Ինչպես է ստացվել, որ Դատախազության 2 բողոքները մակագրվել են միևնույն դատավորին (video)
ՀՀ երկրորդ նախագահ Ռոբերտ Քոչարյանի պաշտպանական խումբը երկուշաբթի օրը դիմելու է Վերաքննիչ քրեական դատարան՝ պարզելու, թե ինչպես է պատահել, որ Ռոբերտ Քոչարյանի գործով Դատախազության երկու բողոքները մակագրվել են միևնույն դատավորին՝ Արմեն Դանիելյանին:
Այս մասին Հայելի ակումբում լրագրողների հետ զրույցում տեղեկացրեց Ռոբերտ Քոչարյանի պաշտպաններից Հայկ Ալումյանը՝ անդրադառնալով դատախազի կողմից Արցախի նախագահների երաշխավորության հիման վրա Ռոբերտ Քոչարյանի խափանման միջոցը փոխելու, «Մարտի 1»–ի գործը ՍԴ ուղարկելու որոշումների դեմ դատախազության ներկայացրած բողոքին:
Հայկ Ալումյանն ասաց, որ պահանջելու են տրամադրել ընթացակարգի հետ կապված տեղեկություններ, համակարգչային տվյալները:
Նրա պնդմամբ՝ Վերաքննիչն իրավունք չուներ բողոքներն առհասարակ վարույթ ընդունել, Դատախազություն էլ իրավունք չուներ որոշումները բողոքարկել, ինչպես նաև դատարանների նկատմամբ բիրտ ուժ է կիրառվում, այդ պարագայում ցանկացած դատական ակտ, որը Ռոբերտ Քոչարյանի դեմ կընդունվի բիրտ ճնշման տակ, ոչ լեգիտիմ է: