Հունահռոմեական ոճի ըմբիշները մասնակցելու են 3 վարկնիշային մրցաշարերի

Հայաստանի հունահռոմեական ոճի ըմբիշները այս տարի մասնակցելու են 3 վարկնիշային մրցաշարերի: Ինչպես «Արմենպրես»-ին տեղեկացրել է հունահռոմեական ոճի ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանը, առաջին մրցաշարը կկակայա 13-17-ը Սերբիայում: Այս մրցաշարին կարող են մասնակցել միայն եվրոպական երկրների մարզիկները: Մարզիկներն իրենց երկրի համար Օլիմպիական խաղերին մասնակցելու իրավունք կնվաճեն քաշարին կարգերում առաջին եւ երկրորդ հորիզոնականները զբաղեցնելու դեպքում: Հաջորդ վարկանիշային մրցաշարը ապրիլի 20-22-ը Մոնղոլիայի մրցաշարն է, որն արդեն համաշխարհային է: Այստեղ վարկանիշային են համարվում առաջին, երկրորդ եւ լավագույն երրորդ տեղերը: Վերջին վարկանիշային մրցաշարը կկայանա մայիսի 6-8-ը՝ Ստամբուլում: Սա նույնպես համաշխարհային մրցաշար է, որը հնարավորություն կտա Օլիմպիական խաղերի ուղեգիր նվաճել քաշային կարգերում միայն առաջին երկու հորիզոնականները զբաղեցնելու դեպքում: Լ. Ջուլֆալակյանի դիտարկմամբ, մրցաշարերում հայ ըմբիշները պայքարելու են 4 քաշային կարգերում, դրանք 59 կգ, 75 կգ, 85կգ եւ 113 կգ քաշային կարգերն են: «Մայրցամաքային առաջնությունների վարկանիշային մրցաշարերից հետո, մոտավորապես մարտի կեսերին պարզ կլինի, թե օլիմպիական վարկանիշային մրցաշարերին Հայաստանից որ մարզիկը որ քաշային կարգում հանդես կգա», – ասաց հավաքականի գլխավոր մարզիչը։