձից» գնման ընթացակարգով 50 միլիոն դրամ հատկացնելը ոչ թե նոր և զարմանալի երևույթ է, այլ բացասական առումով օրինաչափություն։

Առավել մանրամասն՝ սկզբնաղբյուր լրատվամիջոցում:

դիտվել է 431 անգամ
Լրահոս
Մաքսանենգ ծխախոտի ծուխը՝ ՌԴ-ից Էդմոն Մարուքյանին մի քանի ժամ հարցաքննել են ԱԺ-ի իր աշխատասենյակում Լայնածավալ ստուգումներ ՊԵԿ-ում. Անանյանի հրաժարականի հետքերով Նարեկ Հախնազարյան. Լեզուն թավջութակից ստորադասողը Հնարավո՞ր է այդ հրաժարականներով Նիկոլ Փաշինյանը «պլստա» Դավիթ Անանյանի հրաժարականի պատճառը Արարատյան մաքսատան պետն է «Սթափվե՛ք, քանի ուշ չէ, մեր երկիրը գրավում են ներսից՝ խլելով միջնաբերդը...». Զաքար Խոջաբաղյան Հիմա ո՞վ ա դավաճան, էս տականքները, թե՞, ասենք, Բագրատյանը... Ով կփոխարինի Դավիթ Անանյանին. անուններ են շրջանառվում ՊՎԾ–ն ստուգումներ է իրականացնում ՊԵԿ–ում. ի՞նչ կապ ունի դա Անանյանի հրաժարականի հետ Փաշինյանը կարող է խնդրել Ռոբերտ Քոչարյանին. դեռ ժամանակ կա Կծիկը քանդվում է` Դավիթ Անանյանից հետո նոր պաշտոնանկություններ կլինեն Ինտրիգներ՝ ռուսական իշխանական վերնախավում Իշխանությունը լվանում է ձեռքերը Շտապօգնության տասնյակ մեքենաներ այս գիշեր Նորքի ինֆեկցիոնում (video) Նիկոլ Փաշինյանը ուղիղ հրավեր է արել թշնամուն.Միհրան Հակոբյան (video) Փաշինյանը օր առաջ և առանց նախապայմանի պետք է հրաժարական տա. Միհրան Հակոբյան (video) Աննա Հակոբյան, ժամանակն է՝ ամուսնուդ ասես, որ նա այլևս անելիք չունի մեր երկրում. խաղաղ հեռացեք.Անի Զախարյան (video) Վատ լուր. իրավիճակը վատանում է.երեկ արձանագրվել է 697 վարակման նոր դեպք.Նիկոլ Փաշինյան (video) Նիկոլ Փաշինյանը հրահանգել է թիրախավորել է Հրանտ Բագրատյանին.քննարկում (video) Նիկոլ Փաշինյանը անպիտան է մեր երկրի համար, դրա համար էլ փորձում է վիրուսակիր լինելով խղճահարություն առաջացնել.Զախարյան (video) Տնտեսությունը փակելու դեպքում ունենում ենք օրական 35-36 միլիոն դոլարի կորուստ.կունենանք սարսափելի հետևանքներ.Մելքումյան (video) Թող Արթուր Վանեցյանը ՀՀԿ-ի հետ քննարկի ու կոնկրետ առաջարկություն ներկայացնի.Ալեն Սիմոնյան (video) Այս պատգամավորները պատասխան են տալու՝ սահմանադրական կարգի տապալման համար.Ալեքսանդր Կոչուբաև (video) Փաշինյանը «խռովա՞ծ է» ոստիկանապետից, թե՞ վախերն են գլուխ բարձրանում.Ալեքսանդր Կոչուբաև (video)
Ամենաընթերցվածները
Շուտով
Հունիսի 5-ին` ժամը 12:30-ին, «Հայելի» ակումբի հյուրն է ԱԻՄ նախագահ Պարույր Հայրիկյանը: Թեմա` ՀՀ առողջապահության նախարար Ա. Թորոսյանի հայտարարությունները, հանրային մթնոլորտը, կառավարության գործողությունները քայլերը, ձեւավորվում է զանգվածային հակահամաճարակային շարժում, ինչ է առաջարկում բանախոսը: Հունիսի 5-ին` ժամը 12:00-ին, «Հայելի» ակումբի հյուրն է հասարակական-քաղաքական գործիչ, Հայաստանի կոմունիստական կուսակցության նախագահ Արամ Գասպարի Սարգսյանը: Թեմա` ՀՀ առողջապահության նախարար Ա. Թորոսյանի հայտարարությունները, հանրային մթնոլորտը, կառավարության գործողությունները քայլերը, ձեւավորվում է զանգվածային հակահամաճարակային շարժում, ինչ է առաջարկում բանախոսը: Հունիսի 5-ին` ժամը 13:00-ին, «Հայելի» ակումբի հյուրերն են քաղաքական գործիչ Մանուկ Սուքիասյանը և ՀՀԿ Երիտասարդական կազմակերպության ղեկավար Հայկ Մամիջանյանը: Թեմա` ՀՀ առողջապահության նախարար Ա. Թորոսյանի հայտարարությունները, հանրային մթնոլորտը, կառավարության գործողությունները քայլերը, ձեւավորվում է զանգվածային հակահամաճարակային շարժում, պահանջ` ձևավորել նոր կառավարություն Հունիսի 5-ին` ժամը 11:00-ին, «Հայելի» ակումբի հյուրերն են «Համերաշխություն» կուսակցության նախագահ Սարգիս Ավետիսյանը և ռազմական գործիչ Գևորգ Գևորգյանը: Թեմա` ՀՀ առողջապահության նախարար Ա. Թորոսյանի հայտարարությունները, հանրային մթնոլորտը, կառավարության գործողությունները քայլերը, ձեւավորվում է զանգվածային հակահամաճարակային շարժում, պահանջ` ձևավորել նոր կառավարություն Առցանց ասուլիս. «Գեղեցկությունը կփրկի՞ կորոնավիրուսի համավարակից» Հունիսի 4-ին, ժամը 12: 00-ին Sputnik Արմենիա մուլտիմեդիոն մամուլի կենտրոնում տեղի կունենա «Միսս Հայաստան 2020» մրցույթի կազմկոմիտեի ղեկավար Մամիկոն Դանիելյանի և կազմկոմիտեի անդամ Աննա Դեմիրխանյանի ԱՌՑԱՆՑ ասուլիսը: Ասուլիսի թեման «Միսս Հայաստան 2020» գեղեցկության մրցույթի մեկնարկն է: Ինչպե՞ս նման մրցույթ կազմակերպել և անցկացնել համավարակի պայմաններում: Մամուլի ասուլիսը կհեռարձակվի նաև Sputnik Արմենիայի ֆեյսբուքյան էջում և YouTub... ՀՈՒՆԻՍԻ 4-ին` ժամը 12:00-ին, «Արմենպրես» պետական լրատվական գործակալության մամուլի սրահում տեղի կունենա Երեւանի ֆիզիկայի ինստիտուտի տնօրեն, պրոֆեսոր Անի Ապրահամյանի ասուլիսը: Թեմա- Ֆիզիկայի ինստիտուտի ծրագրերը, առաջիկա անելիքները: Հարգելի գործընկերներ, COVID-19 համավարակի տարածմամբ պայմանավորված, ասուլիսներն առայժմ անցկացվելու են առցանց ձևաչափով: Խնդրում ենք լրագրողներին չներկայանալ ասուլիսի վայր: Դուք կարող եք «Արմենպրես» լրատվական գործակալության՝ «Ֆեյսբուք» սոցիալական ցանցի էջում հետևել ա... Հունիսի 2-ին,ժամը 12:00-ին Հայելի ակումբի հյուրերն են գնդապետ Վոլոդյա Հովհաննիսյանը, «Այլընտրանք» ՀԿ համանախագահ, քաղաքագետ Գարեգին Պետրոսյանը և «Առողջ հանրություն» ՀԿ նախագահ Մարինա Խաչատրյանը: Թեմա՝ կորոնավիրուսն ու Հայսատանը, ինչպես են իրականացվում կանխարգելիչ միջոցառումները,դիմակի կրում, Նիկոլ Փաշինյանի վերջին հայտարարոթյունը, ինչպես նաև վարչապետի և ընտանիքի կորոնավիրուսով վարակվելու փաստն ու հանրության արձագանքը: Հունիսի 2-ին,ժամը 11:00-ին Հայելի ակումբի հյուրերն են քաղաքական վերլուծաբաններ Մենուա Հարությունյանը և Գուրգեն Եղիազարյանը: Թեմա՝ կորոնավիրուսն ու Հայսատանը, ինչպես են իրականացվում կանխարգելիչ միջոցառումները, Նիկոլ Փաշինյանի վերջին հայտարարոթյունը, ինչպես նաև վարչապետի և ընտանիքի կորոնավիրուսով վարակվելու փաստն ու հանրության արձագանքը: ՀՈՒՆԻՍԻ 1-ին` ժամը 12:00-ին, «Արմենպրես» պետական լրատվական գործակալության մամուլի սրահում տեղի կունենա ՀՀ շրջակա միջավայրի նախարարի տեղակալ Վարդան Մելիքյանի ասուլիսը: Թեմա- Կառավարության հակաճգնաժամային 15-րդ միջոցառման շրջանակներում իրականացվող ափապաշտպան անտառաշերտի տնկման աշխատանքների մանրամասները: Հարգելի գործընկերներ, COVID-19 համավարակի տարածմամբ պայմանավորված, ասուլիսներն առայժմ անցկացվելու են առցանց ձևաչափով: Խնդրում ենք լրագրողներին չներկայանալ ասուլիսի վայր: Դուք կարող եք «Արմենպ... Մայիսի 29-ին` ժամը 11:00-ին, «Հայելի» ակումբի հյուրերն են Հայկական արժեքների պաշտպանության «Կամք» հասարակական նախաձեռնության հիմնադիր Վահագն Չախալյանը և «Վերադարձ» հիմնադրամի նախագահ՝ Արագած Ախոյանը: Թեմա` «Facebook» սոցիալական կայքում Դավիթ Աթանեսյան օգտատերը տեղադրել էր տեսանյութ, որտեղ ասվում էր, որ իր 9 տարեկան որդուն և բակում խաղացող երեխաներին է մոտեցել մի անծանոթ կին և բաժանել սրբապղծություն տարածող գրքեր։ Ինչ է սպասվում առաջիկայում, թեմայի շուրջ կխոսեն բանախոսները: