Հենրիխ Մխիթարյանը խորհրդանշական հավաքականում է

Whoscored.com-ը ներկայացրել է Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի վիճակագրությունը «Հանովերի» դեմ Գերմանիայի առաջնության 21-րդ տուրում։ Մխիթարյանը երկու հարված է կատարել մրցակցի դարպասին։ Դրանցից մեկը հաղթանակ բերեց դորտմունդցիներին։ Մխիթարյանը կատարել է 37 փոխանցում՝ 73 տոկոս ճշգրտությամբ։ 27-ամյա կիսապաշտպանը երկու անգամ հաջողությամբ շրջանցել է մրցակիցներին, երկու անգամ խլել է գնդակը, երկու անգամ էլ կասեցրել է մրցակցի գրոհը։ Մխիթարյանը մեկ խախտում է թույլ տվել, նրա դեմ չեն խախտել։ Մխիթարյանը ստացել է 8,25 գնահատականը, ճանաչվել է հանդիպման լավագույն խաղացող եւ ընդգրկվել է տուրի խորհրդանշական հավաքականում։