Ինչու է ձգձգվում Ալեքսանդր Սիրունյանի հարցով քվեարկությունը, ՔՊ-ն տարակուսա՞ծ է

ՔՊ-ականները չեն հստակեցնում` ինչու է ձգձգվում Ալեքսանդր Սիրունյանին ԲԴԽ անդամի պաշտոնում ընտրության, քվեարկության գործընթացը: ՔՊ-ական պատգամավոր Արուսյակ Ջուլհակյանը լրագրողների հետ զրույցում նշեց` չգիտի` ձգձգվում է, թե` ոչ, տեխնիկական հարցերը պետք է ուղղել հաշվիչ հանձնախմբին, ոչ տեխնիկական հարցերը` խմբակցության ղեկավարությանը:

Դիտարկմանը` տեխնիկական է, թե թեկնածուի հետ կապված Ջուլհակյանը պատասխան չտվեց: Դիտարկմանը, որ նախկինում թեկնածության քննարկումից հետո հենց հաջորդ օրը քննարկվում էր` Ջուլհակյանը նշեց` արդյոք վստահ են, որ քվեարկություն չի լինելու: Հարցին` արդյոք խմբակցության նիստ եղել է` Ջուլհակյանը նշեց` եթե լիներ, ապա լրագրողները կտեսնեին, իսկ խմբակցության աշխատանքների հետ կապված հարցերը` ուղղել խմբակցության ղեկավարությանը: Արդյոք ինքը մասնակցել է նիստի, որտեղ քննարկվել է` ինչպես քվեարկել Սիրունյանի թեկնածությանը` Ջուլհակյանը նշեց` չի մասնակցել նման նիստի: Հարցին` արդյոք մտահոգված են, որ ՔՊ-ից ոչ բոլորը կքվեարկեն Սիրունյանի օգտին, վերջինս չի ընտրվի` Ջուլհակյանը նշեց` նման մտահոգությունից տեղեկություն չունի:

Աղբյուր` Փաստինֆո