Խնդիր է դրված՝ ապօրինի զենքը շրջանառությունից դուրս բերելը, սակայն օրինական դաշտում խնդիրներ ևս կան

Ցանկացած կրակոց, ցանկացած հրազենի գործադրմամբ դեպք մտահոգիչ է պետության համար, որովհետև հրազենի գործադրումն ինքնին հանրային բավական բարձր վտանգավորություն է ենթադրում թե տվյալ անձի, թե նրան շրջապատող անձանց համար։Այս մասին լրագրողների հետ զրույցում ասաց ՆԳ նախարար Արփինե Սարգսյանը։

Նա հայտնեց, որ խնդիր է դրված՝ ապօրինի զենքը շրջանառությունից դուրս բերելը, սակայն օրինական դաշտում խնդիրներ ևս կան։

«Պետությունն օրինական հիմքերով զենք ձեռք բերելու հնարավորությունը պետք է նաև մասնատի և հասկանա, թե ինչ հատվածներն են օրինական ճանապարհով զենք ձեռք բերելու, որ կարող են լինել պրոբլեմատիկ»,- նշեց Սարգսյանը։