Իշխանությունը վախեր ունի. Հրայր Թովմասյանին «գահընկեց» անել կհաջողվի՞

«Ժողովուրդ» օրաթերթի տեղեկությունների համաձայն` իշխանություններն այս օրերին ծանրաբեռնված աշխատում են Սահմանադրական դատարանի նախագահ Հրայր Թովմասյանի լիազորությունները դադարեցնելու գործընթացի ուղղությամբ: Ըստ մեր տեղեկությունների` Աժ պետական-իրավական հարցերի մշտական հանձնաժողովը գրեթե ամենօրյա ռեժիմով քննարկումներ է ունենում, պատրաստվում է ելույթների:

Ու այսօր արդեն հանձնաժողովի նիստում կքննարկվի Սահմանադրական դատարանի դատավոր (անդամ) Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին նախագիծը, որի հիմնական զեկուցողը ԱԺ «Իմ քայլը» խմբակցության պատգամավոր, Պետաիրավական հանձնաժողովի անդամ Սուրեն Գրիգորյանն է, իսկ հարակից զեկուցողը նույն խմբակցության պատգամավոր, հանձնաժողովի նախագահ Վլադիմիր Վարդանյանն է: Նշենք, որ օրակարգում Հ. Թովմասյանի հարցը 9-րդն է:

«Ժողովուրդ» օրաթերթի տեղեկությունների համաձայն` իշխանությունները Թովմասյանի հարցի շուրջ վախեր ունեն. նախ եթե խորհրդարանում ամեն ինչ հարթ անցնի, ու արդեն նախագծի հաստատումից հետո հարցն ուղարկվի Սահմանադրական դատարան, այլ հարց է առաջանալու: Բանն այն է, որ Սահմանադրական դատարանի դատավորները կարող են մերժել ու վարույթ չընդունել Հրայր Թովմասյանի լիազորությունները դադարեցնելու նախագիծը, իսկ եթե դատավորները որոշում կայացնեն վարույթ ընդունել, ապա կարող են այն քննել ու մերժել` համարելով, որ Հրայր Թովմասյանի աշխատանքներում որեւէ կարգապահական խախտում տեղի չի ունեցել:

Մեր տեղեկությունների համաձայն` մտագոհիչ է նաեւ այն հանգամանքը, որ եթե ՍԴ-ում քննարկվի Հրայր Թովմասյանի հարցը, ապա նրա լիազորությունները, որպես ՍԴ նախագահի, պետք է կասեցվեն, այսինքն` Թովմասյանը գուցե մեկ ամիս իր աշխատանքային գործունեությամբ չզբաղվի, մինչեւ ՍԴ 6 դատավորները կքննարկեն նրա լիազորությունների հարցը: Իսկ արդյոք դատավորները կգնա՞ն այդ քայլին. դա եւս մտահոգիչ հարց է այսօրվա իշխանությունների համար:

Երեկ այս հարցերի շուրջ «Ժողովուրդ» օրաթերթը զրուցել է ԱԺ պետական-իրավական հարցերի մշտական հանձնաժողովի անդամ Նազելի Բաղդասարյանի հետ:

-Տիկի՛ն Բաղդասարյան, արդյոք այն հիմքերը, որոնք ներառել եք Սահմանադրական դատարանի դատավոր (անդամ) Հրայր Թովմասյանի լիազորությունները դադարեցնելու հարցով, ամո՞ւր են, ու, ըստ Ձեզ, այդ միջոցով կկարողանա՞ք հասնել Հ. Թովմասյանի լիազորությունների դադարեցմանը:

-Շատ կարեւոր է, որ ԱԺ-ն օգտվի իր բոլոր լիազորություններից, որոնք սահմանված են ե՛ւ ԱԺ կանոնակարգով, ե՛ւ Սահմանադրությամբ: Ու այս դեպքում ԱԺ «Իմ քայլը» խմբակցությունը, օգտվելով իր իրավունքներից, ներկայացրել է մեկ որոշման նախագիծ, որը գլխադասային հանձնաժողովում լսելուց հետո ներառվելու է քառօրյայի օրակարգում:


Տրամաբանորեն հիմք վերցնելով այս ամենը` խմբակցությունում ամբողջական քննարկում է եղել ու որոշում է կայացվել խմբակցության անունից այս ամենը դնել շրջանառության մեջ` բնականաբար ունենալով համապատասխան հիմքեր ու ապացույցներ: Կան այն բոլոր հիմքերը, որոնք հիմնավոր կասկածի տեղիք են տալիս, թե որքան անաչառ է եղել Սահմանադրական դատարանը այդ կազմով, որը տարբեր հարցեր է քննարկել: Այսինքն` կարգապահական խախտումներն առկա են, ինչի համար այս ամենը նախաձեռնվեց:

-Բայց արդյոք կարգապահական հիմքերը թույլ կտա՞ն, որ իշխանությունը Հրայր Թովմասյանին «գահընկեց» անի:

-Գիտեք, այս հարցում, եթե մեր հիմնավորումները հստակ չլինեին, մենք պրոցես չէինք սկսելու, իսկ ուժեղ կամ թույլ այդպիսի գնահատականներ կամ դատողություններ չեմ ուզում անել, որովհետեւ, ի վերջո, որոշումն ընդունելու է Սահմանադրական դատարանը: Երբ որ Սահմանադրական դատարանը կընդունի այս գործը վարույթ, այո, պարոն Թովմասյանի լիազորությունները կկասեցվեն մինչեւ այս դիմումի քննումը, այսինքն` մեկ ամիս ժամկետով կլինի դա, թե 15 օր, ինքը փաստացի չի մասնակցի նիստերին, նաեւ այն նիստին, որտեղ քննվելու է իր հարցը:


-Այսինքն` մտավախություն ունե՞ք, որ, հնարավոր է, խորհրդարանում բոլոր պրոցեսները ավարտվելուց հետո ՍԴ-ն անգամ գործը վարույթ չընդունի:

-Ես չեմ կարծում, բայց առավել քան համոզված եմ, որ հիմքերը կան: Մեր դիտարկմամբ` առավել քան բավարար են այն հիմքերը, որոնք ներառված են 83 էջանոց փաստաթղթում: Սահմանադրական դատարանի դատավորները կարող են կայացնել որոշում` անկախ այն հանգամանքից, թե այս հարցով ինչ դիրքորոշում ունի խորհրդարանը:

ՍԴ դատավորներն են լինելու վերջնական գնահատական տվողը, ես, այո, համոզված եմ, որ մեր փաստարկները առավել քան բավարար են այս ամենը իրականացնելու համար:

Իսկապես էական կարգապահական խախտում է թույլ տվել Հրայր Թովմասյանը, որոնք մենք արդեն կքննարկենք գլխադասային հանձնաժողովում: Մեր դիմումի հիմքում լիազորությունների դադարեցումն է, ու ՍԴ-ում փակ գաղտնի քվերակությամբ 6 դատավորներ որոշելու են` արդյոք Աժ-ի կողմից ներկայացված ապացույցները բավարար են Հրայր Թովմասյանի լիազորությունները դադարեցնելու համար:

Հ.Գ. Այս պահին ընթանում է նիստը, որի ընթացքում կքննարկվի Հրայր Թովմասյանի հարցը:

դիտվել է 579 անգամ
Լրահոս
Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար Իսակովի պողոտայում՝ ռուսական եկեղեցու դիմաց, «КамАЗ»-ը վրաերթի է ենթարկել հետիոտնին և բախվել «Hyundai»-ին
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am