Ձմեռային պատանեկան Օլիմպիական խաղերը մոտենում են իրենց տրամաբանական ավարտին: Անցած մի քանի օրերի ընթացքում Հայաստանի երկու ներկայացուցիչները՝ Միքայել Միքայելյանը և Անաստասիա Գալուստյանը, մասնակցեցին դահուկասահքի և գեղասահքի մրցաշարերին: Օլիմպիական Լիլեհամերից մեկնելուց առաջ գեղասահորդուհի Անաստասիա Գալուստյանը ՀԱՕԿ լրատվականի հետ զրույցում կիսվեց տպավորություններով, խոսեց իր ելույթների և առաջիկա անելիքների մասին:
-Անաստասիա, խնդրում եմ պատմիր, թե ինչպե՞ս սկսեցիր զբաղվել գեղասահքով:
-Ծնողներս երկուսն էլ գեղասահորդներ են՝ թե մայրս, թե հայրս: Ես էլ սկսեցի գեղասահքով զբաղվել և դա տրամաբանական եմ համարում: Մեր ընտանիքը կարծես գեղասահքով ապրող ընտանիք լինի: Գեղասահքն ապրելակերպ է դարձել: Առաջին անգամ չմուշկների վրա կանգնել եմ 3 տարեկանում և սերն այս մարզաձևի նկատմամբ մնացել է մինչ օրս: Իսկ առաջին և միակ մարզիչներս եղել են և կան ծնողներս:
-Ինչպե՞ս որոշեցիր հանդես գալ Հայաստանի դրոշի ներքո:
-Դեռևս 2012 թվականին առաջարկ կար հայկական կողմից և ես չէի կարող հրաժարվել նման հնարավորությունից: Ես իսկապես ուրախ եմ, որ ինձ առիթ է ընձեռնվել Հայաստանը ներկայացնել միջազգայն մրցաշարերում: Ինձ համար մեծ պատիվ է հանդես գալ հայկական դրոշի ներքո: Միշտ էլ ասել եմ այդ մասին և կրկնելու եմ: Հպարտ եմ որ հայրս, պապս հայեր են և իմ արմատները հայկական են: Առավել հաճելի է, երբ երկրպագուներն են շատանում, այն էլ հայ:
-Ի՞նչ էր քեզ համար մասնակցությունը պատանեկան Օլիմպիական խաղերին:
-Իհարկե, շատ եմ կարևորում մասնակցությունը երկրորդ պատանեկան Օլիմպիական խաղերին: Տխրեցի իհարկե, որ հիվանդությունը թույլ չտվեց ամբողջ ուժով ներկայանալ: Ինձ դուր եկավ թե ինչպես սահեցի կարճ ծրագրի ժամանակ, բաց որևէ մեկնաբանություն չեմ տա ազատ ծրագրի վերաբերյալ: Կարող էի չմասնակցել ազատ ծրագրին, սակայն որոշեցի մասնակցել, թեպետ ջերմում էի, դրանից հետո ինքնազգացողությունս ավելի վատացավ:
–Ի՞նչ տպավորություններով ես վերդառնում Նորվեգիայից:
-Անկրկնելի մթնոլորտ էր ամբողջ խաղերի ընթացքում: Հետաքրքիր և հիշարժան էր: Բոլոր մարզիկները շատ ջերմ են մեկ մեկու նկատմամբ, իսկական օլիմպիական տոն էր: Նոր ընկեր գտա: Այստեղ հանդես էին գալիս նաև գեղասահորդներ, ովքեր հիմնականում մասնակցում են միջազգային մրցաշարերին և մենք իրար ճանաչում ենք:
-Ի՞նչ մրցաշարերի ես պատրաստվում մասնակցել:
-Վերականգնվելուց հետո կսկսեմ նախապատրաստվել աշխարհի առաջնությանը, որն այս տարի անցկացվելու է ԱՄՆ-ի Բոստոն քաղաքում:
Լիլեհամեր, Նորվեգիա
ՀԱՕԿ լրատվության բաժին
Նոյեմբերի 26-ին՝ ժամը 13:00-ին, Հայելի ակումբի հյուրն է Երվանդ Բոզոյանը
Նոյեմբերի 26-ին՝ ժամը 16:30-ին, Հայելի ակումբի հյուրն է Տաթև Արցախը
Նոյեմբերի 26-ին՝ ժամը 12:00-ին, Հայելի ակումբի հյուրն է Արմինե Ադիբեկյանը
Նոյեմբերի 25-ին՝ ժամը 11:00-ին, Հայելի ակումբի հյուրն է Վոլոդյա Հովհաննիսյանը
Նոյեմբերի 25-ին՝ ժամը 16:30-ին, Հայելի ակումբի հյուրն է Տաթև Արցախը
Նոյեմբերի 25-ին՝ ժամը 14:30-ին, Հայելի ակումբի հյուրն է Արդարադատության գեներալ-մայոր Թաթուլ Պետրոսյանը
Նոյեմբերի 25-ին՝ ժամը 13:30-ին, Հայելի ակումբի հյուրն է Հայկ Նահապետյանը
Նոյեմբերի 25-ին, ժամը 12:30-ին Հայելի ակումբի հյուրն է Էդգար Ղազարյանը
Նոյեմբերի 21-ին՝ ժամը 15:30-ին, Հայելի ակումբի հյուրն է Մայր Հայաստանից Սամվել Հակոբյանը
Նոյեմբերի 21-ին՝ ժամը 12:00-ին, Հայելի ակումբի հյուրն է Սարգիս Ավետիսյան
Հետևեք մեզ Viber-ում
