Ուկրաինացիները պատրաստվում են Ղրիմ մտնել

Ուկրաինական ուժերը մինչեւ այս տարվա դեկտեմբերի վերջը կարող են ժամանակավորապես օկուպացված Ղրիմ մտնել, իսկ գարնանը Ռուսաստանի հետ պատերազմը կավարտվի։ Այսպիսի կանխատեսում է Sky News-ին տված հարցազրույցում արել պաշտպանության փոխնախարար Վլադիմիր Գավրիլովը, գրում է Liga.net-ը։

Ինչ վերաբերում է Կրեմլի հետ խաղաղ բանակցությունների հեռանկարին, Ալեքսեյ Ռեզնիկովի տեղակալն ասել է, որ դրանք տեղի կունենան միայն այն բանից հետո, երբ ռուսական զորքերը պատրաստ լինեն լքել ամբողջ Ուկրաինայի ողջ տարածքը, ներառյալ՝ Ղրիմը։

«Մենք կարող ենք Ղրիմ մտնել, օրինակ, մինչեւ դեկտեմբերի վերջը։ Հնարավոր է, հնարավոր է։ Բացառված չէ, որ այդպես էլ լինի»,- նշել է նա։