Թուրքիայի իշխող Արդարություն և զարգացում կուսակցությունն Ադրբեջանում ներկայացուցչություն է բացելու

Թուրքիայի իշխող Արդարություն և զարգացում կուսակցությունը (AKP), որը գլխավորում է այդ երկրի նախագահ Ռեջեփ Թայիփ Էրդողանը, Ադրբեջանում ներկայացուցչություն է բացելու: Այս մասին հայտնում է թուրքական ahaber.com.tr-ն: Արդարություն և զարգացում կուսակցությունը, որն իր առաջին օտարերկրյա ներկայացուցչությունը հիմնել է Բրյուսելում, պատրաստվում է օտարերկրյա ներկայացուցչություններ հիմնալ ևս  6 երկրներում: Այս որոշումը կայացվել է AKP կենտրոնական  գործադիր խորհրդի նիստում, որը կայացել է նախագահ Ռեջեփ Թայիփ Էրդողանի գլխավորությամբ: Առաջին գրասենյակները նախատեսվում է բացել Ադրբեջանում, Եվրոպայում, Բալկանյան երկրներում և ԱՄՆ-ում: