Հունաստանում եղանակը «գժվել է»

Հունաստանի EMY օդերեւութաբանական ծառայությունը հայտնում է,որ  40 աստիճանի տապից անմիջապես հետո սպասվում են ամպրոպներ, անձրեւներ եւ կարկուտ։ «Եղանակը գժվել է. 41 աստիճան շոգից հետո գալիս են փոթորիկն ու կարկուտը:Տապից անձրեւ»,- գրում է հունական «Պրոտո տեմա» թերթը: Շաբաթվա սկզբից Հունաստանի գրեթե ամբողջ տարածքումէ շոգ եղանակ՝ պլյուս 40 -42 աստիճան ստվերում, Աթենքում՝ 37 – 38 աստիճան: Ջերմաչափերի սյուները «կարմի գոտում» կգտնվեն մինչեւ օգոստոսի 12-ը, իսկ հետո մի շարք շրջաններում դրանց փոխարինելու կգան անձրեւները, փոթորիկները, կարկուտը եւ ուժեղ քամիները: Օգոստոսի 13-ից ջերմաստիճանի ընդհանուր նվազում է սպասվում նաեւ երկրի շրջանների մեծ մասում, սակայն միեւնույն է տարվա այս ժամանակ այն բարձր կլինի միջինից: