«Բարսելոնա»-ի դիտորդները հետևել են Ուսման Դեմբելեի խաղին

Ֆրանսիական «Ռեն»-ի հարձակվող Ուսման Դեմբելեն կատալոնական «Բարսելոնա»-ի ուշադրության կենտրոնում է: Ֆրանսիայի առաջնության 29-րդ տուրի «Ռեն» – «Նանտ» խաղի ժամանակ կատալոնական ակումբի դիտորդները հետևել են 18-ամյա ֆրանսիացու խաղին: Նշենք, որ այդ հանդիպմանը Դեմբելեն դարձել է հեթ-տրիկի հեղինակ: Մի քանի շաբաթ է՝ «Բարսելոնա»-ն հետաքրքրված է ֆուտբոլիստի ծառայություններով, սակայն ինչպես տեղեկացնում է «El Mundo Deportivo»-ն, կողմերը դեռևս բանակցություններ չեն վարել: Ընթացիկ մրցաշրջանում Դեմբելեն մասնակցել է Ֆրանսիայի առաջնության 17 հանդիպման՝ դառնալով 9 գոլի ու 3 գոլային փոխանցման հեղինակ: