Ալիևն իրեն իրավունք է վերապահում խառնվել Հայաստանի ներքաղաքական կյանքին

 

Նիկոլ Փաշինյանը կառավարության նիստում հայտարարեց, որ նոյեմբերի 9-ից հետո չի եղել և չկա Լեռնային Ղարաբաղյան կարգավորման ոչ մի նախագիծ, անգամ նախագծի սևագիր, որը սեղանի վրա լինի կամ շրջանառության մեջ: <<Կրկնում եմ՝ ոչ մի անգամ նման նախագիծ կամ նույնիսկ սևագիր չի եղել>>,- հայտարարեց նա՝ արձագանքելով այն մտավախություններին, թե Փաշինյանը պատրաստվում է ստորագրել Ադրբեջանի տարածքային ամբողջականությունը ճանաչող փաստաթուղթ՝ Արցախը վերջնականապես հանձնելով Ադրբեջանին։
<<Արցախը իր չէ, առարկա չէ, որ հանձնես կամ չհանձնես: Արցախն առաջին հերթին այնտեղ ապրող մարդն է: Եթե մենք Արցախը հանձնող լինեինք, 44-օրյա պատերազմից հետո տասնյակ միլիարդավոր դրամներ չէինք ծախսի, որ ապահովենք արցախցիների վերադարձն իրենց տներ: Արցախը հանձնողը, ընդհակառակը, պատերազմից հետո պարզապես ոչինչ չէր ձեռնարկի, և Արցախի հանձնումը, ըստ էության, իրականություն դարձած կլիներ:
Մենք, ընդհակառակը, աննախադեպ ծավալի ներդրումներ ենք իրականացնում Արցախում, որովհետև Արցախը պահել՝ նշանակում է արցախցուն պահել Արցախում: Հայաստանը պահել՝ նշանակում է հայաստանցուն պահել Հայաստանում և մի բան էլ հեռացածներին վերադարձնել: Իսկ սա առանց խաղաղության հնարավոր չէ: Առանց խաղաղության, հարգելի գործընկերներ, սա հնարավոր չէ>>,- հայտարարեց Փաշինյանը՝ ավելացնելով, որ այս պահին հայ-ադրբեջանական բանակցությունների առարկա հանդիսացող թղթի բովանդակությանը հանրությունը ծանոթ է՝ դա Ադրբեջանի կողմից մեզ փոխանցված 5 կետանոց առաջարկն է:
Այդ առաջարկում, ինչպես հայտնի է, պահանջ է դրվում հայկական կողմի առջև ճանաչել Ադրբեջանի տարածքային ամբողջականությունը՝ Արցախի համար չամրագրելով որևէ կարգավիճակ։
Սրան զուգահեռ՝ Փաշինյանը նաև հայտարարում է, թե այն ուժերը, որոնք ուզում են, որ Հայաստանի կառավարությունը որդեգրի բաժակաճառեր, որոնց արդյունքում նոր պատերազմ է սանձազերծվելու, և Արցախը հայաթափվելու է <<Ահա նրանք հանձնել են, հանձնում են և ոչ միայն Արցախը, այլև Հայաստանի Հանրապետությունը>>: Այդ ուժերը, ըստ Փաշինյանի, Ազատության հրապարակում իր հեռացումը պահանջողներն են։

Զարմանալիորեն ճիշտ նույն օրը Ազատության հրապարակում հանուն Արցախի հայկական մնալու գաղափարի ներքո պայքարող ուժերի դեմ սինխրոնացված մեսիջներ են հնչել նաև Ալիևի կողմից։

«Եթե Հայաստանը խաղաղության պայմանագիր չստորագրի և չճանաչի Ադրբեջանի տարածքային ամբողջականությունը, մենք էլ պաշտոնապես կհրաժարվենք ճանաչել Հայաստանի տարածքային ամբողջականությունը»,- օկուպացված Շուշիում աշխարհասփյուռ ադրբեջանցիների համաժողովի ժամանակ հայտարարել է Ադրբեջանի նախագահը՝ ավելացնելով, որ սա Հայաստանի վերջին հնարավորությունն է:
«Հայաստանում երբեմն գլուխ բարձրացնող ռևանշիստական ուժերը պետք է իմանան, որ սա Հայաստանի համար միակ ելքն է և գուցե վերջին հնարավորությունը: Հաշվի առնելով ղարաբաղյան երկրորդ պատերազմի արդյունքները, հայկական կողմը պետք է լավ գիտակցի, թե ինչի կհանգեցնի այդ քայլը», - ասել է Ալիևը՝ շեշտելով, որ Հայաստանի ներկա իշխանությունը ընդունել է իր 5 կետանոց առաջարկը՝ այսպիսով պաշտոնապես հայտնելով, որ ճանաչում է Ադրբեջանի տարածքային ամբողջականությունը, Ադրբեջանին որևէ տարածքային պահանջ չունի և հետագայում էլ չի ունենա:
«Մենք մտադիր ենք բանակցել այս 5 սկզբունքների հիման վրա: Ներկայումս արտաքին գործերի նախարարները, երկու երկրների նախարարությունները աշխատանքային խմբեր են ձևավորում և կարծում եմ, որ մոտ ապագայում պետք է կոնկրետ բանակցություններ սկսել և կարիք չկա դրանք երկարաձգելու: Քանի որ հենց այդ 5 կետի հիման վրա է ստորագրվելու խաղաղության պայմանագիրը: Այդ պատճառով պայմանագրի տեքստը շուտով կարող է նախապատրաստվել, ստորագրվել և այսպիսով Հայաստանի ու Ադրբեջանի միջև կարող են կապեր հաստատվել, այդ թվում՝ դիվանագիտական», - ասել է նա:
Հատկանշական է, որ անգամ այսպիսի սպառնալիքներից հետո Ալիևը չի ասել, թե խաղաղության պայմանագրի ստորագրման դեպքում Ադրբեջանը կճանաչի ՀՀ տարածքային ամբողջականությունը։ Փաստացի առայժմ միայն շրջանառվում է Ադրբեջանի տարածքային ամբողջականության ճանաչման թեզը։ Այսինքն՝ չկա որևէ երաշխիք, որ Նիկոլ Փաշինյանի երազած խաղաղության պայմանագրի ստորագրումից մի քանի օր անց Ադրբեջանը չի հարձակվի ՀՀ-ի վրա։ Հետևաբար, Նիկոլ Փաշինյանի հակահայ խաղաղության օրակարգը առ ոչինչ է, որովհետև պաշտոնական Բաքուն շատ բաց տեքստով հայտարարում է, որ ողջ Հայաստանն ադրբեջանական տարածք է՝ ներառյալ Երևանը։
Ուշադրության արժանի մյուս կարևոր հանգամանքն այն է, որ Ալիևն իրեն իրավունք է վերապահում խառնվել Հայաստանի ներքաղաքական կյանքին և խնդիր ունի, ոչ թե ՀՀ ներկա իշխանության, այլ՝ ընդդիմության հետ։ Ալիևը շատ լավ հասկանում է, որ եթե Հայաստանի ներկա իշխանությունը հեռացվի՝ ինքն երբեք չի կարողանա Արցախը դիտարկել որպես Ադրբեջանի տարածք։ Պատահական չէ, որ նա իր մեծ եղբայր Թուրքիայի հետ միասին այդքան անթաքույց աջակցում է Փաշինյանի թիմին։

Հայկ Դավթյան

 

դիտվել է 766 անգամ
Լրահոս
Լևոն Աբրահամյանն ընտրվել է Հայաստանի նկարիչների միության նախագահ ՀԷՑ-ը ստոլբեն լավ գնով չէր առել, մենք կխլենք այն` Ադրբեջանի և Թուրքիայի համակարգին կապելու համար Չեմ կարող ինձ համեմատել նրա հետ, դա անհնար է․ Սպերցյանը՝ Մխիթարյանի մասին Ես տեղափոխվում եմ Հայաստան. Դենիս Ջորկաեֆ Զոհվել է առնվազն 428 երեխա և դեռահաս Մայր Աթոռում կատարվել է 9 սարկավագների ընծայման կարգը «ԽԱՂԱՂՈՒԹՅՈՒՆԸ ՔԹԻ ՏԱԿ` ԽԱՂԱՂՈՒԹՅՈՒՆ ԵՆ ՄՈՒՐՈՒՄ»․ Լևոն Ջավախյան «Առաջին ագամը չէ, որ Փաշինյանի ասածը ոչ մի կապ չունի իրականության հետ»․ Հակոբ Բադալյան «Գուցե վաղն էլ նիկոլները բացատրեն, որ Արցախը հանձնելու որոշումը նույնպես միջազգային ստանդարտի պահանջն էր»․ Մետաքսե Հակոբյան «Այ քեզ լոգիկա․ ուրեմն գյուղի պո*նիկն ամենաանկախն է»․ Ոսկան Սարգսյան Այ Քաջ Նազար, գնա քո Ուստիաննայիդ դիմի․ Լևոն Զուրաբյանը պատասխանել է Նիկոլ Փաշինյանին Մի շարք տարածաշրջաններում անձրև է տեղում Երևանում «Jeep»-ը հետիոտնային անցման վրա վրաերթի է ենթարկել հետիոտնին Պահանջել եմ անձնագրիս մեջ ծննդավայրս չնշել Ադրբեջան․ Արտակ Բեգլարյան «Խաղաղության» անվան տակ հերթական զիջումը ժողովրդին որպես հաղթանակ ներկայացնել չի ստացվելու․ Արթուր Միքայելյան Ուկրաինայի համար անվտանգության ամենահստակ երաշխիքը ՆԱՏՕ-ին անդամակցությունն է. Զելենսկի Իրանը պատրաստ է երկու օրում բացել Հորմուզի նեղուցը՝ ԱՄՆ-ի պայմանների կատարման դեպքում․ Աբբաս Արաղչի ԱՄՆ ծովային հետևակի հռչակավոր վետերանին կասկածում են աշակերտների հետ շփման սահմանները խախտելու մեջ Չենք հաղթանակի ստին ու կեղծիքին, քանի դեռ չենք գիտակցել ու մեր ներսում չենք ապրել այն զրկանքների ու հալածանքների գոնե մեկ-քառորդ ծանրությունը, որոնց միջով անցնում է Բագրատ Սրբազանը Մի՛ թող, որ չասված խոսքերն ու չհաղթահարված վիրավորանքները խլեն քեզնից այն ժամանակը, որը կարող էիր անցկացնել սիրելիիդ հետ. Տեր Մովսես Իրանը ԱՄՆ-ի հետ հակամшրտության շրջանակներում բարձրացնում է լարվածության սանդղակը․ Ոսկանյան Իրանը ներկայացրել է ստորգետնյա «հրթիռային քաղաք» Դանիան մտադիր է առաջարկել արգելել ռուս զբոսաշրջիկների մուտքը ԵՄ երկրներ. Reuters Պայքար 6 ձայնի համար. ըստ Կարապետ Պողոսյանի՝ քրեաիրավական համակարգը ներգրավված է ընդդիմության դեմ կոմպրոմատներ հավաքելու գործում Սոցցանցում Փաշինյանին առաջարկում են հանդես գալ «Pupush annayi simpo arjukn em» օգտանվամբ
Ամենաընթերցվածները
Շուտով
Նոյեմբերի 20-ին՝ ժամը 11։00-ին, Հայելի ակումբի հյուրն է Նարե Սոսեն Նոյեմբերի 20-ին՝ ժամը 15։30-ին, Հայելի ակումբի հյուրն է Էլյանորա Մանադյանը Նոյեմբերի 20-ին՝ ժամը 13։00-ին, Հայելի ակումբի հյուրն է Վիգեն Հակոբյանը Նոյեմբերի 20-ին՝ ժամը 14։00-ին, Հայելի ակումբի հյուրն է Նարինե Դիլբարյանը Նոյեմբերի 19-ին՝ ժամը 16։00-ին, Հայելի ակումբի հյուրն է Ռուզաննա Ստեփանյանը Նոյեմբերի 19-ին՝ ժամը 12։00-ին, Հայելի ակումբի հյուրն է Աշոտ Անդրեասյանը Նոյեմբերի 19-ին՝ ժամը 14։30-ին, Հայելի ակումբի հյուրն է Էլյանորա Մանադյանը Նոյեմբերի 19-ին՝ ժամը 13։00-ին, Հայելի ակումբի հյուրն է Նաիրի Հոխիկյանը Նոյեմբերի 19-ին՝ ժամը 11։00-ին, Հայելի ակումբի հյուրն է Րաֆֆի Հովհաննիսյանը Նոյեմբերի 18-ին՝ ժամը 11։30-ին, Հայելի ակումբի հյուրն է Արմենուհի Կյուրեղյանը
Հետևեք մեզ Viber-ում https://cutt.ly/5wn8sJBS
Hayeli.am