Արմեն Գրիգորյանի, Մանվել Գրիգորյանի, Սոնա Մնացականյանի, Մհեր Եղիազարյանի, 44 օրում զոհված 5 հազար մահերը բավական են, որ լալկվեր` ոչ մեկի զոհվելուց չխոսեր...

Բոլոր ուժերս հավաքեցի, զինվեցի համբերությամբ, փորձեցի մոռանալ վերջին տարիներին ձևավորված վերաբերմունքս վարչապետի պաշտոնին հավակնող թեկնածուների նկատմամբ ու դիտել այդ Մեծ բանավեճը: Մարդ ես` մեկ էլ տեսար սխալվել եմ ինչ որ մեկի հարցում: Ես միշտ մարդկանց շանս տալու կողմնակից եմ` գուցե մարդն իրականում այդքան վատը չի, ինչքան թվացել է ինձ:
Ցավոք սրտի, պարզվեց, ոչ մեկի հարցում չեմ սխալվել: Ումից նողկացել եմ` իրոք նողկալի է, ում արհամարհել եմ, դրան է արժանի, ում համարել եմ չարիք ու աղետ, նույնիսկ մի քիչ մեղմ եմ եղել, չեմ սխալվել նաև մյուսների հարցում (նկատի ունեմ` ընդդիմադիր ուժերին, որոնց առաջարկում եմ ընտրել):
Մարդ ինչքան պետք է վերջացած լինի, որ հանրապետությունով մեկ հեռարձակվող բանավեճի ժամանակ` ընտրություններից 2 օր առաջ, ամբիոնն օգտագործի միայն իր մրցակիցներին վարկաբեկելու, ստեր տարածելու, փաստերը խեղաթյուրելու, լաչառությամբ դիմացինների բերանը ծեփելու համար...մատ թափ տա, աչքերն ոլորի, արցախցիների հասցեին վայրահաչի... ուղղակի բառ չունեմ ասելու...
Մարդ ինչքան չար ու անգրագետ պետք է լինի, որ դեռ վարչապետ չընտրված, նաև դատավոր ու դատախազ չլինելով, սպառնա, թե էսինչը դեռ երկար է նստելու: 8 տարի մենակ մի բան է արել` մարդկանց է բանտ ուղարկել, իրավապահ համակարգը թաշկինակի պես օգտագործել ու մարդ նստացնելուց դեռ չի կշտացել...սրբազաններ ու գործարար, դպրոցական տղաներ, 18-ը նոր լրացած աղջիկներ (այսօր Գյումրիում են ձերբակալել, որ Արա Նախշքարյանի դեմ ցուցմունք կորզեն) 75-ամյա տարեց կին...կապ չունի` բոլորին ուզում է ճաղերի հետևում տեսնել, սիրտը դրանից փառավորվում է: Իսկ այդ բոլորի մեղքն այն է, որ իրեն չեն ընդունում, չեն սիրում, ուզում են ինքը հեռանա, քննադատում են իրեն, իրենց արժանապատվությունն են պաշտպանում` իրենց եկեղեցին, ազատ խոսելու իրավունքը...
Իր ժամանակ սպանված ու զոհված, ինքնասպանված ու վրաերթից մահացած, իր մեղքով ինֆարկտ ու ինսուլտ ստացած հազարավորներին մոռացած` Արման Թաթոյանին է մեղադրում Հաց բերողի մահվան մեջ: Իսկ Թաթոյանը ոչ նախագահ է եղել, ոչ դատավոր ու դատախազ: Մենակ Արմեն Գրիգորյանի, Մանվել Գրիգորյանի, Սոնա Մնացականյանի, Մհեր Եղիազարյանի, 44 օրում զոհված 5 հազար մահերը բավական են, որ լալկվեր` ոչ մեկի զոհվելուց չխոսեր...
Իսկ էն դամ քաշող մի քանիսի մասին միայն մի բան կասեմ` ողորմելի, քծնող, անդեմ ստորաքարշների խմբակ, որոնց քաղաքական գործիչ կոչելը մեղք է:
Մի հույս ունեմ, որ սրանց լսողները նույն զգացումներն ունեն, ինչ ես, ուստի ճիշտ կկողմնորոշվեն կիրակի օրը...
Քրեական օրենսգիրքը և մեր համբերությունը չարաշահած ՔՊ-ն ու նրա առաջնորդը չպետք է վերարտադրվեն, Փաշինյանի դամքյաշ արբանյակները քվե չպետք է ստանան...
Ում ընտրել. 4 ընդդիմադիր ուժերից որևէ մեկին, ևս 2 ուժ (ՀԱԿ-ն ու Լուսավորը) արժանի էին խորհրդարանում լինելու, ցավոք, ես դրա հնարավորությունը չեմ տեսնում...

Արմինե Օհանյանի գրառումը