Զանգահարել է հայրական տուն դարձ գնացած կնոջն ու ասել՝ եթե չգաս, ինքնասպանություն կգործեմ. մանրամասներ
Շիրակի մարզի Ողջի համայնքում 39-ամյա տղամարդն ինքնասպանություն է գործել: Այս մասին Tert.am-ի հետ զրույցում ասաց Ողջի համայնքի վարչական ղեկավար Նորայր Մկրտչյանը: Նա ասաց, որ այսօր, ըստ նախնական տվյալների՝ ինքնասպան եղած 39-ամյա Մանվել Սողոմոնյանի հուղարկավորությունն է:
«39-ամյա մեր համագյուղացի Մ.Ս.-ն ինքնասպանություն է գործել, ինչի մասին ինձ հայտնել է համայնքի թաղայինը»,-ասաց Մկրտչյանը՝ հավելելով, որ դեպքից առաջ երիտասարդը զանգահարել է կնոջը, որը դարձ էր գնացել հայրական տուն ու ասել նրան, որ եթե չվերադառնա, ինքն ինքնասպանություն կգործի:
«Այդ մասին կնոջ քույրը պատմել է նաև թաղային ոստիկանին, ասելով, որ զանգահարել է Մ. Ս.-ի եղբորը և ասել, որ երկուսով գան՝ խոսելու բան ունի: Դրանից մի քանի րոպե հետո քրոջ ամուսնու եղբայրը զանգել է նրան և հայտնել, որ Մ.Ս.-ն կախվել է»:
Մկրտչյանի խոսքով՝ Մ.Ս.-ն երկու ամիս առաջ էր ամուսնացել: Ընտանեկան որևէ խնդրի մասին հայտնի չէ:
Հետևեք մեզ Viber-ում
