ՔՊ-ականներն իմ վրա գրիչ շպրտեցին, ասացին՝ ԱԺ-ում էլ շիշ են շպրտում
Հրապարակը գրում է․ Մեզ պատմեցին, որ Տեղ համայնքի ընդդիմադիր ավագանու անդամները դիմել են Կոռուպցիայի հանձնաժողով՝ Սյունիքի նախկին մարզպետ Մելիքսեթ Պողոսյանի կողմից հանքի ապօրինի շահագործման առիթով:
Համայնքի նախկին ղեկավար Արգամ Հովսեփյանը մեզ հետ զրույցում հաստատեց լուրն, ապա հավելեց. «Հանքեր են քանդում էնտեղ, բայց չգիտեմ Մելիքսեթ Պողոսյանն ա, թե քրոջ տղան ա: Իրանցն ա էլի, սա նոր չի, քանի տարի ա: Անօրինական ա դա, չեմ հասկանում ես: Մեծ հանքեր ա, մեծ բաներ են անում իրանք: Տարիներ շարունակ իրենք էդ պեմզան հանում են, էդ գործն են անում, անօրինական ա, ինչքան գիտեմ»:- նշում է նախկին համայնքապետը:
«Ապրելու երկիր» կուսակցության կողմից ավագանու անդամ Մասիս Զեյնալյանն էլ մեզ հետ զրույցում նշեց, որ մանրամասներ հիմա չի ցանկանում ասել՝ մարտի 10-ից հետո խոստացավ փակագծեր բացել: «Ես նիստերին պիտի հարց բարձրացնեմ, իրենք խոսում են թափանցիկ լինելուց և կոռուպցիայից, ես իրենց հարցը տամ, իրենց թափանցիկ ցավն էլ տանեմ: Ես էսօր էլ եմ գնացել ու վիճել իրանց հետ, իրանք չեն ուզում հասկանան ու արդար աշխատեն: Հիմա սպասում եմ ամսի 10-ի նիստին: Հիմա ես գնամ մի փոս քանդեմ, 3 տարի կդնեն վրես: Ես ոչ վախենում եմ, ոչ էլ: Ես դրան պիտի լացացնեմ: Գնացել էինք էն օրը, ՔՊ-ական ավագանու անդամները գրիչ են վրաս շպրտում ու ասում` Ազգային ժողովում էլ շիշ են շպրտում: Ես ճշմարտությունը ճպպացրել եմ, գրիչ են շպրտել: Էնպես չի, որ ես տակ եմ մնացել», նշում է Մասիս Զեյնալյանը:
Ըստ մեր տեղեկությունների` Տեղ համայնքի ավագանու ընդդիմադիր անդամները բավականին վճռական են տրամադրված: Մեր աղբյուրի խոսքով` վերջին շրջանում ավագանու նիստերը բավականին լարված մթնոլորտում են անցնում: Պատճառը` նախկին մարզպետ Մելիքսեթ Պողոսյանի կողմից շահագործվող հանքերն են: Հիմա փաստորեն` դանակը ոսկորին է հասել, ավագանու անդամները որոշել են թակել բոլոր հնարավոր դռները:
Հետևեք մեզ Viber-ում
