Իսպանիայում ներգաղթյալների հոսքը եռակի մեծացել է

Այս տարի Իսպանիա է ժամանել եռակի ավելի շատ ներգաղթյալ, քան 2016 թվականի նույն ժամանակահատվածում՝ ասվում է Միգրացիայի միջազգային կազմակերպության զեկույցում։ Այս մասին փոխանցում է BBC-ն։ 8385 մարդ ծովով հասել է Իսպանիա։ Նման աճը կարող է պայմանավորված լինել այն բանով, որ փախստականներն իսպանական երթուղին ավելի անվտանգ են համարում։ Այս շաբաթ ավելի վաղ հրապարակվել էին կադրեր ներգաղթյալներից, ովքեր նավակով հասնում են Կադիսի լողափ՝ հանգստացողների աչքի առաջ։   Օգոստոսի 9-ի դրությամբ՝ Իտալիան ընդունել է 96856 ներգաղթյալի։