Ինչի՞ ես Միքայել Արզումանյանին նագլի բերել, դատում․ արցախցին՝ Փաշինյանին (video)

Մենք արդեն երեք տարի այստեղ ենք եւ հայաստանի մեծ ու փոքր տրամաչափի բոլոր ղեկավարների հետ հանդիպել ենք, բոլոր մտադրությունը եղել է հարցերը լղոզելը: Այս մասին, այսօր՝ նոյեմբերի 6-ին, ՀՀ աշխատանքի և սոցիալական հարցերի նախարարության շենքի դիմաց բողոքի ակցիայի ժամանակ ասաց «Հանուն Հադրութի» ՀԿ նախագահ Լևոն Հայրյանը։

«Հայաստանի կառավարությունը որոշել է հայտարարել՝ արցախցիները Հայաստանի քաղաքացի չեն, որպեսզի բնակարաններով չապահովեն։ Բայց երեք տարի է ամեն օր ասել եմ՝ մեզ փախստականի կարգավիճակ տվեք, ասել ենք՝ չենք տալիս, դուք Հայաստանի քաղաքացի եք։ Հիմա եկել է պահը, որ պետք է մտածեն բնակարաններով ապահովելու մասին, ուզում են ջնջել մեր իրավունքները, ասում են՝ քաղաքացի չեք։ Ժողովուրդ, ենթադրենք քաղաքացի չենք, ասում են՝ արցախցին Հայաստանի քաղաքացի չէ։ Համաձայն եմ, բայց այսօր բոլորդ գիտեք, որ Միքայել Արզումանյանը կամ այլ սպաներ այստեղ դատվում են, քննվում են։ Եթե իրենք Հայաստանի քաղաքացի չեն, ինչո՞ւ եք բերել նրանց այստեղ, դատում։ Եթե Ղարաբաղը Հայաստան չէ, դու էլ այնտեղից քաղաքացի ես բերել ու դատում ես, միջազգային օրենքներն էլ ես խախտում»,- ասաց Լևոն Հայրյանը։