Պաշտոնանկությունների մասին լուրերը հաճախ իրականության հետ ընդհանրապես կապ չունեն.Արարատ Միրզոյանը՝հնարավոր պաշտոնանկությունների մասին
«ԶԼՄ-ներում հնարավոր պաշտոնանկությունների մասին լուրերը հաճախ իրականության հետ ընդհանրապես կապ չունեն:Մամուլում շրջանառվող նման տեղեկությունները երբեմն այլ լրագրողների երևակայության արդյունք են: Նման լուրերից հետո մի պատկեր ենք տեսնում, որն իրականության հետ ընդհանրապես կապ չունի»,- լրագրողների հետ ճեպազրույցում՝ անդրադառնալով մամուլում շրջանառվող լուրերին, թե «Իմ քայլը» խմբակցությունում հնարավոր են հրաժարականներ ,ասաց ԱԺ նախագահ Արարատ Միրզոյանը:
Դիտարկմանը, որ Արթուր Վանեցյանի և Վալերի Օսիպյանի պարագայում մամուլի տեղեկությունները իրականություն դարձան՝ Ա. Միրզոյանը շեշտեց, որ մամուլում գրվող տեղեկությունները միշտ չէ, որ սուտ են:
«Այս և այլ դեպքերում լինում են ոչ իրավացի տեսություններ, վարկածներ և դրանք իբրև իրականություն մատուցելու համոզիչ թվացող փորձեր»,- ասաց ԱԺ նախագահը: