Հայկ Մարությանի նվնվոցն արդեն անտանելի է
«Սանիթեք» ընկերությունը հրաժարվել է քաղաքապետարանին տրամադրել առևտրային բոլոր այն տարածքների ցանկը, որտեղ վճարովի հիմունքներով իրականացրել է աղբահանություն: Աշխատանքնային հերթական խորհրդակցության ժամանակ զեկուցվել է, որ ներկայում այդ կազմակերպություններն արտադրական աղբը դատարկում են քաղաքային աղբարկղեր, հաճախ նաև հարակից տարածքներ, որի իրավունքն ըստ էության չունեն: «Սանիթեք» ընկերությունն արդեն վեցերորդ օրն է՝ Երևան համայնքի ամբողջ տարածքում չի կատարում աղբահանություն իրականացնելու իր պայմանագրային պարտավորությունը:
Այս մասին տեղեկացնում է Երևանի քաղաքապտարանը:
Սա նախադեպը չունեցող խայտառակություն է, որի մասին քաղաքապետարանը խոտովանում է անձամբ: Պարզապես անթույլատրելի է ունենալ այսպիսի խղճուկ և ողորմելիության աստիճանի թույլ քաղաքային իշխանություն, որը չի կարողանում ստանալ անգամ «Սանիթեք» ընկերության պայմանագրերի պատճենները: Ինչ է նշանակում` «Սանիթեք» ընկերությունը հրաժարվել է քաղաքապետարանին տրամադրել առևտրային բոլոր այն տարածքների ցանկը: Հրաժարվել է` դիմեք դատարան, պարտադրեք, թող տան: Ի վերջո` աղբահանության համար չվճարող ընկերություններին թույլ մի տվեք օգտվել քաղաքային աղբամաններից, քանի դեռ նրանք չեն ներկայացրել աղբահանության ծառայության համար կնքած պայմանագրերի պատճենները: Եթե ընկերությունը ունի աղբահանության պայմանագիր` անկախ նրանից դա կնքված է «Սանիթեք» ընկերության, թե Երևանի քաղաքապետարանի հետ, կնշանակի ընկերությունը պետք է ստանա աղբահանության ծառայություն և ըստ այդմ նաև իր աղբը թափի քաղաքային աղբամանում:
Երևանի քաղաքապետարանը վարչական լծակներով օժտված հզոր կառույց է, և քաղքապետարանի համապատասխան վարչություններն այս հարցը կարող են լուծել հաշված րոպեների ընթացքում: Քաղաքապետի պաշտոնը զբաղեցնող Հայկ Մարությանը օրենքով իրեն վերապահված գործառույնթրեն իրկանացնելու փոխարեն անընդհատ նվնվում է: Մեկ ասում է` «Սանիթեք» ընկերությունը հրաժարվում է իր պայմանագրային պարտականությունները կատարել, մեկ ասում է` «Սանիթեք» ընկերությունը հրաժարվել է քաղաքապետարանին տրամադրել առևտրային տարածքների ցանկը, մեկ համոզմունք է հայտնում, թե «Սանիթեք» ընկերությունը չի կարող նորմալ աշխատանք կատարել, որովհետև չունի բավարար սարքավորումներ և ռեսուրսներ, մեկ կարծիք է հայտնում, թե «Սանիթեք» ընկերությունը նախկին իշխանությունների հետ համագործակցելով սաբոտաժ է անում, մեկ պնդում է, որ իրենք իրավացի տուգանել են «Սանիթեքին».... Եղբա'յր, դու քաղաքպետ ես դարձել, որ գործ անես ու մեզ արդյունք ցույց տաս, ոչ թե տապակված աշխատանքիդ համար պատճառի պարագաներ հորինես:
Փաստը մնում է փաստ, որ «Սանիթեքի» վեճին չէ, թե քաղաքապետարանն ինչ է ասում ու անում: Երևանը, Հայկ Մարությանի անշնորհք աշխատանքի շնորհիվ դարձել է մի մեծ աղբաման, մնացածն արդեն հեքիաթասացություն է, որն ականջի համար անգամ այլևս տհաճ է:
Հայկ Դավթյան