Սկարամուչիին փոխարինող են գտել

Ինչպես օգոստոսի 1-ին գրել Է CNN հեռուստաընկերությունը,  Սպիտակ տան աշխատակազմի նոր ղեկավար պաշտոնաթող գեներալ Ջոն Քելլին փոխարինող Է գտել Սպիտակ տան հաղորդակցությունների գծով տնօրենի պաշտոնից հեռացված Էնթոնի Սկարամուչիին՝ դա կլինի ԱՄՆ-ի ներքին անվտանգության նախարարության պաշտոնական ներկայացուցիչ Դեւիդ Լապլանը: Լապլանը Քելլի հետ աշխատել Է ընդհանուր առմամբ արդեն ավելի քան 10 տարի, ուստի նրա թեկնածությունը ներքին անվտանգության նախկին նախարարի կողմից քննարկվում Է առաջնահերթ կարգով: Լապլանը երկար տարիներ աշխատել Է զինված ուժերում. մինչեւ Քելլիի հետ ներքին անվտանգության նախարարություն գնալը նա ղեկավարում Էր զանգվածային լրատվամիջոցների հետ կապերի դեպարտամենտներից մեկը Պենտագոնում եւ ծովային հետեւակի զորակազմում, հաղորդել Է ՏԱՍՍ-ը: