«Սա թատրոն չէ, ավագանու նիստ է». Ավինյանն անջատեց Մարությանի միկրոֆոնը․ կրքերը թեժացան (video)
Երևանի նախկին քաղաքապետ Հայկ Մարությանի ելույթը ավագանու նիստում կիսատ մնաց, քանի որ ըստ կանոնակարգի ելույթի համար նախատեսված 5 րոպե ժամանակը սպառվել էր։
«Ավագանու ելույթների համար նախատեսված է 5 րոպե»,- նշեց Ավինյանը, ինչին ի պատասխան Հայկ Մարությանն ասաց, որ անգիր գիտի կանոնակարգը։
Ավինյանը նշեց, որ Մարությանն իր ելույթում խոսի այն թեմայի մասին, որը քննարկվում է ավագանու նիստում.
«Սա մոնոներկայացում չէ, սա ավագանու նիստ է, հարց ենք քննարկում։ Եկեք այս կետում սպառենք»։
«Շատ տարօրինակ է, որ որոշում է ընդունվել, որ առաջվա 10 րոպեի փոխարեն, որ ամեն խմբակցությունից մեկը տարող էր 10 րոպե ելույթ ունենալ, դարձել է 5 րոպե»,- նշեց Մարությանը։
«Խախտում եք կանոնակարգը, խնդրում եմ միկրոֆոն անջատեք։ Այստեղ վերին արտի ցորեն կա՞, չի կարելի 2-3 նիստ բացակայել, հետո գալ ու 40 րոպե ելույթ ունենալ»,- ասաց Ավինյանը։
Մարությանի միկրոֆոնն անջատելուց հետո ավագանու նիստը բոյկոտեցին «Ազգային առաջընթաց» կուսակցության անդամները:
Հետևեք մեզ Viber-ում
