Պուտինը գլխավորել է Սանկտ-Պետերբուրգում ընթացող ռազմա-ծովային շքերթը

Սանկտ-Պետերբուրգում անց է կացվել Ռուսաստանի նորագույն պատմության մեջ առաջին ռազմա-ծովային շքերթը, որը ղեկավարել է ՌԴ նախագահ Վլադիմիր Պուտինը։ Շքերթին մասնակցել են ռազմական նավեր, ջրասույզներ, Սանկտ-Պետերբուրգի երկնքում վարժանքներ էր ցուցադրում ռազմական ավիացիան։ «Այսօր ռազմա-ծովային ուժերը լուծում են ոչ միայն իրենց առջև դրված դժվարին խնդիրները, այլ նաև արժանի կերպով լուծում են նորանոր մարտահրավերներ՝ մեծ ներդրում ունենալով ահաբեկչության դեմ պայքարում»,- ասել է Պուտինը՝ ողջունելով շքերթի մասնակիցներին: ՌԴ նախագահը նշել է նաև, որ Ռուսաստանի պատմությունը կապված է անվախ օդա-ծովային ուժերի հաղթանակների, սպաների, ծովակալների, նավավարների, լեգենդար սուզանավերի անվան հետ: