Բաքվում դեռ կան գերիներ, այս մարդիկ պետք է օր առաջ ազատ արձակվեն.Արարատ Միրզոյան
Մենք կարծում ենք, որ Ադրբեջանի հետ հաստատված խաղաղությունը ինստիտուցիոնալացման կարիք ունի, խաղաղությունն արդեն կա, ու մենք դրա պտուղները վայելում ենք։ Այս մասին Էստոնիայի արտաքին գործերի նախարար Մարգու Ցահքնանի հետ համատեղ ասուլիսի ընթացքում ասել է ՀՀ ԱԳ նախարար Արարատ Միրզոյանն՝ ընդգծելով, որ խաղաղությունը նոր է ու խնամքի կարիք ունի։
«Այսօր արդեն բազմաթիվ հարցեր լուծվել են, ընդհուպ՝ Ադրբեջանի տարածքով Հայաստան եկող բեռների տարանցումը, բայց ցավոք սրտի, բոլոր հարցեր չէ, որ լուծված են։ Այդ հարցերից ամենազգայունը թերևս գերիների հարց է, այո, Բաքվում դեռ կան գերիներ, պահվող անձինք, այս մարդիկ պետք է օր առաջ ազատ արձակվեն, այդ մարդկանց ազատ արձակումը կգա միայն ամրապնդելու հաստատված խաղաղությունը։
Մենք շարունակվում ենք երկխոսությունն Ադրբեջանի հետ այս թեմայով, և սա օրակարգի առաջնային հարցն է»։
Հետևեք մեզ Viber-ում
