Գոգյան, բավակա´ն է ստեք

Արձագանքելով սույն թվականի մայիսի 22-ին Հանրային հեռուստաընկերության եթերում Բարձրագույն որակավորման կոմիտեի նախագահ Ս.Գոգյանի` շարունակաբար կրկնվող ապատեղեկատվությանը` իմ ատենախոսության վերաբերյալ, անհրաժեշտ եմ համարում ներկայացնել մի քանի փաստ` հիշյալ պաշտոնյայի թույլ տված տարատեսակ խախտումների մասին: Մասնավորապես՝ ԵՊՀ Մանկավարժության 065 մասնագիտական խորհրդի՝ ինձ մանկավարժական գիտությունների թեկնածուի գիտական աստիճանի վկայագիր հանձնելու միջնորդությունը ԲՈԿ-ի 2018 թվականի դեկտեմբերի 26-ի թիվ 78-Ա հրամանով մերժվել է: ԲՈԿ նախագահը, թերևս իրեն հայտնի դրդապատճառներից ելնելով, առանձնակի ոգևորությամբ հրապարակային հարթակներում անընդհատ խոսում է այդ մասին:
Նախ նշեմ, որ ես մինչ այժմ չեմ անդրադարձել Գոգյանի ելույթներին, որովհետև Կրթության և գիտության նախարարի հրամանով հարուցվել էր վարչական վարույթ, ստեղծվել վարչական մարմին՝ իմ դիմում բողոքի հիման վրա, ուստի, որևէ մեկի անմեղության կանխավարկածը չանտեսելու նպատակով, Գոգյանի տարածած սուտ տեղեկատվությանը չեմ արձագանքել: Սակայն, հաշվի առնելով նրա կողմից կոռեկտության սահմանների պարբերաբար խախտումը՝ ստիպված եմ անդրադառնալ. 22.05.2019-ին ստացել եմ Կրթության և գիտության նախարարի նամակը, որով տեղեկացվել եմ, որ իմ դիմում-բողոքի պահանջը մասնակի բավարարվել է. ԲՈԿ-ի վերը հիշատակված թիվ 78-Ա հրամանը անվավեր է ճանաչվել և ԲՈԿ-ի նախագահին հանձնարարվել է ընդունել նոր հրաման:
Ինչպես նշել է իր ելույթում Գոգյանը, ինքը ևս ստացել է Կրթության և գիտության նախարարի համապատասխան որոշումը և, չանդրադառնալով որոշման հիմքերին ու նախարարի հանձնարարությանը, փաստել, որ կրկին մերժման հրաման է տալու` վստահություն ունենալով նաև, որ ես կդիմեմ դատարան: Գոգյանը, գիտակցելով, որ ամբողջ գործընթացը հիմնված է մի շարք խախտումների և վերացական ենթադրությունների վրա, բացակայում է որևէ գիտական և մասնագիտական հիմնավորված կարծիք և հասկանալով, որ դատարանի որոշումը կարող է բացահայտել վերը թվարկվածը, հայտարարում է, որ արդեն իսկ չի ընդունում դատարանի կողմից դեռ չկայացրած որոշումը՝ նման ձևով նախօրոք արդարացնելու համար իր՝ օրենքների և ընթացակարգերի չիմացությունը կամ դրանց միտումնավոր սխալ կիրառումը: Անդրադառնալով մի քանի ամիս շարունակվող Գոգյանի սուտ հայտարություններին՝ տեղեկացնեմ, որ նման կերպով Գոգյանն ուղղակի փորձ է անում ինքնահաստատվել որպես ԲՈԿ-ի նախագահ՝ բազմիցս և անհիմն նշելով, որ ինքը կարողացել է մերժել Կրթության և գիտության նախարարության բաժնի պետին գիտական աստիճան շնորհելու վերաբերյալ ԵՊՀ Մանկավարժության 065 մասնագիտական խորհրդի միջնորդությունը՝ հաշվի չառնելով այն հանգամանքը, որ նման պահվածքը, մեղմ ասած, հարիր չէ այդ պաշտոնը զբաղեցնող անձին:
Կրկին նշելով այն միտքը, որը հաճախ աղավաղվում է ԲՈԿ-ի նախագահի կողմից, հարկ եմ համարում շեշտել, որ ես երբևէ չեմ ընդունել իմ աշխատանքում այլ հեղինակներից և աղբյուրներից փոխառված նյութերի առկայությունը: Այնուամենայնիվ պարզաբանեմ և անդրադառնամ. էջերի քանակը և տոկոսները, որոնք իր ելույթներում երևակայական և աստիճանական աճով ոգևորված նեկայացնում է ԲՈԿ-ի նախագահը, իրականում գոյություն չունեն:
Այս գործընթացի շրջանակներում առիթ եմ ունեցել անձամբ շփվել Գոգյանի հետ նաև որպես կոլեգա և բազմից լսել քննադատություններ ԲՈԿ-ի այն թույլ փորձագիտական ինստիտուտի գործունեության մասին, որն այժմ գործում է մանկավարժության ոլորտում: Դրա վառ ապացույցն է հանդիսանում նաև 2018 թվականի հոկտեմբերի 19-ին ԵՊՀ Մանկավարժության 065 մասնագիտական խորհրդի նիստում իմ կողմից ներկայացված հաղորդումը, որին հաջորդել են գիտական ղեկավարի, առաջատար կազմակերպության, պաշտոնական ընդդիմախոսների և խորհրդի անդամների անհամաձայնության մասին ելույթները՝ ԲՈԿ-ի եզրակացության վերաբերյալ, ինչպես նաև խորհրդի վերահաստատված դրական եզրակացությունը և որոշումը:
Մի կողմ դնելով իր նախկինում հայտնած կարծիքները՝ այսօր Գոգյանը խոսում է փորձագետի կողմից տրված մի եզրակացության մասին, որն ուղղակի հեռու է գիտական կամ փորձագիտական եզրակացություն լինելուց, քանի որ փորձագետն իր կողմից ներկայացված ամբողջ փորձագիտական եզրակացության մեջ չի նշել գեթ մեկ բառ, տող, նախադասություն՝ մատնանշելով, թե ես, որպես հեղինակ որտեղից և որ միտքն եմ վերցրել` առանց հղումի: Փոխարենը ուղղակի ազատ ոճի շարադրությամբ մտքեր է արտահայտում և ամփոփում ինչ-որ «հիսուն տոկոսով»: Փորձագետ, ով իր գրավոր եզրակացության մեջ բազմիցս օգտվում է հետևյալ, ըստ իրեն «գիտական» կամ «փորձագիտական» եզրույթներից. օրինակ՝ նախարարի հանձնարարականում, ինչպես նշել է փորձագետը, «ակնարկ» ընկալված հատվածներ, կամ վերացական «մի փոքր մասի վերաբերյալ նշված է նաև ԲՈԿ-ի տեղեկագրում» կամ «մեղմ հաշվարկներ», որոնք հիմք են հանդիսացել ԲՈԿ-ի նախագահի կողմից հայտարարված 75 էջի համար, որը կազմում է աշխատանքի 42%-ը: Իսկ հանդիպման ժամանակ իմ պահանջը` մատնանշել որևէ նախադասություն կամ էջ, որը փորձագետը համարում է այլ հեղինակներից և աղբյուրներից իմ կողմից փոխառված նյութ, ուղղակի անտեսված է:
Ինձ համար անընդունելի է, ինչպես նման փորձագետի ոչ գիտական և ոչ մասնագիտական կարծիքը, այնպես էլ Գոգյանի կողմից նման անհիմն կարծիքին հղում տալը: Որպեսզի իմ տեղեկատվությունը մերկապարանոց չհնչի և չնմանվի Գոգյանի հայտարարություններին, ես պատրաստ եմ հրապարակել տվյալ փորձագետի կարծիքը և եզրակացությունը:
Անդրադառնամ նաև 2018 թվականի դեկտեմբերի 18-ին ԲՈԿ-ի նախագահի կողմից թույլ տրված խախտումներից մեկին՝ իմ ատենախոսության վերաբերյալ ԲՈԿ-ի կողմից տրամադրված երկրորդ եզրակացությանը, որի համար հիմք է հանդիսացել իմ թեկնածուական ատենախոսությունն առանց որևէ հիմնավորման և իրավական հիմքերի, հաշվի չառնելով ԵՊՀ Մանկավարժության 065 մասնագիտական խորհրդի վերահաստատված դրական որոշումը, ևս մեկ անգամ անցկացված «փորձաքննությունը»:
Իմ վարչական բողոքի շրջանակներում ԲՈԿ-ի կողմից ներկայացված երկրորդ եզրակացությանն է անդրադարձել երկրորդ փորձագետը, ով նախ նշել է իր անհամաձայնությունը ԲՈԿ-ի ներկայացրած մի քանի կետերին, բայց չի անդրադարձել ԲՈԿ-ի այնպիսի էական «բացթողումներին», ինչպիսինն է, օրինակ, ինչ-որ «ձեռնարկի» գոյություն չունեցող էջերից վերցված նյութեր (եթե «ձեռնարկն» ավարտվում է 49 էջով, հնարավոր չէ 56-րդ էջից նյութեր փոխառնել):
Ի գիտություն Գոգյանի՝ տեղեկացնեմ, որ համամիտ չլինելով փորձագետի այն կարծիքին, որ աշխատանքում ունեմ այլ հեղինակներից և աղբյուրներից բառացի փոխառված նյութեր` առանց համապատասխան հղումների, այդուամենայնիվ, հարկ եմ համարում շեշտել. իմ բողոքի շրջանակում այդ հատվածները փորձագետի կողմից գնահատվել են և ներկայացվել հաշվարկներ` ԲՈԿ-ի եզրակացության հիման վրա դրանք կազմում են թեկնածուական ատենախոսության 14%, իսկ ավելի փաստական հաշվարկով (հաշվի առնելով ԲՈԿ-ի եզրակացության 12-րդ կետում նշված գոյություն չունեցող էջերը)՝ 16.4 էջ, կազմում է աշխատանքի 9.2%:
Չընդունելով նաև վարչական վարույթի շրջանակում վերոնշյալ միակ փորձագետի կարծիքը, ով, թեկուզ իր հաշվարկներով արձանագրել է փաստացի թիվ, իմ կարծիքը և հիմնավորումները դրանց վերաբերյալ կներկայացնեմ դատարանում:
Ամփոփելով վերոշարադրյալը՝ հարկ եմ համարում ընդգծել իմ անհանգստությունը ԲՈԿ-ի նախագահի՝ գիտության հանդեպ այս աստիճանի անպատասխանատու վերաբերմունքի համար, որն արտահայտվում է Գոգյանի՝ օրենսդրական դաշտին չտիրապետելու, իրավական ակտերի պահանջները չկիրառելու հանգամանքով, միևնույն ժամանակ անպատասխանատու և չհիմնավորված հայտարարություններ անելով, որոնց ես կանդրադառնամ արդեն դատարանում:

Մեջբերում. ՀՀ կրթության և գիտության նախարարի 2019 թվականի մայիսի 21-ի թիվ 01/8240-19 որոշումից. <<….Ելնելով վերը շարադրվածից՝ վարչական մարմինն արձանագրում է, որ ՀՀ քաղաքացի Աիդա Տիգրանյանի՝ «Վարչական վարույթ հարուցելու և Բարձրագույն որակավորման կոմիտեի նախագահի 2018 թվականի դեկտեմբերի 26-ի <<Մանկավարժության 065 մասնագիտական խորհրդում պաշտպանած Աիդա Տիգրանյանի թեկնածուական ատենախոսության վերաբերյալ թիվ 78-Ա հրամանը անվավեր ճանաչելու և գիտական աստիճանի վկայագիր տալու մասին նոր վարչական ակտ ընդունելու պահանջի մասին» 2019 թվականի հունվարի 22-ի վարչական բողոքի հիման վրա հարուցված վարչական վարույթի շրջանակներում հիմնավորվել է վկայակոչված հրամանի անվավերության հանգամանքը, ուստի, ղեկավարվելով Օրենքի 20-րդ հոդվածի 4-րդ մասի, 53-րդ հոդվածի 1-ին մասի և 54-րդ հոդվածի 1-ին մասի պահանջներով՝
Ո Ր Ո Շ Ե Ց Ի
1. Մասնակի բավարարել ՀՀ քաղաքացի Աիդա Տիգրանյանի՝ «Վարչական վարույթ հարուցելու և Բարձրագույն որակավորման կոմիտեի նախագահի 2018 թվականի դեկտեմբերի 26-ի Մանկավարժության 065 մասնագիտական խորհրդում պաշտպանած Աիդա Տիգրանյանի թեկնածուական ատենախոսության վերաբերյալ թիվ 78-Ա հրամանը անվավեր ճանաչելու և գիտական աստիճանի վկայագիր տալու մասին նոր վարչական ակտ ընդունելու պահանջի մասին» 2019 թվականի հունվարի 22-ի վարչական բողոքով ներկայացված պահանջը, այն է՝ պարտավորեցնել Բարձրագույն որակավորման կոմիտեի նախագահին անվավեր ճանաչելու 2018 թվականի դեկտեմբերի 26-ի թիվ 78-Ա հրամանը:
2. Հանձնարարել Բարձրագույն որակավորման կոմիտեի նախագահին՝ ընդունել նոր հրաման Մանկավարժության 065 մասնագիտական խորհրդում պաշտպանած ՀՀ քաղաքացի Աիդա Տիգրանյանի թեկնածուական ատենախոսության վերաբերյալ:…>>

Աիդա Տիգրանյան

ԵՊՀ բանասիրության ֆակուլտետի մանկավարժության
ամբիոնի ասպիրանտ, գիտությունների թեկնածուի գիտական աստիճան հայցորդ, ԿԳՆ լրացուցիչ եվ շարունակական կրթության բաժնի պետ

 

դիտվել է 3853 անգամ
Լրահոս
Փորձություն` Նիկոլ Փաշինյանի համար Արցախով մենք պաշտպանում ենք Զանգեզուրն ու Հայաստանը .Հրանտ Բագրատյան.video Փաշինյանը ամեն մեկի հետ նստում հոնգուր-հոնգուր լացում է .Հրանտ Բագրատյան Որտեղ է Սաշիկ Սարգսյանի 18 միլիոնը,փնտրել եմ և չեմ գտել.Հրանտ Բագրատյան Նիկոլ Փաշինյանը պատասխանատվության կանչե՞լ է Վլադիմիր Պուտինին.Ալեն Սիմոնյանը չի հերքում.video Ապրիլյան պատերազմում մենք չենք հաղթել.Ալեն Սիմոնյանի սենսացիոն հայտարարությունը Որտեղ են դավադիրները,Փաշինյանի թիմում,թե՞.. .Ալեն Սիմոնյանը որոշ մանրամասներ է հայտնում Արցախի պատասխան զորավարժությունները. Բաքվում նյարդային են Ջահելներն՝ ընդդեմ Պուտինի Լրագրողի պայուսակից ոստիկանները հայտնաբերել են շորթմամբ հափշտակած գումարը Ինչպես է Սաակաշվիլին վազվզում շատրվանների միջով. Տեսանյութ «Ալիևները մեծ խնդիրների մեջ ընկան՝ Մխիթարյանի պատճառով» «Փաշինյանն իր քաղաքական գործընկերների և ընկերների ձեռքում հայտնվել է պատանդի կարգավիճակում». Արթուր Ղազինյան Համացանցում հայտնվել է Մոսկվայում զանգվածային ծեծկռտուքի տեսանյութը (տեսանյութ) Այ ծախված, այ տականք, այ քյաչալ, այ.... Վաշինգտոնում Զոհրաբ Մնացականյանը հանդիպել է Ֆիլիպ Ռիքերի հետ Նրանք շատ խիստ կպատժվեն. Տոնոյան Hjam.am կայքի խմբագրին շորթման կասկածանքով տարել են ոստիկանություն Ո՞վ է գողացել պատգամավորի մեքենայի կողային հայելին (լուսանկար) Վահե Տեր-Մինասյանին պատժել են. որն է պատճառը. տեսանյութ Սերժ Ազատիչն ու Սամվել Կարապետյանը քիչ առաջ զբոսնում էին Տաշիրի պուրակում.... Խաղաղ պայմաններում զոհված զինծառայողների գործերը բացահայտելու համար ՔԿ-ն կգործադրի բոլոր ջանքերը. Փաշինյան Հայաստանի քաղաքական համակարգը քաղաքական Գարինչաների և Ալդաիրների կարիք ունի. Շարմազանով Որո՞նք են արդարադատության նախարարության առաջնահերթություններն՝ ըստ նորանշանակ նախարարի Սա նշանակում է, որ այդ ծավալի հավելյալ արտարժույթ է մտնում երկիր
Ամենաընթերցվածները
Շուտով
Հունիսի 20-ին,ժամը 12:00-ին Հայելի ակումբի հյուրն է ՀՀ ԳԱԱ Հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը: Թեմա՝ձկան և խեցգետնի պաշար,Սևանա լճի պաշտպանվածությունն ու վիճակը,ինչ վտանգներ կան Հունիսի 20-ին,ժամը 13:00-ին Հայելի ակումբի հյուրն է ԱԻՄ նախագահ Պարույր Հայրիկյանը: Թեմա՝Զոհրաբ Մնացականյան-Էլմար Մամեդյարով հանդիպումը,ինչ կտա բանակցային գործընթացին, ԱԳ նախարարների հանդիպումը ԱՄՆ նախագահի Ազգային անվտանգության հարցերով խորհրդական Ջոն Բոլթոնի հետ:Ներկա դատավարություններ,ինչ սպասելիքներ կան Հունիսի 20-ին, ժամը 13.00-ին Sputnik Արմենիա մուլտիմեդիոն մամուլի կենտրոնում կանցկացվի ասուլիս՝ «Զբոսաշրջության ոլորտի մասնագետների վերապատրաստման խնդիրներն ու տուրիզմի զարգացման ուղիները» թեմայով:Ռուսաստանի տուրիզմի միջազգային ակադեմիայի ռեկտոր, քաղաքական գիտությունների դոկտոր, պրոֆեսոր Եվգենի Տրոֆիմովը, Տուրիզմի հայկական ինստիտուտի ռեկտոր Ռոբերտ Մինասյանը, «Ավարայր» տուրիստական ընկերության տնօրեն Արկադի Սահակյանը։ Հունիսի 20-ին, ժամը 12.00 «Տեսակետ» մամուլի ակումբի հյուրն է ԱԻՆ Ճգնաժամային կառավարման պետական ակադեմիայի դասախոս, ԱԻՆ փորձագետ Սերգեյ Հայրապետյանը: Թեման՝ «ՀՀ-ում մեծացել է անտառային և հարակից բուսածածկ տարածքներում հրդեհների առաջացման և տարածման վտանգը: Ինչպե՞ս չստեղծել հրդեհավտանգ իրավիճակներ: Վերահսկվող կանխարգելիչ այրումների իրականացումը»: «ՍՈՎՈՐՈՂ ՈՒՍՈՒՑԻՉ»-1 ԳԻՏԱԺՈՂՈՎԸ Ամենայն հավանականությամբ կլինի հունիսի 20-ին, ժամը 3-ին, ԵՊՀ-ի Ֆիզֆակի 2-րդ հարկի Կոնֆերեց-դահլիճում: Հունիսի 15-ին կարվի ժողովի օր ու ժամվա վերջին հայտարարությունը` «Միջոցառման» (Event-ի տեսքով): Որոշել ենք, որ գիտաժողովի բացվելուց հետո ուսուցիչ Գաբրիելյան Հասմիկը կխոսի «Սովորող ուսուցիչ» խմբի անցած գործունեությունից ու ձեր տպավորություններից ու ցանկություններից, հետո ուսուցիչ Մերուժան Հարությունյանը կխոսի մեր դպրոցի ու մեր ուսուցիչների ցավերից, իսկ Գագիկ Աղեկ... Հունիսի 20-ին՝ ժամը 14:00-ին, ԱԺ 334 դահլիճում տեղի կունենա Հայաստան-Մոնղոլիա բարեկամական խմբի անդամների մամուլի ասուլիսը. կներկայացվեն Ուլան-Բատոր այցի արդյունքները: Վաղը՝ հունիսի 20-ին, ժամը 14։00-ին տեղի է ունենալու Հանրային խորհրդի ժողովրդագրության և գենդերային հարցերի հանձնաժողովի նիստ ((հասցե՝ Բուզանդի 3, 2-րդ հարկ)։ Օրակարգի առաջին հարցը վերաբերում է Պարսից ծոցի երկրներում բնակվող և այնտեղ աշխատանքային գործունեություն ծավալող երրորդ երկրների քաղաքացիների՝ դեպի Հայաստան ուղևորահոսքերի ծավալների ավելացմանը։ Նիստը վարելու է ՀԽ ժողովրդագրության և գենդերային հարցերի հանձնաժողովի նախագահ Գագիկ Եգանյանը։ Հարցի քննարկմանը մասնակցելու են նաև ՀՀ ՏԿԶ... ՀՈՒՆԻՍԻ 20-ին՝ ժամը 13:00-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա Լեհաստանի նախագահի մրցանակակիր, Գդանսկի քաղաքային խորհրդի անդամ, հայ համայնքի նախագահ, նկարիչ Գագիկ Պարսամյանի ասուլիսը: ԹԵՄԱ.- Լեհաստանի հայ համայնքի կազմավորման 650-ամյակի շրջանակում Հայաստանում անցկացվում է արվեստի փառատոն. Հայաստանում են 10-ից ավելի նկարիչներ տարբեր երկրներից: Առաջիկայում Լեհաստանում, Հայաստանում նախատեսված միջոցառումներից են նաև գրքի շնորհանդեսը, «Հայաստա... Հունիսի 20-ին, ժամը 11:30-ին «Մեդիա կենտրոնում» տեղի կունենա քննարկում «Փախստականների համաշխարհային օր. հետհեղափոխական Հայաստանում որքանո՞վ են լսելի փախստականների խնդիրները» թեմայով։ Բանախոսներն են` Նելլի Դավթյան` ՀՀ ՏԿԶՆ միգրացիոն ծառայության հանրային կապերի պատասխանատու Տաթևիկ Բադալյան` ՄԱԿ ՓԳՀ Մերի Դավթյան` «Առաքելություն Հայաստան» ԲՀԿ Արսեն Հակոբյան` Հնագիտության և ազգագրագիտության ինստիտուտ, «ՍԻՐԻԱՀԱՅԵՐԸ ՀԱՅԱՍՏԱՆՈՒՄ. ՀԱՅՐԵՆԱԴԱՐՁՆԵՐ, ԹԵ՞ ՓԱԽՍՏԱԿԱՆՆԵՐ» ուսումնասիրության հեղինա... Հունիսի 20-ին, ժամը 10:00-ին Մեդիա կենտրոնում տեղի կունենա քննարկում՝ «Գրագողություն. ինչպես հայտնաբերել և կանխել» թեմայով: Քննարկմանն անդրադարձ է կատարվելու ակադեմիական միջավայրում գրագողության հետ կապված արմատացած խնդիրներին, այդ խնդիրների հաղթահարման ռազմավարությանն ու հնարավոր լուծումներին։ Բանախոսներն են՝ Սմբատ Գոգյան՝ Բարձրագույն որակավորման կոմիտեի նախագահ Աննա Գևորգյան՝ Հանրային քաղաքականության ինստիտուտի կրթական ծրագրերի համակարգող Անի Կոջոյան՝ Բաց-Հասարակության հ...