Ողբերգություն` «Սիգնալ Իդունա Պարկ»-ում

Գերմանիայի առաջնության «Բորուսիա» – «Մայնց» հանդիպման ժամանակ Դորտմունդի «Սիգնալ Իդունա Պարկ» մարզադաշտում երկու երկրպագու սրտի նոպա են ունեցել: Նրանք հոսպիտալացվել են: Նրանցից մեկի՝ 80-ամյա երկրպագուի կյանքը փրկել չի հաջողվել: Այդ մասին հայտնում է դորտմունդյան ակումբի պաշտոնական կայքը: Հիշեցնենք, որ Ռոյսի և Կագավայի գոլերի շնորհիվ Թոմաս Տուխելի գլխավորած թիմը «Մայնց»-ին հաղթել է 2:0 հաշվով: Սակայն կատարված ողբերգության պատճառով դորտմունդցիները չեն տոնել երկրորդ գոլն ու խաղի ավարտից հետո հարգել են մահացածի հիշատակը՝ երկրպագուների հետ կատարելով «You`ll never walk alone»-ը: