Հուրգադայում սպիտակ շնաձկան հարձակման հետևանքով մեկ մարդ է տուժել
Интерфакс-ի փոխանցմամբ, Եգիպտոսի Հուրգադա հանգստավայրի շրջանում սպիտակ շնաձկներ են հայտնվել, տուժել է մեկ մարդ:
«Եգիպտոսում՝ Հուրգադայի շրջանում, նկատվում է ագրեսիվ սպիտակ շնաձկների ակտիվություն, մեկ մարդ վիրավորվել է: Վերջին անգամ այստեղ շնաձկների հայտնվելը գրանցվել է 2015 թվականին»,- հայտարարել են ՌԴ ԱԳՆ-ից:
2015 թվականի մարտին Մարսա-Ալամ հանգստավայրում շնաձկան հարձակման հետևանքով գերմանացի զբոսաշրջիկ է մահացել: Նա մահացել էր հիվանդանոցի ճանապարհին:
Գերմանացի զբոսաշրջիկի վրա հարձակումն առաջինն էր 2010 թվականից ի վեր, երբ Շարմ էլ Շեյխ հանգստավայրում շնաձկների զոհ դարձան մի քանի զբոսաշրջիկ: Այդ ժամանակ մահացել էր գերմանուհի մի զբոսաշրջիկ, վիրավորվել երեք ռուս և Ուկրաինայի մեկ քաղաքացի:
Հետևեք մեզ Viber-ում
