Քոչարյանի մասին ինչ է ասել Պուտինը Փաշինյանի հետ հանդիպմանը
Երկրորդ նախագահ Ռոբերտ Քոչարյանի ազատության հարցը շարունակում է մնալ Ռուսաստանի նախագահ Վլադիմիր Պուտինի եւ ՀՀ վարչապետ Նիկոլ Փաշինյանի հանդիպումների օրակարգի առանցքում: Հերթական հանդիպման ընթացքում այն կրկին քննարկվել է:
Մեզ հայտնի է դարձել, որ ՌԴ նախագահը մեկ անգամ եւս ՀՀ վարչապետին հիշեցրել է, որ Ռոբերտ Քոչարյանն իր վաղեմի ընկերն է ու իր համար նրա ազատության հարցն օրախնդիր է: Միեւնույն ժամանակ շեշտել է, որ այդ հարցը չի կարող Հայաստանի հետ հարաբերություններում սակարկությունների թեմա դառնալ, մասնավորապես, ինքը չի պատրաստվում Քոչարյանի ազատության դիմաց գազի գնի թանկացման սպառնալիք կամ այլ սանկցիաներ կիրառել, քանզի այդ հարցն ավելին է, քան ցանկացած գործարք: Ուստի առաջարկել է մեկ օր շուտ ազատ թողել Ռոբերտ Քոչարյանին, որին ի պատասխան Փաշինյանն ասել է, թե տվյալ դեպքում գործ ունենք քրեական հանցանքի եւ սահմանադրական կարգի տապալման մասին, իսկ Պուտինը միայն հեգնել է.«Դրան միայն դուք եք հավատում»: