Երեք նորեկ՝ Հայաստանի ազգային հավաքականում

Գոռ Մալաքյանը, Դավիթ Արշակյանը եւ Գեղամ Կադիմյանն առաջին անգամ հրավիրվել են ֆուտբոլի Հայաստանի ազգային հավաքական, հաղորդում է ՀՖՖկայքը: Մարտի 25-ին Վազգեն Սարգսյանի անվան «Հանրապետական» ստադիոնում տեղի կունենա Հայաստան-Բելառուս ընկերական հանդիպումը: Հայաստանի ազգային հավաքականը մարտի 21-ից 25-ը Ավանի ֆուտբոլային ակադեմիայում կանցկացնի հավաք, որին չի հրավիրվել ամերիկյան «Ռեալ Սոլթ Լեյքի» հարձակվող Յուրա Մովսիսյանը: Հայաստանի ազգային հավաքականի գլխավոր մարզիչ Վարուժան Սուքիասյանն հրապարակել է արտերկրում հանդես եկող այն ֆուտբոլիստների անունները, որոնք կմասնակցեն հավաքին. Գաել Անդոնյան, «Դիժոն» (Ֆրանսիա) Հրայր Մկոյան, «Էսթեղլալ» (Իրան) Հովհաննես Համբարձումյան, «Վարդար» (ՆՀՀ Մակեդոնիա) Հենրիխ Մխիթարյան, «Բորուսիա» (Դորտմունդ, Գերմանիա) Մարկոս Պիզելի, «Ալ Ռաեդ» (Սաուդյան Արաբիա) Արաս Օզբիլիս, «Ռայո Վալեկանո» (Իսպանիա) Կառլեն Մկրտչյան, «Անժի» (Ռուսաստան) Գոռ Մալաքյան, «Ստալ» (Ուկրաինա) Էդգար Մանուչարյան, «Ուրալ» (Ռուսաստան) Արթուր Սարկիսով, «Վոլգա» (Ռուսաստան) Դավիթ Արշակյան, «Տրակայ» (Լիտվա) Գեղամ Կադիմյան, «Կարպատի» (Ուկրաինա) Հայաստանի առաջնությունում հանդես եկող ֆուտբոլիստների ցուցակը կհրապարակվի ավելի ուշ: