Միգրացիոն հոսքը կրճատվել է 94%-ով

Փախստականների հարցերով ՄԱԿ-ի գերագույն հանձնակատարի վարչությունը՝ Ժնևում ներկայացնելով Եվրոպայում միգրացիային նվիրված «Հուսահատ ուղևորություն» զեկուցում նշվում է, որ միգրացիոն հոսքը դեպի Հունաստան կրճատվել է 94%-ով: Տարեսկզբից ավելի քան 2200 փախստականներ ու ներգաղթյալներ են մահացել կամ անհետ կորել՝ փորձելով Միջերկրական ծովով կամ ցամաքային երթուղիներով հասնել Եվրոպա։ Վարչության տվյալներով՝ Միջերկրականը հատող ներգաղթյալների հոսքը կտրուկ նվազել է։ Առաջին կիսամյակում Եվրոպա է ժամանել մոտ 107 հազար մարդ։ Միայն Թուրքիայից Հունաստան երթուղու վրա նկատվում է 94 տոկոս անկում։ Հունվարին հունական ափեր է ոտք դրել 9000 ներգաղթյալ և փախտական, մինչդեռ 2016 թվականի առաջին 6 ամիսների ցուցանիշը կազմել է ավելի քան 150 հազար։ Չնայած միգրացիոն հոսքի նվազմանը, ճանապարհին մահվան հավանականությունը մնում է տագնապալի բարձր մակարդակի վրա։