Կույս տղաներից մինչև 40-անց տղամարդկանց կազմվածք․ ի՞նչ է ասում Փաշինյանը (video)

Վարչապետ Նիկոլ Փաշինյանն Էջմիածին քաղաքում ներկա է գտնվել «Հայաստանի Հանրապետության վարչապետի գավաթ» խճուղավազքի սիրողական 3-րդ մրցաշարի պարգևատրման արարողությանը:

Փաշինյանը հուշանվերներ է հանձնել մրցաշարի տարեց մասնակիցներին ու իր խոսքում նշել․ «Կառավարության հարգելի անդամներ,
Պետական և տեղական ինքնակառավարման մարմինների հարգելի ներկայացուցիչներ,
«Վարչապետի գավաթ» խճուղավազքի մրցաշարի հարգելի մասնակիցներ,
Հարգելի ներկաներ,

Նախ` ևս մեկ անգամ ուզում եմ շնորհավորել մրցանակակիրներին և շնորհակալություն հայտնել բոլորին մասնակցության համար:

...Շատ կարևոր է, որ դպրոցականների մասնակցությունն է ընդլայնվում: Մենք պետք է շարունակենք այդ ճանապարհով: Այսօր մենք մեր մրցահարթակին և պարգևատրման ժամանակ տեսանք մրցանակակիրների, որոնք իրենց դպրոցների հետ մրցանակի են արժանացել դպրոցականների խճուղավազքի մրցաշարում:

Մենք ուզում ենք նաև մեր այսօրվա մրցանակակիրներին ինչ-որ առումով օրինակ դարձնել մեր երկրի համար, բոլորիս համար, քաղաքացիների համար: Ես անկեղծ ասեմ, երբ մեր 40-ն անց կատեգորիայի տղամարդիկ կանգնած էին պարգևատրման հարթակին, մտքում դա էի մտածում, ասում էի՝ տեսեք ահա ինչպիսի տեսք և կազմվածք պետք է ունենա 40 տարեկանից բարձր տղամարդը: Իհարկե, շատ կարևոր է, շնորհակալ եմ նրանց, որ իրենք նաև այդ հնարավորությունը տալիս են, որպեսզի, ահա, այս հարթակներից այդպիսի ներկայացուցչական կազմով մենք ի ցույց դնենք»,- ասել է Փաշինյանը։

Համացանցում միանգամից օգտատերերը հիշեցին Նիկոլ Փաշինյանի գրքում տեղ գտած մեկ այլ դրվագ, որտեղ վերջինս խոսում է՝ ինչպես են իրեն դուր գալիս կույս տղաները․ «Չնայած` ես գժվում եմ կույս տղաների համար: Նախ` երբ դառնում եմ նրանց առաջինը, դա երաշխիք է, որ ամբողջ կյանքում քեզ չեն մոռանա: Եվ հետո, որ նրանք դողում են վախկոտ նապաստակի նման և որպես կանոն` պրծնում առաջին իսկ ներթափանցումից»: