Արոնյանը զբաղեցրել է 5-րդ հորիզոնականը

Ցյուրիխում ընթացող «Չեսս Չելլենջ 2016» մրցաշարում կայացել են բլից պարտիաները, որոնց ընթացքում Լևոն Արոնյանը 3 պարտություն է կրել: Հայ շախմատիստը զիջել է Անանդին, Կրամնիկին և Նակամուրային: Ոչ-ոքի է խաղացել Գիրիի հետ և հաղթել Շիրովին: Մրցաշարի 1-ին և 2-րդ շրջանի հանդիպումներից հետո վաստակած 5,5 միավորով Արոնյանը նախավերջին 5-րդ հորիզոնականում է: Մրցաշարի հաղթող է ճանաչվել Նակամուրան՝ 10,5 միավորով: Նույնքան միավոր ունի նաև Անանդը, ով զիջել է առաջատարին լրացուցիչ ցուցանիշներով: Երրորդ հորիզոնակնում՝ 9,5 միավորով Կրամնիկն է: Չորրորդ հորիզոնականում Գիրին է, ով հավաքել է նույնքան միավոր, որքան Արոնյանը, սակայն լրացուցիչ ցուցանիշներով նա առաջ է անցել հայ շախմատիստից: Մրցաշարային աղյուսակը եզրափակում է Շիրովը՝ 3,5 միավորով: