Փաշինյանը խոսում է հրամանատարի դեմ դուրս եկած սպայից, բայց ընդամենը 1 ամիս առաջ նման մի պուտչիստի վերադարձրել է ուսադիրները

Ես բան չեմ ասում, ուղղակի փաստը կարձանագրեմ. Փաշինյանը ԱՄՆ-ում, անդրադառնալով Վանեցյանի թեմային, մոտավորապես ասում է, որ իր ենթական նման հայտարարություններով սպայի ուսադիները աղբամանն է գցել, ու այդ արարքը համեմատում է 91 թվականի պուտչիստների հետ։ Փաշինյանը խոսում է իր ղեկավարի դեմ դուրս եկած ուժայինից՝ մոռանալով կամ չուզելով հիշել, որ ընդամենը մեկ ամիս առաջ այդպիսի մի սպայի վերադարձրել է գեներալի ուսադիրները։ Վաղարշակ Հարությունյանն էլ 99-ին ոչ թե հայտարարություն տարածեց, այլ ուղղակիորեն դուրս եկավ իր գերագույն հրամանատարի դեմ ու դիմեց ուղիղ գործողությունների։ Դրանից հետո նրան զրկել էին զինվորական կոչումից, իսկ նույն Փաշինյանը տարիներ անց վերականգնեց դա։
Այսինքն, եթե տարբերություն չկա պուտչիստների, իր ղեկավարի դեմ դուրս եկող սպաների միջև, ապա ո՞նց ա ստացվում, որ Վաղարշակ Հարությունյանի կոչումը վերականգնվում է, իսկ Վանեցյանին մամլո ասուլիսի ժամանակ без пяти минут ազգի դավաճան է հանվում...

Արամ Գևորգյանի գրառումը