Առողջապահության ոլորտի ամենակարևոր խնդիրը ուղղաթիռներ ձեռքբերելն է՞ր. Գեւորգ Գրիգորյան (Հայկական առողջապահական ազգային խորհրդի նախագահ) (video)
Հայկական առողջապահական ազգային խորհրդի նախագահ Գեւորգ Գրիգորյանը ահազանգում է՝ առողջապահական ոլորտում մի շարք խնդիրներ կան, որոնք մատնված են անուշադրության և առողջապահական ոլորտի գրեթե բոլոր հիմնարար հարցերը բարձիթողի վիճակում են:
«Մենք ունենք մի որոշում, որը հղում է անում մի կանոնադրության վրա, որն արդեն ուժը կորցրած է: Այսինքն՝ մենք ունենք օդից կախված որոշում, ըստ որի գրեթե ոչ մի բան չի կանոնակարգվում, բայց կանոնադրության բացակայության մթնոլորտում ստեղծվում է այնպիսի իրավիճակ, որ մարդիկ կարողանում են ներկայանալ ծառայության ղեկավար, մասնագետ, որը որ չեն հանդիսանում»,- «Հենարան» մամուլի ակումբում լրագրողների հետ հանդիպմանն ասաց Գրիգորյանը:
Վերջինիս խոսքով՝ մենք չգիտենք գոյություն ունե՞ն արդյոք մասնագիտական բնութագրեր թե ոչ, դրա համար էլ ըստ նրա, բնակչությունը բողոքում է Նախարարությունից և բժիշկներից.« Փոխարենը մենք ունենք ուղղաթիռ, որը առաջնային խնդիր չէր մեզ համար: Մենք ունենք կոռուպցիայի դեմ պայքարող կառույց, որտեղ որ փոխնախարարի մակարդակով կաշառք վերցնելու համար ձերբակալվում են: Մենք ունենք ծավալուն խնդիրներ, որոնց ուշադրություն չենք դարձնում, բայց Լոռու մարզից ուղղաթիռով հիվանդ ենք տեղափոխում»:
Գրիգորյանն առաջարկեց ուղղաթիռի թռիչքների վրա ծախսված գումարներով բարձրացնել հաշմանդամների պետության կողմից երաշխավորված վճարը:
Առավել մանրամասն՝ տեսանյութում.