Քոչարյանի աջակիցների եւ ոստիկանների հետ միջադեպի արդյունքում 6 քաղաքացի է տարվել ոստիկանություն. մանրամասներ
ՀՀ երկրորդ նախագահ Ռոբրետ Քոչարյանի աջակիցների եւ ոստիկանների միջեւ Թումանյան փողոցում տեղի ունեցած միջադեպի արդյունքում ոստիկանության Կենտրոնականի բաժին է բերվել 6 քաղաքացի։ Այս մասին NEWS.am–ին հայտնեց ոստիկանության լրատվական վարչության պետի տեղակալ Էդգար Ջանոյանը։
Քաղաքացիները ոստիկանություն են տարվել «Վարչական իրավախախտումների մասին» ՀՀ օրենքի 182–րդ հոդվածով նախատեսված արարք կատարելու համար. այն է՝ ոստիկանության ծառայողի օրինական պահանջը չկատարելը։
Հիշեցնենք, որ այսօր Ռոբերտ Քոչարյանի աջակիցները բողոքի ակցիա էին իրականացնում Երեւանում։ Օրվա երկրորդ կեսին ակցիայի մասնակիցները փորձեցին փակել Թումանյան փողոցը, որտեղով պետք է անցներ ՀՀ վարչապետ Նիկոլ Փաշինյանի ավտոշարասյունը։
Ոստիկանները ակցիայի մասնակիցներին ուժով հեռացրեցին փողոցին եւ նրանց տեղափոխեցին ոստիկանության Կենտրոնականի բաժին