Իրաքում դատարանը մահապատժի է դատապարտել 27 մարդու. որն է պատճառը

Իրաքում դատարանը մահապատժի է դատապարտել 27 մարդու՝ ավիաբազայում տեղի ունեցած սպանդի կապակցությամբ: Դեպքը տեղի է ունեցել «Սփայքեր» ավիաբազայում, երբ ԻՊ-ի զինյալները 2014-ին պատանդառել էին ավելի քան 1500 շիա կադետների։ «Կենտրոնական քրեական դատարանը վճիռ է կայացրել 27 ամբաստանյալների մահապատժի մասին՝ «Սփայքեր» ճամբարում հանցագործություններին մասնակցություն ունենալու համար․․․ 25 մեղադրյալների ազատ են արձակել անբավարար ապացույցների համար»,- ասվում է Իրաքի Գերագույն դատական խորհրդի հայտարարության մեջ, փոխանցում է ՌԻԱ Նովոստին։