Նիկոլը ցնցուղով կհարձակվի Ալիևի վրա․ Նաիրի Հոխիկյան (video)
Լրագրող Նաիրի Հոխիկյանը Հայելի ակումբի ուղիղ եթերում ադրադարձել է վերջերս զինված ուժերում տեղի ունեցած զինծառայողների և նորակոչիկի մահվան դեպքերին։
«Այո, ցավոք սրտի տարին սկսվում է մեր բանակում նորանոր կորուստներով և դրանք ամենևին էլ պատահական և անսպասելի չեն, քանի որ ի տարբերություն ներքաղաքական հարցերի, որոնք շատ լավ Նիկոլ Փաշինյանը տիրապետում և կարողանում է քարոզչական միջոցներով իր վերահսկողության տակ պահել , նույնը չի կարելի ասել բանակի մասին, որովհետև կա ակնհայտ պայմանավորվածություն՝ Նիկոլ Փաշինյանի և Իլհամ Ալիևի միջև այն առումով, որ Հայաստանի Հանրապետությունն ու Հայ պետականությունը պետք է չունենա ուժեղ բանակ։
Այս տարածաշրջանում միակ երկիրը, որը գոնե մինչև Նիկոլ Փաշինյանի գալը և ՔՊ -ի հայտնվելը, դիմադրում էր թուրքականության քարոզչական, ռազմական և դիվանագիտական հարձակումներին՝ Հայաստանն էր, բայց հիմա Հայաստանը փաստացի չի դիմադրում, որովհետև մենք շատ լավ գիտենք, որ Հայաստանի իշխանությունները ևս մաս են կազմում պանթուրանիզմին, դա ակնհայտ դարձավ նաև, երբ Արցախն ամբողջությամբ հանձնվեց Ադրբեջանին», -ասաց վերլուծաբանը։
Իր խոսքը շարունակելով պարոն Հոխիկյանը նշեց. «Հայաստանի Հանրապետության բանակը այսօր կառավարման ճգնաժամի մեջ է, ՀՀ բանակում այսօր դրված է այն սկզբունքը, որ սպան իրավունք չունի շարքային զինվորին նկատողություն անել։ Ցավոք սրտի հիմա բանակը մեծ մասամբ ունի կառավարման լրջագույն ճգնաժամ և դա ձեռնտու է Հայաստանի բարձրագույն իշխանությանը։ Հիմա միտումնավոր կերպով այնպես են անում, որ սպան որևէ հարգանք չունենա զինվորների շրջանակում և որ բանակում չլինի պատասխանատվության և կարգապահության զգացողություն, և բնականաբար դա բերում է տարբեր տեսակի մահերի և բախումների»։
Եզրափակելով իր խոսքը բանախոսը նշեց. «Ես կարծում եմ, որ երկրորդ բանակային կորպուսի հրամանատարին՝ կապված վերջին դեպքերի հետ, պետք է առնվազն հեռացնել ղեկավարած պաշտոնից, իսկ ինչ վերաբերում է Գլխավոր Շտաբի պետին՝ Էդվար Ասրյանին, ապա նա և՛ վատ զինվորական է, և՛ վատ ղեկավար, քանի որ ես կարծում էի, որ 2023 թվ. -ի սեպտեմբերյան ադրբեջանական ահաբեկչության ժամանակ նա կօգտվի հնարավորությունից և իր պաշտոնական դիրքից ու զորք կմտցնի Արցախ, բայց դա տեղի չունեցավ»։
Մանրամասները՝ տեսանյութում․
Գոհար Պողոսյան
Հետևեք մեզ Viber-ում
