«Վարչապետ կամ նախագահ փոխել լինում է, հանրությանը փոխելն է դժվար». Թամար Հովհաննիսյան
Դերասանուհի Թամար Հովհաննիսյանը ֆեյսբուքյան իր էջում գրառում է կատարել և տեղադրել լուսանկար.
«...և այդպես շատ շատերը: Նրանք, ովքեր «ընտրությունների» ժամանակ փող էին վերցրել կամ ձրի լավաշ ու Փաշինյանի դեմքին նայելով ոռնում էին, թե վերևն աստված, ներքևը Սամվել Ալեքսանյանը, նույն այդ մարդիկ հիմա ոռնում են՝ վերևն աստված ներքևը Նիկոլը: Եվ եթե հանկարծ փորձես մտածել, վերլուծել, էլ չեմ ասում՝ քննադատել, կասկածել, այլընտրանքային ուղի տեսնել, այլ կարծիք հայտնել, կորած ես: Այ, էսպես... Պատեհապաշտ են մարդկանց մեծ մասը, նաև հոգևորականները և առաջին հերթին նրանք, քանի որ նրանք էլ գաղափարին հավատալու և հետևելու փոխարեն, հավատում և պաշտում են մարդուն՝ անձին: Հետո զարմանում ենք, թե ինչու չենք կարողանում պետություն կառուցել: Երևի, որովհետև չենք հասկանում, որ պետք է լինել ոչ թե օրինապաշտ այլ օրինապահ, օրենքը չեն պաշտում, պահպանում են: Նույնն էլ ավանդույթը, պետք է պահպանել և ոչ պաշտել: Հենց այդ պատճառով էլ ոչ մի ավանդույթ չի պահպանվում, բայց պաշտվում է: Իսկ ինչ վերաբերում է այս պիղծ եղբայրներին, ուղղակի ապշել կարելի է, թե ուր հասցրին բարոյական արժեքները և ամենասոսկալին, որ դա արեցին սուրբ խոսքով: Թեպետ, մեծ դժվարությամբ, բայց վարչապետ կամ նախագահ փոխել լինում է, հանրությանը փոխելն է դժվար, հանրությանը քաղաքացու մտածելակերպին հասցնելն է դժվար: Բնավ կարևոր չի, որ Օրուելի «Անասնաֆերման» կարդացած լինի ամեն ոք: Բայց խիստ կարևոր է, որ հոգևոր առաջնորդը գեթ տասը պատվիրանները իմանա ու հաճախ կրկնի մտքի մեջ, ինքն իրեն»:
Հետևեք մեզ Viber-ում
