Բիլ Գեյթսը՝ ամենախոշոր նվիրատու

Microsoft ընկերության հիմնադիր Բիլ Գեյթսը, որն աշխարհի ամանհարուստ մարդն է, կատարել է 2000 թվականից ի վեր բարեգործական նպատակներով իր ամենախոշոր նվիրատվությունը:Այսպիսով՝ 61-ամյա միլիարդատերն իր ընկերության՝ 4,6 միլիարդ դոլար գումարի բաժնետոմսերի նվիրատվությունն արել է տակավին հունիսի 6-ին: Թե որ ընկերությունն է դարձել փողն ստացողը, չի հաղորդվում: Այս մասին հաղորդել է Bloomberg գործակալությունը՝ վկայակոչելով այն տվյալները, որոնք հրապարակել է ԱՄՆ-ի Արժեթղթերի եւ սակարանների հանձնաժողովը։ Բարեգործական գործունեության բնագավառում Գեյթսի խոշորագույն ներդրումը եղել է 1999 թվականին 16 միլիարդ դոլարի աննախադեպ գումարը, իսկ մեկ տարի անց՝ 5,1 միլիարդ դոլարը, հաղորդել է ՏԱՍՍ-ը: