Հայաստանին ներքաշում են ավելի վտանգավոր խաղերի մեջ․ Ռուսաստանը տեսնում է դա․ Զախարովա (video)
«Արևմուտքն անտարբեր է Հայաստանի ժողովրդի ճակատագրի նկատմամբ՝ հայտարարել է ՌԴ ԱԳՆ ներկայացուցիչ Մարիա Զախարովան այսօրվա ճեպազրույցի ընթացքում։ Նրա կարծիքով՝ փորձեր են արվում Երևանին ներառել աշխարհաքաղաքական վտանգավոր խաղերի մեջ։
«Մենք տեսնում ենք արտաքին ուժերի փորձերը՝ Երևանը ներքաշելու ավելի վտանգավոր աշխարհաքաղաքական խաղերի մեջ, տեսնում ենք, թե ինչպես է Արևմուտքը բացարձակ անտարբեր մնում հայ բնակչության, Հայաստանի ժողովրդի ճակատագրի նկատմամբ։ Նրանք օգտագործում են հայ ժողովրդի զգացմունքները, պատմական հիշողությունը, ցավը, տառապանքը՝ բացառապես սեփական շահերից ելնելով»,- կարծում է նա ՌԴ ԱԳՆ պաշտոնական ներկայացուցիչը։
Նրա խոսքով՝ հաշվի առնելով հարաբերությունների դաշնակցային բնույթը՝ Մոսկվան պատրաստ է ամեն կերպ նպաստել Հայաստանի խաղաղությանը, կայունությանը և բարգավաճմանը։
«Մեզ համար սա իսկապես չափազանց կարևոր է մի շարք պատճառներով՝ սա մեր ընդհանուր պատմությունն է, սա ժողովուրդների և մշակույթների փոխներթափանցումն է, սա տարածաշրջանային կայունության ծրագիրն է, նաև՝ ընդհանուր մարտահրավերները, որոնց մենք բախվում ենք, և որոնք ավելի հեշտ է լուծել միասին»,- ասել է Զախարովան։
Հետևեք մեզ Viber-ում
