«Կոկորդիլսոագետի» սիրտը ավտոշուկա՞ է ուզում. նույն ավտոշուկային տիրանալու ախորժակ ունի նաև Հրաչյա Հակոբյանը

«Իրավունք» թերթը գրում է. «Հեկտարն ու նեկտարը իրար հետ շփոթող, մեծն կոկորդիլոսագետ Գարիկ Սարգսյանը, շատերս ենք հիշում, թե Արարատի մարզ ոտք դնելու առաջին իսկ օրվանից ինչպես եւ ինչու դարձավ ազգային հումորի թեմա: Բայց ինչքան էլ նա ձգտի մինչ օրս ձեռքերում ամուր պահելու այդ «տիտղոսը», այլ գործերով եւս Գարիկը հասցնում է աչքի ընկնել:

Իր վսեմագույն անձին խիստ սիրահարված Գարիկ Սարգսյանը, «քավորսանիկ մեկ ընտանիք» բրենդի տակ, վայելելով թափահարող Փաշինյանի անվերապահ աջակցությունը, մինչ օրս ոչ միայն փոշիացնում է Արարատի մարզում տարիներով շատ ու շատ հարգված մարդկանց արած-դրածը՝ չխնայելով եւ ոչ մի օբյեկտ ու կառույց… Եվ ահա «կոկորդիլոս թռցնող» Գարիկ Սարգսյանը, հիմա էլ քավորի ասած` օդում կախված լուրերի համաձայն, աչք է դրել Էրեբունու վարչական շրջանում գործող ավտոշուկայի վրա: Ուստիեւ, ասում են՝ քավորի կառավարությունը սկսել է «կար ու ձեւը»` այդ ոլորտում նոր «ականներ տեղադրելու» եւ, ըստ էության, սանիկի «ռազմերով նոր կոստյում կարելու» համար:

Ի դեպ, ըստ նույն լուրերի, խոսակցություններ են պտտվում, որ բացի Գարիկ Սարգսյանից, ավտոշուկայի տեր դառնալու բուռն ախորժակ ունի նաեւ Փաշինյանի աներձագը` նույն ինքը Հրաչ Հակոբյանը, ում հայտարարագրերն այլեւս միլիոններից են սկսում արդեն: Ամեն դեպքում, տրված է օրենսդրորեն ավտոշուկաների գործունեությունը «կարգավորելու» գործընթացը:

Ամեն դեպքում, այդ «կարգավորումների» հարցով մենք գրավոր հարցում ենք ուղարկել նաեւ վարչապետին, անսալով հստակ պատասխաններ»:

Առավել մանրամասն՝ թերթի այսօրվա համարում