«Ռեալը» դարձավ Իսպանիայի չեմպիոն

5 տարվա դադարից հետո Մադրիդի «Ռեալը» նվաճեց Իսպանիայի առաջնության չեմպիոնական տիտղոսը։ Զինեդին Զիդանի թիմը 2։0 հաշվով հաղթանակ տոնեց «Մալագայի» հետ խաղում: Հանդիպման արդեն երկրորդ րոպեին «Ռեալն» առաջ անցավ հաշվի մեջ․ Իսկոյի փոխանցումից հետո աչքի ընկավ Կրիշտիանու Ռոնալդուն։ Երկրորդ գնդակը 55-րդ րոպեին խփեց Կարիմ Բենզեման։ Վերջին տուրից առաջ «Ռեալը» 3 միավորով գերազանցում էր «Բարսելոնային», սակայն եթե առաջնության վերջնական արդյունքներով թիմերը հավասար միավորներ ունենային, չեմպիոն դառնալու էր «Բարսելոնան», քանի որ Իսպանիայում հաշվի են առնում միմյանց միջև կայացած խաղերի արդյունքները։ «Ռեալն» այս առաջնությունում վաստակեց 93 և 33-րդ անգամ դարձավ Իսպանիայի չեմպիոն։