Անգամ արցախցի գեներելաներն են կողմ Ռուսաստանի կազմ մտնելուն
Հրապարակը գրում է. Արցախում իրավիճակը գնալով սրվում է, Ալիևը Հայաստանի իշխանություններին ստիպում է՝ օր առաջ լուծել Արցախի հարցը, այսինքն՝ մնացած 25 տոկոսն էլ հանձնել Ադրբեջանին, և այդպիսով «խաղաղություն հաստատել» տարածաշրջանում։
Արցախցիները, բնականաբար, դեմ են այս «լուծմանը» և զգացողություն ունեն, որ Հայաստանը ձեռքերը լվացել է Արցախից ու այլևս չի ցանկանում կամ ի վիճակի չէ ապահովել իրենց անվտանգությունը։ Այս պարագայում արցախցիներն իրենց հույսը կապում են միայն Ռուսաստանի և ռուս խաղաղապահների հետ, որոնք նաեւ ստրատեգիական շահեր ունեն Արցախում եւ այս տարածաշրջանում հաստատվելու նպատակ։ Եւ Արցախում օրեօր աճում են Ռուսաստանին միանալու տրամադրությունները, մարդիկ արդեն խոսում են հանրաքվե անելու, Ռուսաստանին դիմելու մասին, որ մտնեն Ռուսաստանի կազմ։
Նրանք վստահ են, որ ընտրությունը ոչ թե անկախության եւ Ռուսաստանի կազմ մտնելու մեջ է, այլ Ռուսաստանի կամ Արդբեջանի կազմում լինելու եւ այդ պարագայում ընտրությունը միանշանակ Ռուսաստանի օգտին է։ Սրան հետեւողականորեն նպաստում է նաեւ Նիկոլ Փաշինյանը, որն ամեն պատեհ առիթով հայտարարում է, որ Շուշին ադրբեջանական էր, ազատագրված տարածքները հայկական չէին, այլեւս չի արտաբերում այն միտքը, որ Արցախը երբեք չի լինելու Ադրբեջանի կազմում, խոսում է պատերազմի մոտալուտ վտանգի եւ ադրբեջանական ամբողջականությունը ճանաչելու, խաղաղության դարաշրջան բացելու մասին։
ՔՊ-ականները հայտարարում են, որ Ադրբեջանի 5 ուլտիմատում կետերն ընդունելի են իրենց համար եւ քննարկման հարց է՝ Արցախը Ադրբեջանի կազմում թողնելու հարցը։ Եվ այս պահվածքով իշխանությունը նպաստում է Արցախում Ռուսաստանին միանալու շարժման ակտիվանալուն։
Երեկ մեզ հաջողվեց կապվել Արցախի պաշտպանության բանակի նախկին հրամանատար, գեներալ Լևոն Մնացականյանի հետ, որը, թեև վերջին շրջանում հաճախ Երևանում էր լինում, երեկ Արցախում էր։
Հարցրինք՝ ի՞նչ է մտածում Արցախի կարգավիճակի հետ կապված և ի՞նչ կարող է ասել Արցախում օրեցօր աճող տրամադրությունների վերաբերյալ, որ՝ ճիշտը Ռուսաստանի կազմի մեջ մտնելն է։
«Դրական եմ ընդունում»,-կարճ պատասխանեց Մնացականյանը, ասելով, որ չի կարող երկար խոսել՝ տեղը հարմար չէ։
Հետևեք մեզ Viber-ում
